رواية ارض المعرفه

الجزء السابع ♥😻

وفي الصباح ورود تحدث نفسها اخيراً ياورود بعد انتظار هتشوفي ندي.

ورود: ياسييييييييف

سيف: ايه يامجنونه في ايه خرمتي  طبلت وداني

ورود: يلا يلا قوم انا جاهزه يلا نروح نشوف ندي يلا قوم

سيف: لا سيبيني انام سيبيني

ورود: ياكسول قوم عشان هجيب ميه

سيف: يامجنونه سبيني عاوز انام لسه بدري

ورود: بتفكير والله فكره لو جبت ميه هيفوق علطول يلا هروح اجيب

جابت ورود الميه ولسه رايحه ناحية سيف قام سيف بسرع

سيف: بضحك ياربي يابت المجنونه والله كنت دبحتك عاوزه تغرقيني ميه ماشي ياهبله تعالي بقي والله لمغرقك بيها

ورود: والله ماهتقدر ياسيف مش هتقدر

سيف: بطلعيلي لسانك طيب

استخبي سيف ورا الستاره واول ما ورود عدت قام مغرقها

ورود: والله ل اقول لندي والله هقولها

سيف: ومالوا قولي يلا ياعيوطه حضري الفطار وجهزي نفسك عشان نمشي

ورود: اممم يعني اقولها

سيف: يلا من هنا عشان ما اكب باقي الميه عليكي

ورود: حالاً بسرعه الله اهو يامامي

سيف: والله انك هبله اروح البس والا هتجنن

خلص سيف ورود فطارهم وخلصوا لبس

ورود: اممم ياتري بقي ورود بتعرف تطبخ

سيف: اه جو الحموات ده بقي اكيد بتعرف هي عايشه لوحدها اصلاً اكيد بتعمل كل حاجه لوحدها

ورود: ماشي ياعم العاشق الولهان يلا قوم دور العربيه عشان ما نتأخرش

سيف: هههههه والله السواق بتاعك انا اما ايه العاشق الولهان دي بقي يخربيت المسلسلات الهندي

ورود: اه بقي وتروح تقولها ايه احببتك مثل عشق عنتر لعبله وجنون قيس ب ليله

سيف: هموت منك بس تصدقي فكره

ورود: شوفت عندي خبره 😉

سيف: يلا يا اوزعه عشان نمشي

ورود: هتحايل عليك يا اخويا يلا قوم

ركب سيف و ورود العربيه وفي طريقهم ل بيت ندي

سيف: اتفضلي ياهبله انزلي وصلنا

ورود: ماشي ياعم العاشق الولهان يلا

سيف: استني استني هنا كده بتقولي ايه اوعك تقولي كده تاني عشان هسيبك في البيت ياورود

ورود: حاضر خلاص مش هقول تاني يلا نتدخل متشوقه اشوف ندي

سيف: يلا يابنت المجنونه