جميله أسرت قلبي ♡︎

first البداية

تمطعت نور علي الاريكه بينما انزلت الكتاب الذي كان بيدها عن عينيها و قالت موجهه حديثها لادهم :
_ سمعت عن القبيله القديمه اللي أطلق عليها اسم قبيله زهور النور يا هومي ؟
= انتي يا بنتي قولتلك الف مره مبحبش الاسم ده !! مش بيديني هيبه !!  قولي ادهم .. ادهم !!
قالت:
- ما عشان كده بندهك بيه! بعدين مش مهم .. ركز في كلامي بس لان مش لاقيه حد احكيله!
اردفت :
_دي قبيله قديمه اختفت.. يقال عنها انها كان فيها اجمل البشر .. كانت اجمل قريه من بين كل القري في عصرها..
قال ببرود :
= الله .. حلوة دي .. مكانها فين بقي اروح اعيش فيها دي يمكن اتعدي منهم و يبقي شكلي حلو
_لا ما هي  اختفت من زمان للاسف
= اختفت ازاي يعني.. ؟
_ أهلها كلهم مشيو و محدش يعرف طريقهم.. بس بيقولوا انهم انتشروا بين الناس ..
= يعني هما موجودين بينا يعني ولا ايه..
_ مش بيننا احنا بس دول قليلين جدا و نادر أنك تشوف حد منهم اسااسا.. و بعدين  فيه اللي بيقول انهم كلهم ماتو.. الله اعلم بقي .. كلها نظريات..
= طب سيبك انتي من الكتب و الخرافات دي و روحي ذاكري عشان تبقي دكتوره زيي كده .. سلام بقي.. لازم اروح الجامعه عشان عندي محاضره..
صفقت بيديها في سعاده و قالت بسخريه :
- أيوة يا عم ذل ابونا بقي عشان بقيت معيد !
___________________
ادهم ده معيد في كليه الطب البشري .. و شغال في مستشفي كبيره ..عنده ٢٦ سنه .. غني جداا .. عايش في فيلا و عنده عربيه احدث موديل ..مش طايق نفسه و اغلب الوقت متعصب و ده مش بإيده.. شعره بني و عينه عسلي ..
نور اخت ادهم الوحيده .. عندها ١٨ سنه .. في تالته ثانوي .. عينها بني قاتم يميل للسواد.. و شعرها بني طويل
ادهم نزل من الفيلا و ركب العربيه بتاعته وراح الجامعه.. كان أول يوم ليه يروح يدي محاضره و هو معيد جديد .. دخل الكليه و كانت الدنيا زحمه جداا لقي شويه طلبه متجمعين .. و فجاه واحد منهم بص لادهم و راح يسلم عليه و قال :
_ ايه ده !! ادهم.. ازيك ياعم بقالي كتير ما شوفتكش.. بس ايه الشياكه دي يبني
( هو ميعرفش أنه معيد.. يفكره طالب في سنه رابعه )
= ضغوطات و شغل كتير بقي .. المهم.. مش تعرفنا علي صحابك..
_ اه اه اكيد.. ده ادهم يا جماعه .. صاحب اخويا الكبير.. ودول .. ماهر و قيس صحابي .. و دي هدوء مرات ماهر و .. و دي دينا اخت مريم
= مريم مين ؟
_ مريم طالبه جديده معانا برده بس هي تعبانه و مش هتيجي النهارده .. و اختها جت ..
=  تؤامها يعني ؟
دينا قالت :
_ لا .. أنا بنت خالتها بس احنا زي الاخوات بالظبط
ادهم وجه كلامه لاخو صحبه و قال :
= اممم .. تشرفنا .. خلاض بقي امشي انا معطلكمش
_ لا يعم تعطلنا ايه .. تعالا بس اقعد معانا .. احنا بنقلش ع الدكاترة و المعيدين الجداد.. تعالا اضحك شويه يا عم
( ادهم فكر شويه و قال في نفسه .. أما اقعد معاهم خمس دقايق اشوفهم هيوقولو ايه وبعدين ابقي اروح المحاضره.. كده كده لسه فاضلها نص ساعه .. )
= طيب اديني قعدت اهو ..
( ماهر ) _ سالت واحد صاحبي في سنه تانيه هنا .. قاللي أن فيه دكتور جديد جاي .. بيقولوا عليه رخم و مكشر اغلب الوقت و مش بيطيق حد.. هو أول محاضره ليه النهارده.. بس الكلام ده من واحد قريبه و عارف طباعه
( ادهم : بعدم تصديق ) و الله .. ده دكتور رخم اوي علي كده .. اسمه اي بقي
( ماهر ) جداا.. انت تعرفه ولا ايه ؟
( ادهم ) لا لا يعم بس بلاش نحكي عنه احسن يسمعنا و يسقطنا كلنا.. يرضيك تعيدو السنه بسبب دكتور رخم ؟
( ماهر ) مش يلا بقي يا جماعه نروح المحاضره .. احسن ما يرضاش يدخلنا ..
( كلهم في وقت واحد ) يلااا
( ماهر ) مش هتيجي معانا يا ادهم ؟
( ادهم ) لا هروح اشوف حاجة و اجي بعد خمس دقائق كده..
( ماهر ) ده دكتور غلس و مش هيرضي يدخلك.. بس براحتك..
( ادهم راح المكتب بتاعه و حط الشنطه عليه و اخد منها كدا كتاب من بتوع المحاضره و شويه اوراق و راح المحاضره بتاعته.. دخل القاعه و لقي الدنيا ظيطه.. و اول ما دخل راح مازن كلمه و قاله :
_ تعالا اقعد بسرعه يا ادهم الدكتور هيجي دلوقتي و ممكن يتعصب لو لقي الدنيا ظيطه كده..
( ادهم كان بيجرب القلم ع السبورة وقتها و مش بيرد عليه .. و اول ما مازن خلص كلامه راح ادهم اتكلم و هو بيحط الكتب ع الطرابيزة .. و بيفتح الكتاب علي أول صفحه ..
_ هو أنا مقولتلكش.. مش انا الدكتور الغلس ..
( ادهم راح و كتب غ السبورة كلمتين او تلاته ..و في الوقت ده مازن كان مصدوم جدا لدرجه انه نسي يقعد .. و كل الطلبه سكتو لما عرفوا أنه الدكتور.. و ماهر و قيس و دينا و هدوء كانو مصدومين برده .. أن اللي كان واقف من شويه معاهم ده و سمع كل كلامهم كان الدكتور.. ادهم بص ع المدرجات لقي أن مازن لسه واقف .. راح اتكلم بابتسامه صغيره كده ..
_ متخافش مش هنزلك في الماده بسبب الكلام اللي قلته انت و باقي الطلبه من شويه ..
بعدين كشر و كمل كلامه :
- بس لو عملت غلطه تاني أنا ماليش دعوه لو لقيت نفسك ساقط.. أنا معنديش وسايط هنا.. لكن بالنسبه لاخوك هو علي عيني ولا علي راسي بس مش هيتوسطلك.. اتفضل اقعد ..
( و بدأ ادهم يشرح في المحاضره و قبلها كان بيقول قوانينه اللي ممنوع الطلبه يخالفوها.. خلصت المحاضره و ادهم كتب مسائل ع السبورة عشان يحلوها لحد المحاضره الجايه و قالهم أن اللي هيجي مش حالل المسائل دي مش هيدخل المحاضره ..
تاني محاضره كانت عليهم تاني يوم.. ادهم راح بدري كالعاده و دخل المكتب بتاعه و الطلبه كانت بتدخله تديله ورق الواجب اللي اخدوه .. وهو بيجمع الاوراق و بيشوف الأسماء .. دخلت طالبه عليه و قالت :
_ السلام عليكم .. دكتور ادهم أنا .. أنا كنت عاوزة اعتذر لحضرتك عشان ما حضرتش محاضره امبارح .. و عرفت أن حضرتك اديتهم مسائل وان اللي مش هيحلها مش هيدخل محاضره حضرتك.. أنا مكنتش موجودة فمكانش معايا المسائل دي .. ينفع ادخل النهارده المحاضره وانا هحاول ما اتغيبش تاني .. مع العلم أنه كان سبب خارج إرادتي ..
( ادهم كان لابس النضاره و باصص في الورق و موجهش نظره ليها من ساعه ما جت.. و كان بيكلمها و هو باصص في الورق .. بعدين قال.. :
_ اممم .. مع اني رافض فكره أن حد يخالف قوانيني تماما بس ماشي .. تدخلي محاضره النهارده عادي .. بما إنه كان سبب قهري علي حد قولك.. و بما اننا لسه في اول السنه.. بس دي مش هتتكرر.. انتي اسمك ايه عشان اكتب اسمك ضمن اللي عملو الواجب و سلمو الورق .. عشان هاخد الاسماء قبل ما يدخلو..
= اسمي مريم زايد..
( ادهم خلص ترتيب الورق و  رفع رأسه و هو بيكلم مريم .. كان أول مره يشوفها من ساعه ما بدأت تتكلم.. ادهم فضل حوالي خمس ثواني مصدوم  بعد ما شافها .. بس طبعا ما بينش ده.. و قال :
_ .... خلاص ..خلاص يا مريم ممكن تروحي .. محاضرتك دلوقتي .. وانااا.. أنا لما يجي معاد محاضرتي هدخلك مع الطلبه ماشي ..
( مريم مشيت و ادهم كان لسه مصدوم.. مريم غالبا كانت بنفس المواصفات اللي قالتلته عليها أخته لما حكت عن سكان القبيله القديمه دي .. و هو كان حاسس انها منهم غالبا.. أو علي الاقل شبههم..
مريم طالبه جامعيه و ده عامها الأول في طب .. ليها اخت واحده.. قصتها غامضه .. مريم فتاه محجبه شعرها احمر طبيعي و عيونها خضراء و بيضاء بياض الثلج ..
ادهم فاق من سرحانه و كمل كتابه علي الورق اللي كان قدامه لحد ما جه معاد محاضرته و قام يمشي عشان يروح المحاضره .. دخل المحاضره و الطلبه اول ما شافته سكتت علي طول و بطلو كلام.. القي نظره سريعه ع الطلبه بس مريم ما كانتش موجودة بينهم.. اتنهد و بدأ يشرح .. هو مكنش هيدخلها لو جت عشان ده من قوانينه أن محدش يدخل بعده.. خمس دقايق و باب القاعه كان بيتفتح...و دخلت مريم و كانت بتتنهد .. ادهم بصلها و قال ببرود :
_ اطلعي بره تاني بقي .. أنا من قواعد محاضرتي أن محدش يدخل بعدي ..
= و الله يا دكتور غبت من المحاضره اللي قبلها حتي .. بس حرفيا اختي تعبت و رجعت جبتلها الدوا بتاعها و جيت علي طول ..
( ادهم سكت شويه و بعدين قال ببرود تاني  ..
_ اتفضلي بره زي ما قولت
#يتبع
صحيح .. الروايه اسمها " في قاموس الحب '' أو " جميله اسرت قلبي "
بقلمي : اروي مدحت
#اروي_مدحت
#في_قاموس_الحب أو #جميله_اسرت_قلبي
#يتبع