TIME BACK
နာရီဝက်လောက် သေချာလိုက်ကောက်ထားသောကျောက်တုံးတွေကိုစုကာ
အပုံလိုက်ဘေးမှာချပြီး မြက်ခင်းပြင်အပေါ်
ထိုင်ချလိုက်သည်။အရွယ်အစားမတူညီတဲ့
ကျောက်ခဲတွေကို ကြီးစဉ်ငယ်လိုက်စီလိုက်ပြီး
နောက် အကြီးဆုံးတစ်ခုကိုရွေးကာ ကျောက်ပြားပေါ်ချလိုက်သည်။ပြီးတော့
ဒုတိယအကြီးဆုံးတစ်ခု။
အဲ့လို တစ်ခုပြီးတစ်ခု စီသွားတာကနေ
ကျောက်ခဲတွေက တဖြည်းဖြည်း မြင့်မားလာသည်။
တစ်ချက်မှားတာနဲ့
အကုန်ပျက်စီးသွားမှာဖြစ်တဲ့အတွက်
ဖောင်းပြည့်ပြည့် လက်သေးသေးလေးတွေက
အလွန်စေ့စပ်စွာနဲ့ စနစ်တကျ
ကျောက်တုံးလေးတစ်ခုကို
ထပ်တင်ရန်ကြိုးစားနေသည်။
ခြေထောက်လေးနှစ်ဖက်ကိုဆင်းထားသော
chanyeol ၏ခြေသလုံးလေးတွေက ဝတုတ်နေ၏။
နားကားကားလေးအပေါ်က အနီရောင်ဦးထုပ်လေးက ဘေးနှစ်ဖက်သို့ဖောင်းနေသော
ပါးဖောင်းဖောင်းကြီးနဲ့လိုက်ဖက်သည်။
Chanyeol ၅ နှစ်သားအရွယ်က ဖြစ်ပါသည်။
အမေနဲ့အဖေက စီးပွားရေးအတွက် ရုန်းကန်ရင်း
ကလေးကို သူ့အဒေါ်ရှိရာ ပန်းဥယျာဉ်ကြီးဆီသို့
လအနည်းငယ်လောက်
လာရောက်အပ်နှံသွားကြသည့် အချိန်ကဖြစ်သည်။
ဥယျာဉ်ကြီးထဲက အရိပ်ရသော
အပင်ကြီးတစ်ပင်အောက်မှာ ခြေဆင်းထိုင်ရင်း
ကျောက်တုံးလေးတွေကို တစ်ခုချင်းဆီ
ထပ်စီနေသာ Chanyeol သည်
အဝေးကကြည့်လျှင်
ပြည့်ပြည့်ဖောင်းဖောင်းကလေး
ဝတုတ်လေးဖြစ်သည်။
၁၂ ခုမြောက်သော ကျောက်တုံးလေးကိုထပ်စီရန်
ထိုင်နေလို့အဆင်မပြေတာကြောင့် မြေကြီးကို
လက်ထောက်ကာအားယူရင်း ထထိုင်သည်။
ပြိုလဲကျတော့မတတ် ဖြစ်နေတဲ့
ကျောက်ခဲပုံကိုကြည့်ရင်း သတ္တိမွေးကာ
သူ့လက်ထဲက ကျောက်တုံးသေးသေးလေးကို
ထပ်တင်ဖို့ပြင်လိုက်စဉ်တွင်
ဘယ်ကမှန်းမသိ လှိမ့်လာသော
ဘောလုံးတစ်လုံးက Chanyeol ၏
ကျောက်ခဲမျှော်စင်လေးကို
တိုက်ခြေဖျက်စီးပစ်လိုက်လေသည်။
Chanyeol သည် ခေတ္တမျှကြောင်အသွားခဲ့ပြီး
တစ်စစီပြိုလဲသွားသောကျောက်ခဲပုံလေးကို
ရပ်ကြည့်နေမိသည်။
