صلوا بينا ع النبي ♡
_اطمنوا يا جماعة دي ضربة شمس بس كانت شديدة حبتين
كان ذلك قول الطبيب الذي قال الجميع على إثره بتعجب: ضربة شمس!.. ازاي دي كانت في الشركة ومتعرضتش لشمس ولا حرارة!
ليرد نوح_الذي تواجد ليحضر الطبيب بعد أن اتصل به آدم يصرخ فيه بذعر بما حدث لداليا_قائلًا: لا ماهي بقالها فترة بتروح الموقع ممكن يكون دة السبب
قطع الطبيب ورقة الأدوية "الروشتة" وأعطاها لنوح يقول: هتحتاج تعوض السوائل اللي فقدتها من جسمها والأدوية دي مهمة عشان تسترد صحتها بسرعة وياريت تلتزم الراحة
ألقى نوح نظرة على ما فيها ثم قال للطبيب بأمتنان:متشكر جدا يا دكتور.. اتفضل.. وصله يا آدم
أسرع آدم خلف الطبيب ليوصله إلى الباب بينما قال نوح لسميرة:أنا هنزل أجيب الدوا بسرعة يا ست سميرة مش هتأخر عن إذنك
_إذنك معاك يا بشمهندس اتفضل متشكرين أوي تعبناك معانا
قالتها سميرة بأعين دامعة على ما آل إليه حال داليا فابتسم نوح يطمئنها:تعبكم راحة.. شدة وتزول إن شاء الله
غادر نوح وعاود آدم الذي نظر إلى سميرة التي شرعت في البكاء بحزن ليقول:أنا مش عايز أسافر خلاص.. مش هخرج برة البيت اساسا بس هي تقوم بالسلامة
وضعت سميرة المنديل على عينيها تمسح عبراتها وتسمح للأخرى بالنزول تقول بقهرة:أنا خلاص مش عايزة أتجوز.. أنا أخدت نصيبي من الدنيا بعد جوزي الله يرحمه.. هي كانت عوض ربنا ليا وأنا مش عايزة غيرها.
تنهيدة حارة خرجت منهم تعبر عن مدى حزنهم لما جرى.. سمع كلاهما صوت تأوه صادر من غرفة داليا فسارعا إليها ليجدا داليا تتململ في فراشها تحاول أن تفيق لتقول سميرة بفرح: ست داليا ♡
فتحت عينيها أخيرًا تنظر لهم بعتاب متعبة ولا تتحدث ليسارع كلاهما باحتضانها معتذران بندم والدموع تملأ أعينهم يقولان: حقك علينا يا ستنا وتاج راسنا والله ما هنروح في حتة ولا هنستجري نزعلك تاني
ضحكت داليا وقالت بتمثيل الحنق:وسعوا هتخنقوني
لينتفضوا عنها سريعًا وتقول هي بأعين متأهبة:مش عايزين تسافروا ليه مش دة قراركم.. مش دة مستقبلك اللي بتشق في الصخر عشانه يا سي آدم.. مش دة عوضك اللي منتظراه من ربنا يا ست سميرة!.. ايه بتغيروا رأيكم ليه دلوقتي
_أنت العوض والمستقبل وكل حاجة ممكن نتمناها من ربنا.
قالها آدم وقد لمعت عيناه بالدموع فاهتز صوت داليا وتحشرج في حلقها نتيجة لما تحبسه من بكاء:على فكرة أنا مش بمنع حد فيكم يعمل اللي هو عايزه.. ومعنديش مشكلة تسافروا.. متعتبروش اللي حصل دة اني بضغط عليكم.. أنا بس مرهقة شوية اليومين دول.. عشان كدة كنت متعصبة.. صدقوني اللي عايز يعمل حاجة يعملها أنا مش هقف في طريق حد ومش هزعل
أنت تقرأ
الجبارة ذات القلب الأبيض ♡•(مكتملة)
Adventureقد يكون القلب الأبيض والشخص الطيب في هذا الزمان ساذجًا.. لذا لا بد من بعض الحزم والجد وأحيانًا القسوة.. هل ستتمكن تلك الشخصية من داليا أم سيغيرها عالمها؟! #شهد_أمين #Shahdzad ♡•
