خادمه_على_عرش_الثراء❤🔥
مقدمه حلقه1🔥
❤آلَـيَتٌـآ Alatta❤
_________________♡
محمد:هيا يا آمنه جيبي دارين و خلينا نطلعو من الحوش نمشو للمزرعه و نغيرو جو 😊
امنه:و الله فكره و بالمره نغيرو جو في الاستراحه 😁😁
محمد:به هيا البسي و وتي دارين ما بين كلمت الخدم يجهزوا الحاجات 😊
امنه :هيا نص ساعه و نكون واتيه
دارين: تصفق بيديها و تضحك 😂😍
آمنه تضحك :هيا بنتي السمحه نمشو
بعد نص ساعه طلعو بالسياره ماشيين للمزرعه
في الطريق🚗
دارين تبكي😭
امنه :كنك ياحبيبة ماما 😨
محمد :شوفيها عشان نكمل السواقه معش عرفت نسوق من عياطها
دارين زادت تبكي
محمد :برملها كنك ياحبيبة بابا
دارين تبكي و محمد و آمنه لاهيين بيسكتوها فجأة يجي بطاح كبير 😨🚚
امنه :تعيط محمد بحت قدامك😱
محمد:فقد السيطره على السياره
وبووووم 💥انقلبت بيهم
_____________
نعرفكم بالشخصيات محمد رجل اعمال معروف في البلاد و عنده شركات 🖤
آمنه مراته و واخذين بعضهم عن حب ❤️
كانت جميله بمعني الكلمه 😍 عيونها خضر شعرها احمر و بيضه 💞
دارين بنتهم عمرها8شهور
نرجعو لروايه
____________
مجهول1:شن صار
مجهول2:نفذنا الخطه وزي ما اتفقنا الفلوس 💵 يكونن عندي اليوم في الليل🌙
مجهول1:تم يعني ماتو كلهم
مجهول2:السياره 🚗 انقلبت اربع مرات مستحيل حد ينجا منها
مجهول1:باهي تأكد من الجثث و كلمني و الفلوس💵 ح يكونن عندك الليله
مجهول2:تم
____________
في مكان الحادث وصلت الشرطه
وبدو في التحقيقات 🚓👨🏻✈️
الضابط:عرفتوا من اللي انقلبت بيه السياره🚗
العسكري: محمد٠٠₩₩
الضابط:متأكد محمد ₩₩ راجل الاعمال المشهور 😨
العسكري:متأكد و حتى البطاقة قاعده عندي
الضابط:هات البطاقة و الامانات و كلموا الاسعاف🚑 تشيل الجثث
العسكري2:جا يجري سيادة الضابط لقينا بنت عمرها حوالي 8شهور في😨 السياره اللي انقلبت سمعناها تبكي
الضابط:طلعوها بسرعه و كلموا الاسعاف🚑
العسكري :امرك سيدي
و مشو العساكر يجروا
________
بعد مرور ساعات و تحديداً في المستشفى 🏥
الضابط كان مكلم اهل محمد و بما ان محمد باتا وامه ميتين ما عنده إلا خوه و اخته اخته متجوزه وعايشه برا و ما يعرفوا عليها شي لان متجوزه غصبن عنهم
فكان خو محمد مختار هو الي قاعد
مختار:خش يجري يدور في الضابط
الضابط:استاذ مختار
مختار:تفضل انا مختار انت الضابط
الضابط:تفضل امعايا
مختار:وين خوي و مراته
الضابط نزل رأسه: عظم الله أجرك😔
مختار قعد يعيط:كيف عظم الله أجرك خوي وين😡
الضابط:لا حول ولا قوة إلا بالله استهدي بالله
مختار قعد يبكي:لا حول ولا قوة إلا بالله به البنت وينها😓
الضابط:البنت قاعده عند الدكتور يكشف عليها الحمدلله البنت طلعت بخير فيها اصابات بس مش خطيرة
مختار:به الحمدلله😟
الضابط:هيا نستأذن بنكملوا التحقيقات
مختار :تفضل سامحنا تعبناك
الضابط:لا مفيش تعب هذي خدمتنا
بعد طلع الضابط
مختار:يرن يضرب و ما يردش به ساهل حسابك بعدين يا مازن 👿 خليني توه نمشي للدكتور نرشيه بالك يعطيني البنت و يقول ماتت
(عارفتكم أكيد دختوا بس زي ما توقعتوا بالضبط مختار هو المجهول الي بيقتل محمد اكيده استغربتوا لانهم خوت لكن هضا كله عشان رزق دنيا 😓💔
و مازن يكون المجهول الثاني اللي متفق معاه مختار بيش يقتلوا محمد و مراته و بنتهم مقابل الفلوس💔) نرجعوا للروايه
مختار خش ع الدكتور
مختار: السلام عليكم!
دكتور:و عليكم السلام تفضل كيف نقدر نساعدك !!
مختار:دكتور بنت خويا الي أنت عالجتها و باتها وامها داروا حادث بنطلب منك خدمه
دكتور:تفضل كان نقدر نساعدك انا في الخدمه؟؟
مختار بخبث😈: يا دكتور نبيك تقول ان البنت ماتت بس ما تفهمنيش غلط🙄
دكتور: نعم انت شن تقول كيف نقول ماتت والبنت عايشه و صحتها كويسه😮
مختار: أنا قتلك ما تفهمنيش غلط البنت الناس اللي قتلوا هلها بيقتلوها حتى هيا و أنا بنحطها في مكان آمن ما بين عرفت نتصرف معاهم الناس الي قتلوا هلها😏💔
دكتور: به الكلام هضا ليش ما تقوله للشرطه🙄
مختار خاف:لالا ما نقدرش نقوله للشرطه فيها خطر على حياتي و حياة مراتي و عيالي
دكتور: به ما فيش حل الا ان نقول ماتت
مختار بخبث😈: للأسف هضا الحل الوحيد ولو تبي اي خدمه او محتاج فلوس 💵 انا في خدمتك دكتور
الدكتور فرح : بصراحه لو متبيش الموضوع يطلع عطيني 10الف والبنت تكون ميته 😈 و نطلعلها تقرير مزور
مختار فرح: اوكي موافق
الدكتور :الفلوس 💵 يكونن عندي بكرا ما بين وتيت التقرير
مختار: حاضر تبي أي شي توا يا دكتور
الدكتور: لا ما نبي شي تقدر تتفضل
طلع مختار و هوا فرحان اخيراً ملايين خوه بيقعدن له
🙂💔
___________________
❤آلَـيَتٌـآ Alatta❤
_________________♡
بعد ساعه روح مختار للحوش و خبر مراته سمر
سمر و هيا خايفه: شن صار في محمد و امنه يا مختار😰
مختار: لاحول لا قوة الا بالله البقاء لله يا سمر ماتو
سمر: تعيط وتبكي عوزتي فيك يا صاحبتي يا امنه يا ناعليا محمد سلفي كيف خويا كان😱😭
(طبعآ سمر و آمنه كانن صحبات و هيا ما تعرفش ان مختار سبب موتهم 😏)
سمر: مسكينه نهارت💔
بعد شويه تكلمت
سمر: و البنت شن صار فيها دارين وين 💔😭
مختار يكذب : حتى هيا كانت معاهم في الحادث😓
سمر: ردت تبكي و تعيط و حالتها حاله شويه اغمى عليها و كلمولها دكتور دارلها مهدء 💔🔥
____________
ثاني يوم☀️
مختار تفاهم مع الدكتور و للأسف هربو دارين من المستشفى وحطوا مكانها بنت ميته وزوروا أوراقها 😏💔
عند مازن فتح عيونه جنبه شيش سكير وحشيش وحاجات يقرفن 🤢
شاف تلفونه لقى مكالمه من مختار
خبط على راسه صح مفروض أنتلاقوا امس يعطيني الفلوس 💵 خليني نرن عليه رن مازن على مختار و مختار كان في السياره و معاه دارين اللي كانت تبكي يا ناري رد مختار
مختار: الووو وينك امس ما تردش😡
مازن: والله كنت داير حفله و معايا الشباب تقدر اتجيني توا في الاستراحه و تعطيني الفلوس 😏💵
مختار: جايك في الطريق و نبيك في خدمه أخري 🙂
مازن : نراجي فيك
بعد حوالي ساعه ⏰ وصل مختار لمازن
فتح مازن الباب
خش مختار و معاه دارين
مازن: من هذي 😨
مختار: هذي البنت اللي مفروض قتلتها مع باتها وامها 😡
مازن: كيف قصدك ما ماتتش هيا كانت في الحادث والسياره انقلبت كم مره كيف عايشه😨
مختار: هضا اللي مفروض تعرفه و انا توا هربتها من المستشفى و زورتلها اوراق و كلفني مبلغ 10الف بنخصمهن من الفلوس الي متفقين عليهن والبنت جبتها لك تخلص عليها 💔
مازن: يخبط في راسه به هات البنت تو نقتلها لكن ماتخصمش المبلغ انت عارف عليا ديون وقتلك أمها وباتها مقابل المبلغ انت عارف😔
مختار: البنت عندك اقتلها و باقي القصه مشكلتك انت انت اللي مفروض تأكدت انها ميته 🤨... و طلع مختار
و مازن يشوف لدارين وجعاته ما يبيش يقتلها مسك المسدس وجاء حطه على راسها بعدها قعد يبكي و يخبط في راسه و يقول ما نقدرش نقتلها بعدها هداء و خطرت في باله فكره؟!!!
__________________
❤آلَـيَتٌـآ Alatta❤
_________________♡
عند مختار في حوشهم أنقلب عزاء ودفنوا محمد و مراته و بنتهم اللي هيا بالأساس ما ماتش عشان تندفن و الناس كلهم حضرو جنازه محمد لانهم كانوا عزه وقريب نص ليبيا جو يعزوا لان اغلب الناس تعرفه كان خيره واصل حتى لفقراء كان يدعم فيهم ويبنيلهم في مدارس ومستشفيات وداروه عزى حتى في الشوارع عم الحزن على موته💔
__________
في الفجر 🌅
عند مازن لبس قناع اسود ولبس لبسه سوده ولف دارين مشا بيها.......
يتبع....
كاتبه
❤آلَـيَتٌـآ Alatta❤
.
شن مصير دارين و شن يصير فيها بعدين حتعرفو كل حاجه في الحلقات القادمة
بنات هذي اول روايه ليا نبي ريكم وتفاعلكم كانت روايه هذي سبب لخلني انحب كتابة روايات ❤🔥
