مرو ساعات منبعد خرجت اسيل من السبيطار و راحت للدار و قعدت تقنع في امها باش يروحو ويسمعوله
ملي راحت و هي تحاول فيها حتى قبلت
اسيل:يما انا تاني منيش حابة نروح مي غير على جال مروان ني رايحة
مرام:كامل الشي لي خططتيله راح
اسيل:ايه يما راح معلاباليش كيفاش راحتلي بلي مروان هو خويا كانت باينة بصح عيني تعمات
مرام:هدا هو الحب يا بتيني ما تولي تشوفي والو بصح المهم راكي تعرفتي على بابك و مين تبرعلك بالدم دار جاست مليح على الاقل نسمعو واش غادي يقول مع انو مايهمنيش كلامو
اسيل:يما
مرام:ايه بنتي
اسيل:كرهت حياتي كامل الناس عايشة حياتها مع بابها و يماها و يزيدو يلقاو حب قلبهم وانا لا بابا حتى وجهو ومكنتش نعرفه ومين قلت صبت لي يحبني صبته خويا
مرام:بنتي لازم ترضاي هادا ابتلاء من عند ربي و ربي سبحانو يلا ابتلى شخص معنتها يحبو ولازم تصبري ياك صبرتي شحال من عام بلا بيه زيدي صبري منا لليل و نعرفو و نقرو ويلا راكي حابة تكملي قرايتك في كاش بلاد مكاش مشكل روحي باش تنساي
اسيل:ااييه يما نروح وصاي
مرام:كيما تحبي
و عنقتها و قعدو ساكتين و يخمو واش غادي يصرا
_____مروان___________
بعد ماراح مروان للفيلا تاعه مدمر نفسيا و جسديا مكاش يقارع بلي تكون اختو اول مرة يحب من قلبو بصح الدنيا خذلاتو و خلاتو يكره بابه ملي عملو و خبا عليهم كامل هاد الشي وهو حاشيهالهم بالضحكة الصفرا تاعه
راح دوش و ملبارح ماكلاش من لي سمعه راح ديراكت رقد
__________مراد______________
كان ف الفيلا تاعهم و يأمر ف الخادمات باش يوجدو كامل الاطباق لي تبغيهم مرام و اسيل بعد ما سقسا مروان واش تحب اسيل فالماكلة و مراد كان عارف مرام واش تحب لانو كانت عايشة معاه و كامل لي كانو معاه فالدار مخلوعين فاللي راه يديره اول مرة يكون فرحان ومتحمس هكا جامي ضحك جامي زعق معاهم بصح مرام و اسيل رجعوله الضحكة شحال من سنين وهو يقارع باش يشوفهم و يبررلهم واش دار
_________________________________________عند اسيل______________
بدات توجد في روحها و لبست روبة فالاسود و طلقت شعرها و صاك فالاسود و طالون و يماها لبست
UNE JUPE
و تريكو وفوقها فاست طويلة (ماصبتش شا نلبسلها)
و مين خرجت صابت لوطو كحلا تقارغلهم و اقفيت حداها الرجال
اسيل:بفففف واش كاين هنا
الحارس:سي مراد امرنا باش نجيبوكم للفيلا
اسيل/نعرفو نجو وحدنا
الحارس:سمحيلي بصح منقدرش نخالف الاوامر
اسيل:نعرفو نجو وحدنا
الحارس(بغضب):متعرفيش الدار و هيا ركبو متخلونيش نستعمل القوة
اسيل عطاته كف دوراته و مرام يماها خلت فمها
مرام:اسييل واش بيك
اسيل:راك عارف معامن راك تهدر ااه انا بنت هاد لي راكم تقولوله سي مراد كيما تحتارموه تحنارموني وهادي لي راكم تشوفو فيهم الزوجة الاولى ل سي مراد الوغ التازمو حدودكم
مرام عجبتها بنتها دايمن تفرحها و طلبت منها يروحو معاهم
اسيل:يما على جالك برك غادي نروح معاهم اصلا كلشي بسباب مروان كون راني راقدة دروك
مرام:اسيل بنتي ماتقوليش هكا و هيا نروحو هيا
ركبو فالسيارة بعد ما حلو عليهم الحراس الباب و قلعو و الحارس لي ضرباته اسيل حقد عليها و قعد يتحلف فيها
بعد نص ساعة صابو رواحم امام فيلا كبيرة بواف تقول قصر وين تبان معاها الفيلا تا مروان
حلو عليهم الباب و مدو ليهم الحراس يديهم باش يهودوهم و هبطو بفخامو يا حبيبتشي صابو مراد يقارعلهم دخلهم و مين دخلو صابو ياقوت و احمد
استقبلوهم غايا و قعدو فالطابلة تاع العشا
مراد:مرحبا بيكم في داركم تصرفو كيما تحبو
ياقوت و احمد انخلعو من لي قاله بصح قعدو يستناو في لي غادي يقوله
أنت تقرأ
كنت قريب من الانتقام
Mystery / Thrillerاسيل ومروان تدور القصة عن انتقام لكن تجري الرياح بما لا تشتهي السفن هل ستنتقم بطلتنا أم سيحدث العكس ؟! كل هذا سنراه في روايتنا بقلمي #الجيدل_ساجدة أول رواية لي باللهجة الجزائرية 🌺😌🦋
