انا : جومانا، شوفي بقيه التقرير.
بصت جومانا شويه في الموبايل و بعديها بصتلي
جومانا : التقرير بيقول ان واحد اسمه عم فارس افتكروا ان هو اللي قتل عمو ناصر فدخلوه مصحه نفسيه في القريه اللي جنبنا.
انا : طب القريه دي قريبه؟
جومانا : اه.
انا : طب خلاص، مدام اصلا الدكان في القريه التانيه فحنا نقولهم اننا رايحين الدكان و ننزل بالعجل، جومانا تركب عجلة و انا و محمد نركب عجله.
محمد : فكره حلوه.
جومانا : البوليس معرفش يوصل لدليل بس احنا هنوصل و هنخلص القريه من اللعنه دي.
صحينا الصبح كلنا جاهزين و خايفين من اسئله اهلنا لينا
انا : صباح الخير، جاهزين؟
محمد و جومانا : احنا قلقانين، بس هنعمل كل اللي نقدر نعمله.
انا : تمام ، يلا بينا ننزل.
نزلنا بس لاقينا خالتي نجات مستنيه قدام الباب.
انا : صباح الخير يا خالتو
خالتي نجات : صباح النور، فطرتوا؟
انا : لا، بس هنفطر لما نيجي.
خالتي نجات : وانتوا رايحين فين؟
انا : رايحين الدكان.
خالتي نجات : ماشي، خلوا بالكوا من نفسكوا.
انا : ماشي يا خالتو، سلام.
خالتي : مع السلامه.
فعلا خرجنا بره البيت و ركبنا العجل و بدأنا طريقنا.
انا : جماعه ، احنا لازم نسرع شويه للأن الدكان اول القريه و المصحه في اخره، لازم اهالينا ميحسوش اننا اخدنا وقت زياده.
جومانا : تمام، انا هسرع حبه
بدأنا نسرع وفعلا كنا في اول القريه التانيه، بس فجأه سمعنا اصوات همس كلنا.
انا : سامعين حاجه؟
محمد و جومانا : اه
بدأ الصوت يعلي و المكان فاضي و كنا خايفين اوي، كان الصوت بيصرخ بس فجأه سمعنا كلام.
**انتوا السبب... انتوا اللي سبتوا سليم.... سليم هو اللي قتل ابراهيم**
كل شويه الصوت يعلي.
انا : زودوا بسرعه زودوا.
كلنا زودنا السرعه بس فجأه جومانا لقت عربيه جايه في وشها، بسرعه لفت بالعجله ناحيه اليمين بس خبطت في العمود.
انا : جومااانا.
انا فعلا كنت مدرك ان المشوار ده خطير فكنت مجهز عده اسعافات في صندوق العجله، طهرت الجرح و حطيت الضمادات و جومانا ركبت ورا محمد و انا ركبت لوحدي، لغايه ما وصلنا قدام المصحه.
دخلنا و احنا خايفين و متترديين
موظفه الاستقبال : اهلا و سهلا، اقدر اخدمكوا بأيه؟
انا : احنا عايزين عم فارس.
موظفه الاستقبال : عم فارس..... اللي جه من ١٥ سنه؟
انا : بالظبط.
قلبت موظفه الاستقبال وشها و قالت : اتفضلوا هو موجود في اخر غرفه فوق عالشمال.
انا : تمام ، شكرا.
موظفه الاستقبال : العفو.
طلعنا السلم بس الدور كان طويل جدا و فجأه سمعنا همس و بدأنا نجري
انا : اجروا بسرعهههه.
بدأنا نجري لغايه ما وصلنا قدام الاوضه، خبطنا و دخلنا الاوضه.
انا : السلام عليكم، ازي حضرتك يا عم فارس
عم فارس : الحمد لله كويس اتفضلوا.
دخلنا و كل واحد قعد علي كرسي.
عم فارس : ها يا ولاد عايزين ايه؟
جومانا : عم فارس...... فاكر من 15 سنه؟
بدأ عم فارس يبرق
محمد : لما لقوا ابو ناصر في الترعه و شكوا فيك
انا : بس اسككتتوواااا.
بدأ عم فارس يزعق و يقول كلام بلغه غريبه
عم فارس : ابو.... ناصر.....سحر....جن.....
كله اتفزع و بدأنا نعرق.
عم فارس : مش... هيسبكواااا.
بدأ عم فارس يزعق و يصرخ و احنا فتحنا باب الاوضه وجرينا، خرجنا من المصحه و احنا بننهج.
جومانا : احنا كده مستفدناش حاجه؟
انا و محمد : لا استفدنا، بس لازم نروح و هنبقا نقولك.
روحنا الببت و دخلنا الاوضه و قفلنا علي نفسنا تاني.
جومانا : فهمتوا ايه بقا؟
انا : بصي، علي حسب اللي انا فهمته ان عم ابو ناصر هو سبب المشكله دي
محمد : و انا فهمت انه اتحد مع الجن او عمل طقوس شيطانيه.
جومانا : احنا لازم نعرف اكتر.
انا : و عشان نعرف اكتر، لازم نعرف فين بيت ابو ناصر!!
