وصلنا القريه و وقفنا العربيه قدام البيت و انا نزلت اجري من غير ما أسلم حتي، ملقتهمش فجريت علي خالتي اسألها
انا : خالتو، فين محمد و جومانا.
خالتو : هما كانوا بره.
خرجت اجري و لقيتهم وافقين فعلا قدام الباب.
انا : هههه، مشوفتكمش.
دخلت علي محمد و اخدته بالحضن و سلمت علي جومانا
انا : حصل حاجه؟؟
محمد : تعال بس نطلع الأوضه السريه.
طلعنا انا و محمد و جومانا للاوضه و قفلنا الباب.
محمد : بص ،اولا احنا لقينا تعويذه فك الوعد.
انا : ازاي ؟؟
جومانا : بص، ابو ناصر كان كان مبدل تعويذتين مع بعض و لقينا تعويذه مختلفه.
انا : مختلفه ازاي يعني؟؟
محمد : التعويذه دي كان فيها اننا لازم نعمل علامه خماسيه بالملح المقدس.
انا : فهمت ، يبقي التعويذه اللي قريناها دي تعويذه تانيه؟
جومانا : اه، لازم كل واحد يمسك حاجه، انا همسك السكاكين و انت يا مروان هتمسك الملح و انت يا محمد هتمسك الكتاب.
انا : الحكايه دي لازم تخلص انهارده.
نزلنا ودعنا اهلنا كلنا و قلنا اننا رايحين مشوار، ركبنا العجل و سوقنا بسرعه.
وصلنا البيت و دخلنا الشقه اللي كانت مفتوحه اصلا، دخلنا الشقه و فجأه لقينا الشقه اتقلبت، العفش بدأ بترمي علينا و العناكب بتطلع من تحت السجاد.
انا : بسرعه للسطوح **شكلنا هنبدأ اخر مغامره**.
بدأنا نجري للسطوح و انا طلعت الملح و بدأت اعمل نجمه خماسيه بالملح، بس فجأه وقعت علي الارض.
محمد : شكل ابو ناصر دخل فيه، مكتوب في الكتاب اننا لازم نقتله.
جومانا : انت عبيط، لا طبعا مش هقتله.
بدأت جومانا تلف حوالين النجمه وهي بتقول التعويذه بصوت واطي، فجأه جومانا جريت علي محمد و ضربته علي راسه.
جومانا : انت مش محمد، انت ابو ناصر، هههه مش هتصحك عليا.
جريت جومانا و حطت محمد في نص النجمة و صحتني
جومانا : مروان، اصحي.
انا : في ايه؟
جومانا : يلا بس اقرا التعويذه معايا.
بدأنا نقرأ التعويذه و بدأنا نسمع صوت صريخ و فصلنا نرمي الملح علي محمد، لغايه اما سمعنا صوت
ابو ناصر : اععععع، ازاي دا انتوا عيال ازاي ازاااااي.
بدأنا نقول قرأن
و نردد : مبقناش خايفين منك، انت مت خلاص.
ابو ناصر : اعععععععع.
انا : خلاص ،خلصنا؟؟؟
جومانا : اه.
محمد : مات مات مات
جومانا : اه فعلاااا.
فضلنا نصرخ و احنا راكبين العجل زي المجانين.
