စာစဥ် ၄၇ : အပိုင်း ၁
အပိုင်း ၈၉၁ : ရွှေပုစဥ်း ဆရာတော်၏ ကွယ်ဝှက်ထားသော လျှို့ဝှက်ချက်
ရွှေပုစဥ်း ဆရာတော်သည် ရှေးပဝေသဏီမှ မဟာမိစ္ဆာဖြစ်၍ ဗီပရာလိုပါ အဆင့်သို့ ရောက်နေခဲ့ပြီ ဖြစ်သည်။ သူ၏ စွမ်းအားများသည် ချီးကျူးရလောက်အောင် အစွမ်းထက်၍ ကောင်းမွန်လှသည်။ သို့သော်လည်း လင်းဖုန်းက ပို၍ ဂရုစိုက်ရမည့် အရာမှာ သူ၏ သဘာဝ နည်းစနစ်ဖြစ်သော ရွှေပုစဥ်းအခွံ လွတ်မြောက်ခြင်း နည်းစနစ်ဖြစ်သည်။ ဒါသည် အတော့်ကို စိတ်အနှောင့်အယှက်ပေးသော မှော်ကျိန်စာ တစ်ခုဖြစ်သည်။
အထူးသဖြင့် ရွှေပုစဥ်း ဆရာတော်သည် ဗုဒ္ဓနည်းစနစ်များကိုလည်း ကျွမ်းကျင်၍ တောက်ပသော လေဟာနယ် သံသရာ နည်းစနစ်အား လေ့လာထားခြင်း ဖြစ်သည်။ ထိုနည်းစနစ်နှင့် ရွှေပုစဥ်းအခွံ လွတ်မြောက်ခြင်း နည်းစနစ်နှင့် ပူးပေါင်းလိုက်သောအခါ သူ့အား ဖမ်းမိနိုင်ရန် ခက်ခဲပေသည်။
လင်းဖုန်း၏ အမြင်အရဆိုလျှင် ထိုလူဆိုးသည် ပုစဥ်းတစ်ကောင် ဖြစ်သော်လည်း သူ့အတွက် ပိုးဟပ်တစ်ကောင်နှင့် ပိုတူနေခဲ့၏။
ထိုလူ၏ ကျင့်ကြံမှုသည် တကယ့်ကို အစွမ်းထက်လှသည်။ လင်းဖုန်းသည် အင်မော်တယ် ဝိညာဥ် ပထမ အဆင့်တွင် ရှိနေစဥ်က ကျိုးယွင်ချုံး၏ စိတ်ဝိညာဥ် အတွင်း၌ ထားခဲ့သော မှော်စွမ်းအင် အမှတ်အသားအား သူသည် အားသုံး၍ ပယ်ဖျက်နိုင်ခဲ့သည်။ သို့သော်လည်း နောက်ဆုံးတွင် သူသည် လင်းဖုန်းအား လျှော့တွက်ခဲ့မိသေးသည်။ သူပယ်ဖျက်ခဲ့သော အမှတ်အသားသည် လျှို့ဝှက်စွာနှင့် သူ၏ ပိုင်ဆိုင်မှု အတွင်းမှ မှော်ရတနာတစ်ခု၏ အတွင်းသို့ ရောက်ရှိသွားခဲ့သည်။
"ဒီမှော်ရတနာက ကလေးကိုးကောင် မဟာပဏ္ဍိတရဲ့ ပစ္စည်းမဟုတ်ဘူး.. သူ့ရဲ့ မူလပိုင်ရှင်ဟာ ဟိုပုစဥ်းအိုကြီး ဖြစ်တယ်.. ငါက ဒီမှော်ရတနာကို လမ်းပြအဖြစ်နဲ့ အသုံးချပြီး သူ့ကို ရှာလို့ရသေးတယ်"
လင်းဖုန်းသည် သူ၏ မှော်စွမ်းအင်များကို ဆန့်တန်းလိုက်၍ မဟာကျင်းယွင် စိမ့်မြေအား ချိပ်ပိတ်လိုက်ရာ ကလေးကိုးကောင် မဟာပဏ္ဍိတသည် ထွက်ပြေးလွတ်မြောက်နိုင်စွမ်း မရှိတော့ပေ။
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
