تكملة حلقة 28 :
......شافت مع بيتو ...كلشي اسود و كلاس ...
ندى : صقر واش تخدم ؟؟؟
صقر : ههههه قاتل مأجور .
.....ضربتو بالوسادة .
ندى : بلا زعاقة .
صقر : ديپلوم ادارة مالية ....اما منخدمش الي تبناني خلالي ثروة و شركة راهم يسيرو فيها والارباح توصلني .
ندى : عندك الزهر..
صقر : ونتي حبيتي تخرج محامية ؟
ندى : ايه ...حلم حياتي .
صقر : تكلمتي مع والديك ؟؟؟
ندى،: حاولت نوصل لبابا ...اما مقدرتش پورطابلو خارج التغطية و رقم امي محافظتوش .
صقر : خبري ايمان تجيبهولك ...و عيطيلهم راكي طولتي .
ندى : مممم ايه ...حتا ايمان مهدرتش معاها.
صقر : هيا نوضي نديرو لعشا مع بعض ...منبعد عيطيلها .
ندى : هههه وتعرف طيب زادا ...داكوغ .
__________
بعد ما راح .... قعدت مع امو و اختو.....صح انو اسيل متحكيش بزاف اما كان باين عليها انها فرحانة .
م. سلوى : بنتي اسيل راهي قريب تقفل 20 ...جيتي في وقتك تحضري حفلتها .
اسيل : ايه .
ايمان : نشاالله .. راكي قدي ..انا تاني قفلت 20 ليام الي فاتو .
اسيل : صح؟ اوه ...هايلة .
م.سلوى : انا راني رايحة نعاون خالتكم فلعشا ...تحبو تبقاو هنا تحكيو او تطلعو لبيت اسيل.
اسيل: نطلعو خير امي .
..
.
طلعت معاها لبيتها قفلت الباب ومشات بالكرسي جيهتها .
اسيل : اهاه ...من وكتاه ؟
ايمان : من وكتاه ؟؟
اسيل : وقتاش عرفتي انك تحبو
ايمان : شكووون ؟
اسيل : خويا ....ادم هههه.
ايمان : اه ....ااا
اسيل : باينة من عينيك و باين حب من اول نظرة كيما حبي . اه قلبي .
ايمان : ههههه لالا انا حب من اول ريحة .
اسيل : هههه كيفاه يعني ..؟
ايمان : شميت ريحتو قبل منشوفو .
ايمان💕
