في ضريح العشق حمامـــــه......💙🕊

الواحد والعشرون ــ الجزء الثاني

في ضريح العشق حمامه........💙🕊

وئام الشيخلي .....

مساء الورد والياسمين ؏ عيونڪم حبايبي.

علقو بالفقرات بقدر حبڪم لاصحاب القصه.

" صـوتـــــــــك ..
ڪ تڪبيرة تسـرق آلنومـ مـن آجفآني
تخشـــع وترتجــف لــــــه أوصالـــي".....

ــــــــــــــــــــــ

الاضواء قويه وتخفت شوي شوي.

وترجع تقوى تنور ڪل المڪان.
بحيث غمضت عيوني من شدتها.
ٵلم بٵحشائي فضييع.

وشوي شوي صار ينسحب الالم مني.

ايد تمسح ؏ بطني برقه وهدوء.

امي متمسڪه بڪف ايدي وصارت السبحه مالت ابوي بين ڪفوف ايدينا وصلني عطرها شهگته بقوه شگد احبه هالعطر مسك وعنبر

انتعشت واني اشمه.

ايدها الثانيه تمسح ؏ راسي.

واني اباوع الها. عيونها دمعت.

هدوء واجانا صوت وقع اقدام.

امي التفت باتجاه الباب وابتسامتها الي بس بالاسم انرسمت ؏ وجهها.
ودموعها تنزل.

عجيبه امي لليوم ماشفتها ضحڪت من ڪل گلبها.

سحبت ايدها من ايدي ورفعت السبحه ولمتها وضمتها بڪف ايدها.

ودموعها تزيد غزاره.

نمدت ايد مسحت دموعها.

وسحب طرف السبحه منها ومبتسم السبحه صارت ڪلها بيده.
رجع لبسها الها بمعصمها صارت لفتين وبقه منها شوي طواه وخلاه باصبعها البنصر بمڪان الحلقه وعدلها ؏ اصبعها ومعصمها.

اذڪرت من مره توسلتها تگولي مواقف اله صاير ابينهم.

گالت من نگعد نسولف ايدي الله يرحمه تتحرك هواي.

ويرڪز بعيوني يخليني ارتبك ومايقبل انزل نظري يگولي الاجازه مثل لمح البصر وٵنتِ تبعدين نظرج مني.

لو يطگطك اصابعي لو يعدل شعري ويسحبه خصله خصله.

لو الڪلاده مالتي يسحبها من رگبتي يطويها ؏ اصابعي لو معصم ايدي.

والمحابس يحولهن بغير اصبع والحلقه يحولها يمين ويسار.

وحلقته الفضيه ينزعها ويلبسها الي.

وبعدين يرجعهن .

وهاي الشي دايم يڪرره.

رجعت اباوع اله شلون نظره متوجه الها ومرڪز بيها.

مد ايده لذقنها ورفع الها راسها باسها من راسها.
والتفت عليه.

ابوي هوَ هوَ نفس شڪله بدلته العسڪريه جديده تلمع عطره يفوح.