رواية تحت المطر 🌧❤
الحلقة 2 ~ الكاتبة نوره توفيق
نادين.. وصلت لي حوشهم بعد شق سيل مطر غزيره
وقبل ماتروح درست علي مول خذت حلويات وحاجات
ناقصات لي الحوش..
كان كل همها امتى توصل وتفرح خوتها بالحلو🥰
وصلت بعد ساعة لانه كانت تمشي علي سرعة 60
طفت السيارة ودرستها في بوابة الحوش..
ونزلت وفي يدها الأكياس والبالطوا الي لابسته
كله تعبى مية مطر🌧⛈️
دقت الباب جاتها اختها روعه تجري
خشي اختي خشي بسرعه مطر🥺
كانت خايفه علي اختها من البرد ولقاتها اختها ربا
نحت من عليها المعطف وحطاته علي المدفئ المركزيه
عشان ينشف من المياه.
روعه.. خشي غيري دبشك راكي تخذي برد
من عندنا غيرك بعد الله🥺❤
نادين.. ربي يخليكم لياا❤❤
___________________________________
الكاتبة نوره توفيق
رواية تحت المطر
ومرت الليله الشتوية الطويلة علي نادين وخوتها
بي اصوات ضحكاتهم العالية وفناجين الكاكاو الدفي
والحلو الي شراته نادين كانت ليله
دفيه مليانه حب وحن اسره 💜💜
رغم انهم بروحهم عايشين بدون اب وام🥺💔
~~~~~❤🌧❤~~~~~
بعد ساعة . .
دخلوا رقدوا خوتها ودخلت نادين لي غرفتها
كانت دافيه والسرير كبير والغطاء لونه بنفسجي والونسه والعه والاضاء هاديه وبنت البخور يدوخ🤤💜
واصوات حبات المطر يريح السمع يسقط علي نافذة الغرفه
نادين.. خلاص قريب تغفى 😴وو..
وتلفونها يرن المتصل حازم .. رد 📞 رفض ..
نادين ردت عليه رغم انها تعبانه وناقصه نوم.
__________________________________
الكاتبة نوره توفيق
رواية تحت المطر
نادين.. الوو حازم
حازم.. الو ياحلوه شنجوك
نادين.. كنت بنرقد وانت رنيت عليا تعبانة
وجسمي فاشل خلاص💔
حازم.. سلامتك يا حلوتي انا بس بنعرف شن متعبك
وشن الي يريحك انا نديره لك❤
نادين ضحكت شكرا لي اهتمامك❤❤
حازم اسمعي نادين معش تشكرني ومعش تعاملني بس لغة الرسميات كانه قاعدين في مقر عمل خيرك عليا راني...
نادين.. شن؟؟ شوي الباب دق وقاطعت روعه حديثهم
نادين.. شوي ونعاود عليك
خشي حبيبتي روعه
روعه.. خيتي حبيبتي انا بكرا معطله معنديش مدرسة بسبب احوال الطقس
نادين.. الحمد لله رايحوني من التوصيلات ونوضا بدري
روعه.. تصبحي علي خير وعطت بوسه لي اختها وطلعت
_________________________________
الكاتبة نوره توفيق
رواية تحت المطر
حازم.. علاش سكرتي علياا؟
نادين.. اختي الصغيره مانحبش نحكي قدام خوتي
حازم.. اها فهمت شن تبي قصت علينا المكالمة مش وقتها
نادين.. تحكيلي علي المدرسة قالت غدوا عطله
يعني تريحت من التوصيله
حازم. توصيله كيف انتي تكسي ولا شن؟ ووين هلك؟؟
نادين.. اه قصة طويل مش ح نقدر نحكيلك الليله
حازم.. مرهقه صح؟ نادين هلبا 🥺💔
حازم.. سلامت روحك حبيبتي ياريتني جنبك 🔥
راه درتلك مسج يرحي ويرخي الجسم
نادين.. تعجبت حبيبتي ، جنبي !!
نحنا كيف اليوم عرفنا بعض
حازم.. صح لكن ارتحت ليك هلبا حتى صورتك مافرقتني
طول الطريق ولا لمست يدك قدرت ننساه
فيك شيء مميز ومستعد الي تبي نديره ليك
بس متبعدنيش عليك ❤
خايف نقولك حاجة تقولي علياا مجنون " ! 🔥
نادين.. قول عادي
حازم.. حبيتك يا نادين حبيتك وخشتي قلبي يسرعه💘
نادين.. هذا من ذوقك
معلش مطره ننهي المكالمة نكلمك غدوا
حازم.. في انتظارك ليلتك سعيدة❤
________________________________
الكاتبة نوره توفيق
رواية تحت المطر
مع حلول نسمات الصباح وسقوط الأمطار ..
وعت نادين علي ساعة 8 الصبح
جهزت الفطور لي خوتها وخشت وعتهم بالواحد
كانت كل المسؤليه عليها رغم صغر سنه كبرت
قبل عمرها💔
نادين.. جت بتشرب قهوتها قريب
اساعة 9 إلا ربع ... شويا تلفونها رن رويدا علي الخط 📞
نادين.. صباح الخير رورو
رويدا.. صوتها مخنوق وتبكي
نادين خيرك حبيبتي شن في؟؟
رويدا تقدري تجيني توا وو😲👋🏻
_______________________________
الكاتبة نوره توفيق
رواية تحت المطر
لبست نادين بنطلون جلد ومعطف جلد عشان المطر
وولغت السيارة لين ماتسخن وردت جوا علي الحوش
روعه.. مش متريحه حتى اليوم طالعه
نادين.. اه وخلاص مش مكتوبلي راحه 🥺💔
كلمتني صاحبتي بنمشيلها ضروري
وين عصام وعيتي خوك يفطر
روعه مايبيش راقد
نادين.. باهي واختك ربا وينها؟ روعه.. كيف وعت
نادين باهي يا شطوره ردي بالك من خوتك والحوش
نش مطوله تبي حاجه نجيبها لك معايا
روعه.. جيبي شكلاطه معاكي
نادين من عيوني هيا سكري وراي الباب باي.
تابع... تم ادناه للأستمراريه واثبات وجود
الكاتبة نوره توفيق
رواية تحت المطر 🌧❤
أنت تقرأ
رواية تحت المطر الكاتبة نوره توفيق
Любовные романыبنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...
