قدر ريان ........ الجزء الثاني من يوم كتابة قدري

الفصل العاشر

قدر الريان
الفصل العاشر 
بقلم نعمه شرابي

كادت عواطف ان تتحدث ولكن رفع جمال يده كي يجعلها تقف عن الكلام وقال المكان اللي يريحك يا بنتي انت واولادك وتحب تعيشي فيه عيشي فيه اهم حاجه ان انتم جنبنا ووسطينا وهنكون فرحانين بلميتكم حوالينا ابتسمت نعمه لان جمال تفهمها بانها لا تريد العيش في ذلك البيت التي اهينت فيه من قبل وانها عندما ستعود ستعود كي ترفع كرامتها وليس للازلال مره اخرى دخل ريان وفى يده صينيه القهوه وقال احلى قهوه عربي لنعمائي الجميله سمعه جمال وضحك على مشاغبه ريان وقال هو ريان عندك يا نعمه قالت له ايوه يا بابا ريان هنا قال لها طب هاتي يا بنتي اكلمه اخذ ريان الهاتف من امه وحدث جده حيث قال له جده انت هيكون اجازتك امتى قال له يا جدو باذن الله اجازتي هتكون ثالث يوم العيد قال له يعني مش هتقضي العيد معنا يا حبيبي الله
ابتسم ريان يشاكس جده والله يا جده الكليه ديه انا اخر سنه وبيني وبينك احتمال اكون امن دوله وخلص البشريه من نعمه وشرها ضحك جمال كثيرا هو و و عواطف وقال يحظك ربنا يا ريان يا حبيبي هو نعمه اصلا غلبانه الغلب اللي في الدنيا يلا يا ابني ربنا يسعدكم هتعوزوا حاجه نعملها لكم قبل ما تيجوا ردت نعمه تسلم يا بابا انت وماما عواطف ما انحرمش منكم ابدا وانهت المكالمه جلس ريان يرتشف من فنجان القهوه ونظر الى نعمه وقال ناوية على ايه نظرت نعمه له وقالت ناوية ارجع كرامتي رافت ما بيقدرش يستغنى عن بيت العيله ولا بيقدر يسيبه انا مش هفرق بينهم لا انا هاعيش في شقتي اللي فوق شركته اللي في ميامي ونبقى نروح للعيله زيارات حب يعيش معنا يا مرحب حب يفضل في بيت العيله يا مرحبا ويبقى يجي لنا يومين عادي انما رجوع للبيت ده ثاني لا
رد ريان بعدما وضع فنجان القهوه امامه واحنا معاك في اي حاجة انت عايزاها يا ست الكل
وضعت نعمه نظارتها الطبية امامها وقالت
انا دلوقت بعت لك علشان حاجة تانية خالص مش لها علاقه
بالشغل
رد ريان وهو ينظر بشرود في لوحة قرآنية علي الحائط امامه
عارف كويس انت عايز تتكلمي في إيه
بصي يا ست الكل سيبها للايام يمكن مع العشرة
وقربي منه اقدر انسي
والامور تتعدل
قامت نعمه من مكانها ووقفت بجوار ريان واضعة يدها علي كتفه
وقالت انسى اللي فات
يا حبيب ماما وعيش
للنهاردة وبكرا نورا كانت
ماضي وانتهي وابوك
راجع مكسور وندمان
وآن الآوان انك تقف معاه
وتكون سنده انت واخوك

وقف ريان امامها وامسك
كفها وقبله قائلا حاضر يا
ست الكل هحاول عشان
خاطرك انت يا جميل

ضربته علي كتفه وهي تضحك وتقول جايب
البكش وكلامك الحلو
ده من اين
من ابوه طبعاً انت ناسية
ان رافت ابو البكش والرومانسية
ابتسمت هي وهي ترد علي زوج عمتها مصطفي
وردت قائلة لأ يا بابا مصطفي
رافت مش بكاش زي الواد ده
______________
في بيت دولا اجتمع ورد وآلاء بالغرفة مع جمال الصغير ورؤوف يتسامرون ويلعبون مع بعضهم لعبة الليدو
واثناء اللعب وجدت آلاء
إشعار علي موقع التواصل الاجتماعي الواتس من صديقتها تطلب منها النزول لها فهي بانتظارها في كافية
بالأزهر وانها تنتظرها بالكافية مع حسن واخيها ريان
ولكن قبل ان تنزل وتذهب لهم استأذنت والدتها وذهبت لهم
وعند دخولها الي الكافية
صدمت مع شخص لا تعرفه ووقفت تقول آسفه ماخدتش بالي
نظر لها ذلك الشاب من خلف نظارة الشمسية ولم ينزل عينه عنها و
قال: حصل خير يا انسه ظل واقف يراقبها حتى جلست بجوار اخيها وصديقتها وحسن صديق اخيها اخذوا يمرحون وهو يراقبها وآتى له عامل الكافيه وسأله عنها
رد العامل قائلا
والله يا رمزي بيه انا اللي اعرفه الاستاذ حسن هو ضابط في كليه الشرطه لسه وجارنا هنا انما الجماعه اللي معه دول مش باشوفهم غير هم في اجازه الصيف بس عشان كده ما اعرفش هم مين ولا قاعدين فين
رفع رمزي نظره للعامل
وقال روح أنت بس الصبح يكون عندي كل
المعلومات عنهم
أومأ العامل له وتركه ومضي لكن ظل رمزي ينظر الي الاء ويشبه علي ريان أين شاهد ذلك الفتي ذو اللون البني المائل الي البرتقالي رن هاتفه ونور الي شاشته
ورفعه يرد عليه
وقال: تمام نص ساعة واكون عندك سلام
لم يغلق الهاتف ولكن التقط صورة لهم واثناء
التقاته الصوره كانت الاء تضحك ووجهها موجه له بالصدفة ابتسم ابتسامة
خفيفة بجانب شفتاه
وجذب مفاتيحه وتوجه الي سيارته
عند ريان الذي شاهد رمزي ولم يقم إليه نظر الي حسن
وقال له تعرف مين كان هنا معنا في الكافية ولسة ماشي
حسن: مين يعني
ريان: توء مش قايل
حسن: انت ياض بارد طالما مش هتقول بتتكلم
من الاول لية
حك ريان ذقنه وقال سيادة الرائد رمزي البحري
انتفض حسن واقفا يبحث عنه ولم يجده ضرب ريان علي كتفه وقال: تصدق إنك واد غتت واية هيجيب قائد السرية اللي هيختبرنا هنا ياابني
نظرت آلاء الي شرين وقالت: في اية خوفك كدا يا حسن ما تهدي طالما مش هنا قلقان كدا
لية يعني
نظر حسن لها وقال: اصلك ماتعرفيش مين هو رمزي البحيري
رد ريان وهو شارد الذهن
رمزي البحيري اصغر رائد في الداخلية تخيلي رائد
وعنده 27سنه جت الزاي دي بيقولوا عنيد جداً
ويوصل لهدفه بسهوله
ردت آلاء: معقول رائد وعنده 27 سنه انت بتهزر
حسن وهو يلطم خديه
يااختيي امال لو شوفتي
سرية التدريب اللي تحت
ايده بتترعب منه الزاي
أنا بدعي بعد التخرج مقدعش تحت ايده ده مش بيرحم
ابتسم ريان وقال انا بقي
اتمنى اتدرب تحت ايده
واكون زيه كمان
ووقف ناهضا يلا بينا ننام بدري عشان راجعين
الكلية الصبح
وقف حسن وقال مين هيحاسب انا ولا انت
ابتسمت شيرين ونظرت
الي ريان وقالت أبن انكل
رافت الغمري طبعا عين أعيان اسكندرية