بدأنا نسئل نفسنا : هو البيت ده ممكن يكون فين؟؟
قاطعت جومانا تفكيرنا و هي بتقول.
جومانا : لحظه، ملاحظتوش ان لما العربيه جت قدامي و انا خبطت في العمود العربية اختفت؟
محمد : اه صحيح، دنا حتي لمحت ان مفيش حد جوه العربيه.
انا : عم فارس معاه حق، هو مش هيسيبنا مهما كان مين!!
محمد : لحظه، جومانا افتحي الموقع اللي كان فيه التقرير بسرعه.
فتحت جومانا الموقع و لقينا صور.
انا : في صوره للبيت، البيت دا قدام الشجره اللي في القريه التانيه... جمب الدكان... ده كمان نفس البيت اللي ظهرت العربيه قدامه.
محمد : خلاص ، انا كدا فهمت ابو ناصر ده مشعوذ و اكيد متفق مع الجن!!!
انا : ده التفسير الوحيد، احنا لازم نشوف الموضوع ده.
نزلنا عشان تسألهم علي الغدا علشان كنا جاعنين.
خالتي نجات : ايدا انتوا جيتوا امتي؟
انا : احنا في البيت من ساعه ما جينا من الدكان.
خالتي نجات : انتوا لسه واخدين الواد سليم و نازلين بيه.
جومانا : يلهوووووي ، سليم.
انا طلعت اجري زي الاهبل و لقيت جوانتي و ركبت العجله.
محمد : استني يا مرروااااان.
ركب محمد العربيه و طلع جري ورايا و فضلنا نصرخ يا سليم يا سليم لغايه ما وصلنا القريه التانيه، فضلنا وافقين قدام الدكان لقينا سليم واقف قدام الترعه.
انا : سليم ، كنت فين؟؟
سليم **بصوت هزنا** : انا مش سليم، هههه
بس فجأه بدأ سليم يصرخ لما اذان المغرب ادن
سليم : هو ده بيتي، ههههه.
بعديها سليم وقع علي الارض.
انا جريت اخدته و طلعنا العجله و روحنا.
جومانا **قدام البيت بتعيط** : يلهوي، مكنش لازم ننزل الدكان في اليوم ده
جومانا : مرواااان.
انا : تعالي بسرعه، سليم مغمي عليه.
جومانا : هنعمل ايه؟
انا : هندخل من الباب التاني و هنحطه في اي اوضه كأنه نايم و لا كأن اي حاجه حصلت
و بالفعل دخلنا البيت من الباب التاني و حطينا سليم في الاوضه.
انا : هههه يا خالتو، مهو في الاوضه اهو.
خالتو : بس انت طلعت تدور عليه برا ليه؟
انا : ايه... هههههه.... لا اصل سليم شقي و عملها قبل كدا كذا مره.
خالتو : اه صحيح، طب يلا تعالوا عشان الغدا.
اتغدينا و طلعنا لقينا سليم صحي، نطيت علي السرير و حضنت سليم و بدأت اقرا قران
سليم : انا مش فاكر اي حاجه.... بس كل اللي انا فاكره ان انتوا اخدتوني و طلعنا علي القريه التانيه.
نزلت جري قفلت الباب و شغلت قران في البيت كله و انا مفزوع.
جومانا : لا كدا الموضوع زاد.
انا : اقسم بالله سليم صوته اخشن و قالنا هو ده بيتي و فضل يضحك لغايه ما ادن المغرب
محمد : احنا كده عرفنا الحقيقه، ابو ناصر مشعوذ و عمل اتفاق مع الجن انه يبقي من الجن!!!
انا : احنا عرفنا الحقيقه، بس معرفناش ازاي نغلبها!!
