جومانا : اكيد ابو ناصر كان حاطط احتماليه ان خطته تفشل، فأكيد كان عامل تعويذه او حاجه يقدر يكسر اللعنه او يقتل الجني ده.
انا : اكيد ، بس يا ترا هيحطها فين؟؟
محمد : هو في مكان غير البيت؟
جومانا : اه، صح، انا بجد نفسي ادخل البيت ده.
انا : طب تعالو ندخل.
محمد : بالسهوله دي، يا ريت والله كان بالسهوله دي.
انا : احنا فعلا لازم نخطط.
محمد : احنا عايزين كدبه نقدر نروح بيها.
انا : احنا الاول نجهز حاجتنا، محتاجين مايه و ضمادات و اسعافات اوليه و العجل.
محمد : جتلي الفكره!
جومانا : ايه ؟
محمد : انا عندي صحاب في القريه التانيه، ممكن نقولهم اننا هنروحلهم.
انا : فكره هايله، جومانا انزلي قوليلهم ان صحاب محمد كلمونا و احنا قدام الدكان و قالولنا تعالو بكره، لأن انتي فعلا اكتر واحده بتعرفي تقنعيهم.
جومانا : تمام ، انا نازله.
نزلت جومانا و قالت لخالتي و لماما و طلعت تاني.
انا : ها، عملتي ايه؟؟
جومانا : الحمد لله وافقوا.
محمد : الحمد لله و انا هجهز الحاجه.
فجأه لقينا الشنطه طارت في الهوا، فضلنا نصرخ لغايه ما صوتنا اتنبح، فجأه جت شنطه و ظهر عليها بوق و عضت جومانا.
جومانا : اهههه ، ايدددي.
بعديها الشنطه وقعت في الارض.
جومانا : جماعه ،محنا ممكن يتهألنا؟
نزلت جومانا و جريت علي خالتي
جومانا : ماما ماما، شايفه الجرح.
خالتو : يلهوي يبت، ايه اللي جرحك كدا؟
بدون أي كلام، جريت جومانا علي الاوضه و فتحت الباب
جومانا : جماعه..... احنا مش بيتهيألنا.
انا : الجرح.... الشنط... كله بجد؟؟
محمد : الموضوع مبقاش هزار، احنا لازم نروح بكره.
كلنا بسرعه نمنا و صحينا تاني يوم و جرينا بره البيت، ركبنا العجل و مشينا.
جومانا : انا خايفه....
انا : كلنا خايفين، بس حتي لو متنا، ايه اللي هيحصل يعني، و لو قضينا عليه فنبقي ابطال و انقذنا الشرقيه كلها، خلي ايمانك بربنا كبير.
بس فجأه محمد بدأ يغني و احنا نغني معاه علشان منوترش نفسنا، وصلنا البيت.
انا : مبدأيا كده، الفاتحه و الفلق و الناس، ثانيا احنا هنبقي 3 اقسام كل واحد هيدخل قوضه.
محمد **بحماس** : تمام، يلا بينا.
دخلنا البيت و احنا مش عارفين انهي دور و لا انهي شقه لغايه ما فجأه سمعنا صوت باب اتفتح!!، دخلنا و بدأنا ندور، فجأه و انا في الاوضه لقيت ازازه ملح.
جريت برا الاوضه و لقيت محمد و جومانا.
انا : جماعه ، انا لقيت ازازه الملح دي.
محمد : و انا لقيت كتاب السحر.
جومانا : احنا نعمل التعويذه حالا.
انا : تمام.
فتح محمد الكتاب و بدأ يقلب في الصفحات لغايه ما لقي صفحه مكتوب عليها :
{{الغاء العقد}}
بدأ محمد يقرا التعويذه بصوت عالي و بعد ما خلصها سمعنا صوت صريخ.
انا : اجروا ده هو.
محمد : فين جوماانا؟؟
انا : لا لا لا، السطح بسرعه.
طلعنا نجري علي السطح و لقينا جومانا وافقه فوق السطح بتضحك.
انا : جومانا ؟
جومانا **بصوت اخشن** : انا مش جومانا، انا عكست اسماء التعاويذ بس ده كان من حسن حظي.
انا : ابو ناصر، حرام عليك، انا تعبت، ليه كدا؟؟
جومانا (( ابو ناصر )) : انا زهقت من رغيك ده.
فجأه نط ابو ناصر من البيت بجسم جومانا.
فصلت اجري و مسكت ايد جومانا علي اخر ثانيه
انا : محمممد، تعال حقع.
جه محمد و مسك ايد جومانا التانيه و بدأنا نسحبها، مسكت حبه من الملح و رميته علي جومانا، جومانا فضلت تصرخ و تقول
جومانا ((ابو ناصر)) : مش هموت هههههه.
فجأه اغمي علي جومانا و انا مسكتها و نزلنا من البيت و ركبنا العجل و رجعنا البيت.
