خادمه على عرش الثراء ❤🔥

الحلقه🔥2

#خادمه_على_عرش_الثراء❤🔥

الحلقه 🔥 2

❤آلَـيَتٌـآ Alatta❤
_________________♡
في الفجر🌅

عند مازن لبس قناع أسود و لبس دبش أسود و لف دارين و مشا بيها الملجأ حطها قدام الباب وعدا و سيبها في عز الشتاء 🥶
في الفجر شافها عامل النظافه قدام الملجأ دق على بالاب طلعت🚪 المشرفه على الملجأ كان أسمها نعيمة
نعيمة: خير 🙂
عامل النظافه: لقيت البنت الصغيره هذي قدام الباب 😳🚪
نعيمة: معقوله 😳 حد يسيب بنت صغيره فالصقع هضا💔
نعيمة خذتها و قعدت تدور على أي حاجة تدل عليها هي من .. ما لقتش غير اسمها دارين 💞 و بعد مرور سنوات🍃🍂
____________🍃🍂

أنا اسمي دارين لما كبرت زاد جمالي .. شعري احمر طويل و عيوني خضر واسعات كنت جميله بمعني الكلمه ... عمري 18 سنة و لساني مانقدرش نمسكه و صريحه زيادة عن اللزوم 😌😂💔.....
عايشه في ملجأ 😔 مانعرفش من هم عائلتي و كان عندي صديقه نحبها واجد 😘 نعتبرها أختي خسرتها🥺 لما كان عمرنا 14 سنه جو عيله تبنتها لما خسرتها كأني خسرة عائلتي 😭 كلها ..
كنت قاعده ندور على شغل لأني سيبت الملجأ عشان مفيش دخل مالي و ما كملتش تعليمي 📕✏ لعند ..
____________
ثاني يوم☀️

زين: صباح الخير خاله عائشه وتيتي الفطور عندي اجتماع مستعجل
خاله عائشه: حاضر أستاذ زين دقيقه 😊 ويكون عالطاوله
زين: تمام
الخاله عائشه وتت الفطور و قمعز زين يفطر نزلت هديل صباحوووو😄
رد زين: صباحو يا عسل😊
بعدها نزل أحمد عيونه منتفخات من قلت النوم
أحمد: عليش نوضتوني😒
رد زين: أمتي تعقل بس
أحمد: أنا عاجبني حالي
.. زين مش عايش وحده ! عايش مع عائلته
( زين هو الكبير عمره 28 و بعدها خوه احمدعمره 24 و كل يوم مع بنت شكل .. عنده نسبة تفاهه كبيره مواصفاته أسمر عنده لحيه خفيفه شعره عالبني عيونه لونهم رمادي و حالياً مش مرتبط 😌
و عندهم أخت عمرها 22 أسمها هديل أخر العنقود دلوعه واللي تبيها حاضر غير تطلب 😘
و باتهم رجل أعمال و عمره 58 و أمهم وليه طيبه حنونه و عمرها 50 ❤️ )
خاله عائشه تكلمت : أستاذ زين بنحكي معاك في موضوع
زين: احكي يا خاله عائشه بس بسرعه مستعجل 🤨
خاله عائشه : بصراحه يا أستاذ زين أنا نبي حد يساعدني خلاص صحتي معش كيف قبل و نبي حد يبد عليا 😔
زين: به براحتك يا خاله عائشه تبي اي حاجة كلميني انا كيف وليدك
خاله عائشه : شكرآ أستاذ زين عارفتك عمرك ما قصرت😊
زين طلع من الفيله و هوا يفكر من وين بيحصل خدامه جديده .. هوا كان يعامل في الخاله عائشه كأنها أمه
طلع زين للشركه بتاعه
( مواصفات زين طويل و عضلات قمحي مايل للأسمر عيونه زرق شعره بني داكن و البنات كلهن يموتن عليه بس هو مش عاطيهن وجه عمره 28 سنه ❤️ )
وصل زين للشركه
ليلى سكرتيرت زين: صباح الخير أستاذ زين 😊
زين: صباح النور ليلى جيبي الأوراق الخاصه بالاجتماع و تعالي على مكتبي
ليلى حاضر أستاذ زين جابت ليلى الأوراق و خشت المكتب🙂
زين خذا الأوراق و بدا يقرأ و بعدها شاف ليلى و تكلم : ليلى نبيك تشوفي مكتب الشغالات نبي شغاله جديده
ليلى: قالت حاضر بدون ما تسأل لأن زين ما يحبش من يسأله 😌
طلعت ليلى وتكلمت مع مكتب الشغالات
و بعدها دخلت لزين و خبراته أن بكره تكون عندى الشغاله الجديده 🤷🏻‍♀️
___________________

❤آلَـيَتٌـآ Alatta❤
_________________♡
عند دارين ❤️
دارين: نضت الصبح و طلعت ندور في شغل كيف كل يوم و أنا ماشيه لقيت تليفوني يرن و استغربت ان لقيت مكتب الشغالات اللي حطيت فيه رقمي و رديت 😐
المكتب: معايا الآنسه دارين
دارين: اها تفضل 😊
المكتب: لقينالك شغل تقدري تجي و تفهمي من الموظفه في المكتب و نعطوك العنوان 🙄
دارين فرحت: حاضر نص ساعه و نكون عندكم 😳
و مشت دارين للمكتب
الموظفه : إنتي دارين
دارين: اها انا 😁
الموظفه: به طبعآ بتشتغلي عند واحد اسمه زين و عنوانه ₩₩ و بتقعدي معاه أسبوع كامل و عندك غرفه تباتي فيها لعند يوم الجمعه تقدري تطلعي لهلك أو إي حد من معارفك لو تبي
دارين:به أمتي نبدأ 🙄
الموظفه:بكره الصبح تقدري تمشي و تتعرفي على طبيعة شغلك
دارين بفرح : تمام بكره الصبح نكون عندهم وطلعت
_______________
ثاني يوم في الصبح☀️

طلعت دارين فرحانه و عطت التاكسي العنوان و شالها و نزلت من التاكسي دقت ع باب الفيله الخاله عائشه طلعت فتحت الباب
دارين: صباح الخير انا دارين دزوني مكتب الشغالات
خاله عائشه : اها تفضلي بنتي
( طبعاً الخاله عائشه قاعده عشان تعلم دارين الخدمه عند زين و هله و تعلمها شن يحبوا و شن يكرهوا عشان من زمان تشتغل عندهم و هما حاطين فيها ثقه عمياه
المهم يا حناتي 😉 هي قاعدة تشتغل في الفيله
اول يوم دارين خايفه و متوترة 😐 و في نفس الوقت متحمسة 😀 لدرجه معش عرفت شن أدير
خاله عائشه 👩 :كنك متوترة و خايفه أنا معاكي متخافيش كان تبي إي حاجة تعاليلي 😄( الخاله عائشه طيبة بكل 🥰 على قد نيتها ديما تحمد ربي على نعمه اللي هي فيها 🤲 عمرها 52 سنه مش متزوجة )
دارين: تمام 🙂
دارين حست صوت الخاله عائشه فيه حنان 🥰
دارين: خشت الفيله و هيا تشوف و فاتحه عيونها 😮 و تقول في خاطرها هضا المكان الي بنخدم فيه شكله الدنيا بتضحكلي 😁( مسكينه مازال ما شافت زين و هله 😂❤️ )
قعدت الخاله عائشه تعلم فيها الشغل
و هضا كله و زين قاعد في الشركه 🤷🏻‍♀️
أحمد عدا يشوف صاحبته 😅
أما هديل قاعدة فوق ماتندري شن في تحت
عايشه في عالم آخر 🙃
و أمهم و باتهم مسافرين
المهم نزلت هديل لقت دارين مع الخاله عائشه تعلم فيها
هديل: خاله عائشه من هذي؟
الخاله عائشه: هذى بنت جديده جت عشان تساعدني خلاص صحتي معش كيف قبل و نبي حد يبد عليا 😔
دارين: أهلين أنا دارين
هديل: اهلين يا دارين 🥰 أعتبريني زي صاحبتك 🤝 من اليوم و غادي
دارين: أكيد 😄
بعدها رن تليفون هديل عدت و سيبتهم عشان ترد
__________________

❤آلَـيَتٌـآ Alatta❤
_________________♡
في الليل✨🌙🌠

الخاله عائشه : اسمعي يا بنتي أنا توا نبي نمشي و زي ما علمتك كل حاجه اكيد أستاذ زين قريب يوصل ارجيه بلكي يبي حاجة و أستاذ أحمد يروح متأخر قريب الفجر و هديل راقده .. توا أنا توه بنمشي و بكرة الصبح نجي نساعدك و بعدها إنتي تمسكي الخدمه 🙃
دارين:حاضر خاله عائشه
الخاله عائشه : سلام بنتي 🥰
الخاله عائشه : هيا توه مع السلامه
دارين : مع السلامه 🥺
و خشت دارين لغرفتها دوشت و لبست توته و مشطت شعرها و سيباته مطلوق عشان يجف
بعد ساعه طلعت دارين من الدار
دارين: هضا كله و الأستاذ زين ماجاش خليني نخش للمطبخ ندير حاجه ناكلها 😒
زين
زين خش للحوش يسمع في صوت في المطبخ 🙄
دارين سمعت صوت الباب خافت و كرست تحت الطاوله😂
___________
......
يتبع.....
الكاتبة
❤آلَـيَتٌـآ Alatta❤

كيف هيكون أول لقاء بين زين و دارين حتعرفوه فالحلقه الجايه ؟!!💜🖤