شاركيني لو مشينا دروب الهنا واعذريني لو لقيتي بدروبي عنا

البارت الخامس عشر

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 15 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

بشرى بهدوء : ماعتقد فيه موضوع بتتكلم فيه الحين !
فياض : واعتقد انك من المستحيل تنامين بهالوقت !
بشرى : ما بنام ، بس ما بشوف وجهك
فياض بغضب : بُشرى !!
بشرى التزمت الصمت وسمعت تزفيرته الغاضبة وتجاهلت ، نطق فياض بجمود نطق : لا رحت عنك المُهمة ومت فيها وانتي بهالزعل ! لا تجلسين تبكين علي باقي عُمرك ندمانه !
ضغطت بشرى ع فكها وهي تعتدل بجلستها بتوتر من كلامه : مهُمة ايش ؟
فياض وهو يعدّل تيشرته : مُهمة مثل اي مُهمة تجيني ، ان طلعت فيها سالِم فلي مُهمة ثانية وان اختارني الله شهيد فـ لله الحمد !
عضت شفايفها بقوه وهي تناظره وناظرها وهو ينطق : لا تعضّين ! ولا تزمّين ! ما اثبت لك ان بتظلين مثل مانتي بعدهم !
بشرى شتت انظارها باحراج ونطقت بهدوء : متى الُمهمة!
فياض : الفجر بروح
بشرى : وجبتني هِنا عشان لا اكون وحدي بالفِلة !
فياض : شي جديد ؟

.
ثنيان جلس بجنب امه وهو يشتت انظاره عن نجد اللي متكتفه ومكذّبة حكيّه بنظراتها وصايره مستفزه لحد النخاع له : يمه بروح لطيّف اشوفها وابوي لا يدري !
ام ثنيان برجاء : خذنّي معك يا يمه والله ان شوقي لها تعدا يكون بين ضلوعي !
ثنيان قبّل راس امه : وعد المرة الجاية انتي ونجد معي ! هالمرة بروح اسبوعين اتطمن عليها بس ! واشوف اخبارها واوصلكم ياها ! يمكن ما ندّق لان تعرفين ماعندي بطاقة بس لا تخافون اول ما استقر وارتاح اوصّل اخباري ورقم نادر عندكم
سكتوا من دخول والدهم المُرهق واللي جلس بتعب ع الكرسي : خلصنا موضوع الشايب الله لا يوفقه على كثر نشبةَ فينا !
نجد اعتدلت بجلستها : اللي كان بيتزوج طيف ؟ الحمدلله واخيراً
دخل هجام بغضب على كلمتها : الله لا يوفقها يومّها كانت بتسوّد وجوهنا ! لو ما ابوي قالّه ان سفرناها تكمل دراستها ! كان صرنا بلسان الكل
ثنيان وهو يرمق هجام : وانت مايهمك الا الناس وبعدين وين الغلط !
هجام : الغلط يومّها بتسوي سوات الغرب وبتهرب من اهلها ! لكن مايكون اسمي هجام لو ما طلعتّها من تحت الارض ورجعتها لين هِنا تزحف مثل الكلبة
ابو ثنيان بغضب : هجام !! خلصنا عاد !
ثنيان بغضب وقف : والله لو مو احتراماً لامي وابوي كان عرفت ارد عليك يا تِبن
ابتعد عنه بتجاهل وهو يسمعّه ينطق بـ " رح رح محدّ منفّخ ريشِهم علينا غيرك ! "
.
دخل ثنيان شقته وهو متوجه لغرفته ، يسحبُ شنطته ويعبّي فيها تيشرتات سوداء وبدلاته العسكرية ، كعادتّه بأي مُهمة ، يقول لهم مسافِر رغم ان على درايّة ان ماراح يرجع سليِم ! ومن قبيِل السنة بعد ما تمّ تعيينه كـ لِواء بسبب عمه فياض ! والموضوع سرّي للجميع عداه !

.
بعد الاسبوعين ، بسيارة فياض معاه ثنيان
نطق ثنيان بتعب وهو يتثاوب : والله يا عّم سليمة للمرة الثانية والظاهر الثالثة ثابتّة وبننكشف !
فياض بعدم رضِا على كلامه : اصطلب ! بعدين وش ياعّم من متى هالرسميات ؟
ثنيان ابتسم : ما ادّل الا طريق فراشي متى بنوصل ؟
فياض وهو يعتدل من الم كتفه : ١٠ دقايق بس وواصلين
ثنيان تمدد : اجّل بريّح على ما نوصل !
فياض ابتسم له وهو يتنهد بشوق لبُشرى ، ويستذكر
وداُعهم وقبل وداعهم بعد ..
.