في مكان ما خصوصا في منطقه المهندسين استيقظت جميلتنا لينا لتذهب كعادتها الى الجامعه بصحبه روان صديقتها
لينا: الوووو
روان: ايه يا زفته عامله ايه عماله ارن عليكي فغيبوبه انتي
لينا: مسمعتش الفون معرفش انا نمت كل ده ليه وازاي
روان: طيب يلا يا شاطره قومي البسي وكليلك حاجه عشان ساعه وهعدي عليكي اخدك ونروح الجامعه سوا
لينا: طيب فطرتي ولا اعملك معايا فطار
روان: لا فطرت روحي انتي وانا جيالك في السكه
لينا: تمام يلا سلام
وفاقت لينا وذهبت لتتوضأ وتصلي الظهر وبعد ما انتهت لينا من صلاتها
لينا: مامااااا انتي فين
ام لينا: انا هنا اهو في المطبخ يا حبيبتي تعالي
لينا: ما هو اكيد في المطبخ يعني زي اي ام مصريه😂😂
لينا: صباح الفل يا ست الكل
ام لينا: صباح النور يا اختي ناموسيتك كحلي كل ده نايمه ده انتي نمتي نومة اهل الكهف
لينا: معرفش يا ماما والله انتي حطالي حاجه في الاكل صح؟ حطاليييي منومممم يا مامااااا😂
ام لينا: يا ربي مخلفه واحده معاها شهادة معاملة اطفال امشي من قدامي يبت علشان مديكيش بحاجه ف وشك
لينا: طب متزقش طه انا شويه وهمشي عشان البت روان هتعدي عليا تاخدني
ام لينا: ايه ده روان جايه ومقولتليش يا حماره كنت عملتلها فطار وحشتني الجزمه
لينا: هي قالتلي انها فطرت وهتعدي عليا ونروح ع طول الجامعه عشان متاخرين يا سوسو
ام لينا: ماشي يا حبيبتي تروحو وترجعو بالسلامه ربنا معاكم وينجحكم
لينا: يارب يا ماما ادعيلنا محتاجين دعواتك يا ست الكل
ورن هاتف لينا وكانت المتصله هي روان
لينا: الو يا رونا فينك
روان: انا كلها خمس دقايق وابقى عندك طنط سعاد عامله ايه صح
لينا: بتسلم عليكي وبتقولك وحشتيها يا جزمه
روان بضحك: ههههه هي كمان وحشتني والله انا جايه اهو جهزتي ولا لا
لينا: عيب عليك هلبس فوريره
روان: يا حماره لسه ملبستيش اجري روحي البسي يا بقره
لينا بضحك: ههه ماشي يلا سلام
وذهبت لينا لتلبس ملابسها وكانت عباره عن فستان باللون الوردي الجميل والحزام الابيض وفردت شعرها الجميل والشنطه والحذاء من نفس لون الحزام فكانت في قمه الجمال والروعه
وجاءت روان وسلمت على ام لينا واخذت لينا وذهبا الى الجامعه معاا
لينا
فتاه جميله ذات الشعر الاسود القصير والعيون العسليه والبشره قمحاويه والشفاة الارنبيه وتتميز بجمالها ولطافتها وحسها الفكاهي انها قصيره القامه الى حد ما وهو ما يجعلها جميله اكثر انها تبلغ من العمر 20 عاما وهي من عائله متوسطه وراقيه وجميله وتدرس بجامعه الفنون الجميله
روان
هي الصديقه المقربه ل لينا (البيست فريند) تبلغ من العمر 20 عاما عيونها بنيه وهي جميله بحجابها الذي يزيدها جمالا على جمالها تتميز بطيبه قلبها وانها عطوفه وهي ايضا تدرس في جامعه الفنون الجميله وهي ولينا كانوا اصدقاء في مرحله الاعداديه والثانويه وهماا الان يدرسن معا في جامعه الفنون الجميله
