صافيناز والشيخ

الحلقه (11)

رواية صافيناز والشيخ ❤️😇

:سّلاماً ݪڪل ࢪوح تواسـჂ̤ نـفسۿـا بنفسۿا 🎼🖤...

فزيتت ع صوت شمعهه تهزز بيهه صافيناز صافيناز
حبيبي كعددي كعددي كابوووس كعدت واني متبلله بلعرك واشهكك شمعه احس روحي حموت
شفتت كابووس كولش مرعب،،،،،

صافيناز
لملمت روحي كعدت راسي يريد ينفجر كمت وكفت كدام المرايه عيوني وشفايفي مورمات كدالبجي عليمن صافيناز عليمن هالبجي مثل مكالج ابوج صيري قويه هيج راح يحس روحه هو القوي وانتي الضعيفه لاتخلي يحس انو كسرج لاتخلي يحس انو هز بيج شي يروح الشيخ يجي خمستلاف احسن منه طلعتت احسن كلابيه يمي بيضه وبيه ورد ناعم اخضر فتت سبحت نشفت شعري وهو سرح يخبل خليته مفتوح جبت طوك ابيض عريض وبي دوائر اخضر حطيت كحل وتنت برتقالي فاتح ع خدودي وشفايفي باوعت لروحي يمهه من اروحن فدوا للخلقه هااي سبحت روحي بلعطر وطلعت ساعه ٧ الصبح جن جاهل بليله العيد ههههه

شمعه

سلاما قولا من ربآ رحيم شبيج طكن الفيوزات شكو ع ياعرس رايحه

صافيناز
دنجبي بالله شمعه هو اليروح ع عرس يلبس هيج الجو حلو اليوم وكلت اطلع انضف الحديقا من زمان مطالعه ومهتمه بيها

شمعه
اللهم تهدي ولاتضر روحي عيني روحي نضفي

صافيناز
طلعت رشيت الحديقه لملمت الاوراق الواكعه باوعت ع شجره الليمون الليمون مستوي بيها كطعت الي صاير وحطيته بسلال حت اوزعه ع الجوارين الا بيت الشيخ اهله يستاهلون بس هوو ياكل زقنبوت مو عود مو من شجرتي الاحبها اجه هشام اسمع صوته الحنين

هشام
صباح الخير يااحلووو ياقمررر

صافيناز
صباح النور وجريتها ضحكه هوو وين قمر يطلع بنص النهار

هشام
هاذ هوو كبالي والله واحلى من القمرر

صافيناز
يي يييي قشمر ع عقلي قشمرر واكف جنك فزاعه كدام الباب تعال جريت كرسين من كراسي الححديقه وكعدنا بفي الاشجار،،شعندك كاعد من وكت

هشام (باوع بنضره طويله وكال

هوو اني نمت (وجر حسره) من شفت حالج البارحه
ماضل براسي عقل شفتج وكعتي من طولج ركضت عليج جنتي بلايا رروح حسيت وكفت بيه الدنيا صافيناز احس روحي هي الي طلعت ضليت كل دقيقه اتصل على مهيمن كال كعدت وحالتها ماتسر

صافيناز
هههههههه ولك هشام شنو طلعت روحي بس صحيح الواحد شوووي ينقهرر هوو اذا ماتتلك دجاجه هم تنقهر عليها عوود مطي شكده يمووت وباوعت بنضره شمئزاز ع بيتهم الي صاير بصف بيتنا

هشام
الله ياخذج ويضحكك يولي شهالحجي موعيب عليج وهو لهسه يضحك

صافيناز ضحكت على ضحكته
هسه كولي شجابك من الصبح يمنا