صافيناز والشيخ

الحلقه (2)

                   رواية صافيناز والشيخ 🤴👸

ماردت احبك حاولت
من لفضة اسمك حاذرت
كلمه وشلتها من الحجي
ومن اللسان خفيتها
وبيبان روحي مقفله
وع الا احب سديتها
صلفة امنياتي الرادتك
سالتني عنك بس صمت
كلش ولا حاجيتها
.
. ايهاب المالكي ♥️🔥

صافيناز
.
اول مارحتله كلت هاشيخ شبيك تنادي
وماحس الا براشدي صوته دوا الحوش دوي اباوع لضمياء يتمضحكن هي وريمه واني كلبي يدك وعيوني مغورجه وصدري من تنفسي السريع يصعد ويهبط باوعت بعيونه الي من العصبيه حمر دم وشاد ع ايده واني ايدي بمكان الراشدي الي لهسه ينطي حراره
كضبني من زندي حيل وكال بصوت ناصي وفحيح
من تجين وطبين بيتي تحترمين نفسج وتنجبين وتكعدين مو جايه تتمعشكين هين ببيتي وي استاذ هشام تتغامزون وناس تندس ناس ماعوزكم الا تتحاضنون لامستحا ولاخجل تولين لبيت هلج وماريد اشوف خلقتج هين فتهمتي 
نترت ايدي من ايده  وحطيت اصبعي بنص وجه وكتله بتهديد
الراشدي هذا اندمك علي واني محترمه نفسي بس شوف روحك ماتكدر تسيطر على نفسك شون تكدر تسيطر على اكح... وساق.. مثلهن اني الرجال الي مايجي ويسمع ويتاكد من الحجي الي يوصله ويجي يتصرف ع هوا غيره مع الاسف يا ابن عمي ماعتبره رجال اعتبره... جيت اكله "مطي ياهوي يجي يكله ديهه ويدفعه" بس سكتت درت وجهي ووصلت يم ريمه وضميا الي لهسه يتمضحكن كتلهن المي يروب وكح.. عمامي ماتوب هنا ععاد فكن حلوكهن وماعرفن شيحجن عفتهن ومشيت لبيتنا واني ارجف بكل قوتيي كل خليه داخلي ترجف شو ن تمد ايدك علي نشاءالله ياشيخ ياعار تنكطع ايدك المديتها عليه وسويتني مضحكه للمايسوون وانت اولهم
اجت امي تركض وهم كملتها عليه ابن عمج حقه ولو ما يريد مصلحتج ماينصحج هشام كلنا نعرفه حاسبته اخوج واحنه هم حاسبينا مثل ابنا بس حيايه عمامج مايكولن هيج وهو خاف...
كتلها يمه لخاطر الله سكتي كافي بدل ماترزلو وتحجون علي جايه تبرريله مهمين شكال ماكصله ايده،،
كالت مهمين كال عفاك بيها ضمياء وريمه كايلاتله ضربها لن تضحك بصوت عالي كبال ولد عمها الكبار،،
أخ يعارات اذا ماخليتجن تتمنن اكف شري عنجن مدام هيج سويتني مهزله
طلعت امي واني خابرت على شمعه كتلها اذا ماجيتي اكسر رجليج وخطوه ماتخطين هناك باجر هم يحطن بيج سالفه وصخه مثلهن وفعلا كطعتها وياهم
اسبوعين واني مواصله بيتهم وحت اريام من تحجي  وياي اتعذر اكلها يمي شغل ماريد اسمع طاريهم ابد اخر مره سمعت خبر مزاعل هو وهشام لان معاتبه كايله شك بيه ولاشك بصافيناز ولو اعرف صافيناز مفكره غير تفكير بيه جان اني ماتقرب حت لاتجيها سالفه وكايل لهشام اذا تريدني مازعل قطع علاقتك بيها اخوه ما اخوه ماتحجي حت وياها كايله هشام اذا تريد تزعل ازعل اني ما اكطع اي شي وبعدها ماعرفت اي شي ولا أريد اعرف بس شمعه ماتوب تروح عليهم يحبن شمعه ويدورلها بس اني ضميا وريمه يكرهني مع انو كافيه خيري  وشري عنهن
.
.
هشام