ناض هود وراح يدير سبور منبعد راح دوش و لبس كوستيم فبلو نوي
وراح ديراكت للشركة ومنبعد وصل
الحارس:صباح الخير سي مروان
مروان:صباح النور
و طلع فلاسونسور وراح دخل للمكتي تاعه
جات الموظفة وحطتله القهوة
مروان:قولي لاسيل تجي تعطيني جدول المواعيد
الموظفة :لا رد
مروان:سمعتيني واش قلت
موظفة:بصح
مروان:واش بصح تاعك
حطت الموظفة راصها و راحت عطاته ورقو فيها الاستقالة تاع اسيل
مروان:واشنو هدا
الموظفة:اسيل قدمت استقالتها سي مروان
مروان خبط البيرو تاعه وقعد يعيط
مروان:سما الواحد غير يحط الاستقالة تاعه صاي كملت خدمتو
الموظفة:س سسي مروان قلتلها بلي حتى يقبل المدير بصح محبتش تسمعني
قعد مروان في بلاصتو وقعد ينسف و يفوت في يدو غلى راصو
مروان:لغيلي كامل الاجتماعات تاع اليوم
الموظفة:امرك سي مروان بصح عندك فطور مع الوالد تاعك اليوم
مروان:غادي نسيي مانتاخرش
الموظفة:حاضر
وراحت وهو رفد الكاس تاع القهوة وشرب شوية منه
مروان:واشنو هدا تقول ما و زغاريت بفففف
(ولدي والف القهوة تاع اسيل ياه ياه)
حط الكاس و رفد لافاست تاع الكوستيم تاعو وخرج
___________نروحو عند اسيل_________
كانت راقدة في السرير تاعها و تتفكر في ايامها لي فوتتهم مع مروان ايام سعيدة نساتها فكامل الحزن و الظلم لي عاشته حتى قطعت تفكيرها سما عيطتلها فتلفون
اسيل:الو
سما:حبيبتي اسيل ماكيش تباني
اسيل:مانيش مليحة سما
سما:علاش واش كاين
اسيل:حطيت استقالتي
سما:لا لا لا لالا نتي مريضة لا هبلتي
اسيل:منطيحش من قيمتي
سما:علاش خبريني
خبرتها مت الالف الى الياء
سما:بصح اسيل هو غار عليك علاش تزيدي فيها
اسيل:واش نزيد فيها راكي في عقلك شكون هو حتى يديرلي هكا
سما:اسيل متنسايش الهدف تاعك علاش رحتي نتيا للشركة بين ليلة ونهار استسلمتي نسيتي واش دارو فيك نسيتس الظلم لي تعرضتيلو اسيل نورمالمون هاد الهدرة مانقولهالكش نتي تكوني حافرتها في راصك و بين عينيك مالازمش تنساي صح واه هو راه عاجبك علابالي بصح لازم ترجعي
اسيل:سما هو مكان ما دخله اكيد مراد(باباه و باباها ) راه مخبي عليهم بلي ماهوش متزوج بصح هو ماعندو حتى ذنب
سما:و نتي شكون قالك غادي تتنتقمي منو هو باباه هو لي دار كلشي لازم تعرفي تتحكمي في مشاعرك و لازم تكسبيه مكاش حل وحداخر و من لي حكيتيلي واش دار ني شاكة راكي دايرا انجاز و خليتيه يغير عليك
اسيل:زعما نرجع
سما:ايه
اسيل:بصح منقدش فات الاوان
سما:صبري متا للغدوة وانا نقولك واش ديري
اسيل:اوكي حبيبتي
قطعت لابال و متبعد حلت يماها الباب بشوية و قعدت تشوف فيها بتظرة غريبة
اسيل:يما
مرام:كامل هاد الشي صرا و مقلتيليش
اسيل:يما مانيش مليحة خليني
مرام:اسيل سما راه عندها الحق ديري عليها
اسيل قعدت تشوف فيها بدهشة
اسيل:مشي كنتي نقوليلي خطيك و ماخصنيش ندي حقي
مرام:لالا مشي هكدا مروان ملازمش تدخليه فالانتقام تاعك
حطت اسيل راصها منبعد صوناو فالباب راحت يماها تحل و اسيل غرقت فافكارها
أنت تقرأ
كنت قريب من الانتقام
Mystery / Thrillerاسيل ومروان تدور القصة عن انتقام لكن تجري الرياح بما لا تشتهي السفن هل ستنتقم بطلتنا أم سيحدث العكس ؟! كل هذا سنراه في روايتنا بقلمي #الجيدل_ساجدة أول رواية لي باللهجة الجزائرية 🌺😌🦋
