انا اسمي مروان محمد، عندي 15 سنه، اهلي من الشرقيه
كل اجازه بنروح الشرقيه نطمن علي اهلنا، بس المرادي كانت مختلفه خالص.
صحيت من النوم، استحميت و اتوضيت و صليت، غيرت هدومي و نزلت.
انا : صباح الخير يا ماما، صباح الخير يا بابا.
ماما : صباح النور يا حبيبي عامل ايه؟
انا : الحمد لله، مش يلا بينا عشان نتحرك؟؟
ماما : اه، ابوك بس بيلبس و هنتحرك.
انا : تمام مستنيكوا.
انا بعشق الاجازه علشان بنروح الشرقيه لأن كل خلاني و عمامي هناك و ولادهم كمان، خرج بابا من الأوضه و قالي : صباح الخير يا مروان.
انا : صباح الخير يا بابا، مش يلا بينا عشان نتحرك؟
بابا : اه، المفروض نتحرك دلوقتي.
نزلنا و جبنا شويه حاجات من الكشك عشان نفطر و كنت متحمس اوي بس قلقان معرفش ليه بس طمنت نفسي، فطرنا و اتحركنا، كانت الساعه ساعتها 12 الظهر، فتحت موبايلي و كلمت ابن خالي محمد.
محمد : الو، عامل ايه؟
انا : الحمد لله، احنا جايين.
محمد : والله بجد، انا مكنتش اعرف.
انا : مقلولكش ؟؟
محمد : اه و الله.
انا : طب عموما، كمان ساعه هنبقي عندكوا.
محمد : تنوروا.
انا : بنورك يا محمد، سلام.
محمد : سلام.
قفلت المكالمه و نمت شويه، صحيت علي صوت بابا بيناديني.
بابا : اصحي يا مروان، وصلنا.
انا : بجد ،.... ماشي
صحيت و نزلت من العربيه لقيت محمد مستنيني قدام البيت، جريت عليه.
انا : محححممممد.
محمد : مرووووااان
انا : عامل ايه؟
محمد : كويس و الله، ازيك يا خالتو؟
ماما : ازيك يا محمد؟
محمد : انا كويس و الله، اتفضلوا.
دخلنا ورا محمد و لقيت ولاد خلاني بينطوا عليا.
سليم : مرووووان ، عامل ايه؟
انا : سليم، كبرت و بقيت في سنه تانيه؟
سليم : اه، و بقيت بعرف اقرأ كويس.
انا : شطور والله.
فجأه لقينا بنت خالي جومانا جايه علينا.
جومانا : المكان نور و الله، ازيك يا مروان؟
انا : بنوركوا يا جومانا، انا كويس الحمد لله.
خالتي نجات : ازيك يا واد، عامل ايه؟
انا : الحمد لله يا خالتي، وحشتوني كلكوا.
**الكل في صوت واحد** : و انت كمان.
بعديها دخلت غيرت هدومي و لقيت نفسي نمت غصب عني.
صحيت علي الساعه خمسه و كنت مش قادر، سمعت صوت تخبيط جامد، حاجه عماله تهمس في ودني : مروااااان، اصحي.
انا اتفزعت و طلعت اجري علي الحمام زي الاهبل، بعديها اتغدينا، بس سليم اقتوح علينا ان احنا نروح الدكان و كلنا وافقنا
مسكنا ايد بعض و اتحركنا و كان الدكان قريب شويه، اشترينا شيبسي و بيبسي و كدا يعني بس فجأه ملاقيناش سليم.
جومانا : يلهووي ،سليم فين؟
بدأت اجري و اشوفه هو فين لغايه ما لمحت هدومه.
انا **و انا بجري** : سليم... سليم..... قلقتن.....
فجأه وقعت علي الارض و اتشليت كليا و كله جه ورايا، بصينا كلنا علي الارض و لقينا سليم وافق قدام.... جثه.
