احمد : المخزن اتحرق ازاي محدش كان يعرف أن البضاعة هتوصل اليوم دا غير انا و انتي و ماجد ( المدير المالي)
لينا : متقلقش انا كلمت شركة التأمين و كله هيبقي تمام و ماجد دا حسابه جاي
احمد : لينا هتعملي ايه ، انا بقول نبلغ البوليس و هما يتصرفوا
لينا : انا في دماغي ترتيب تاني خالص يا بابا ، و كمان احنا مش هنستفيد حاجة انا هحاول اظبط الدنيا علي ما انت تخرج لنا بالسلامة يا حبيبي
احمد : انا عارف اني تعبتك كتير بس اعمل ايه نور مش بترضي تخليني اتحرك اصلا
لينا بضحك : يا جدع دي فارضة علينا حظر تجوال كل ما تشوف وشي تقعد تأكلني تقولش خارجة من مجاعة
احمد بضحك : بس بقي عشان لو سمعتك هتعلقك
لينا : يا عم انت شكلك اتضحك عليك في الجوازة دي ، قولي بس و أنا اجوزك في حتة ممرضة برا إنما ايه حكاية
احمد بضحك : يا بت بس لاقوم لك .
نور : و تقوم ليه ما انا موجودة .
لينا بخوف مصطنع : هي واقفة ورايا و لا دي هلاووس
احمد بضحك : لا هي وراكي فعلا
لينا : نور حبيبتي يا قمر انتي هنا من بدري
نور : من اول ما اتضحك عليه في الجوازة
لينا : لا انتي فهمتي غلط خالص دا انا بقوله والله يا واد و عرفت تنقي
نور : لا ما انا عارفة يا حبيبتي انا عارفة
لينا بهمس : هي بتبص كدا ليه يا احمد هي مش ناوية تقتلني صح
احمد : انا بقول اهربي بسررعة قبل ما تتحول
لينا : طب يا جماعة انا هرجع الاوضة التانية استأذن بقي وخرجت بسرعة
و بعد مرور تلات ايام
لينا : هو انا ممكن اخرج يا دكتور
الدكتور : مينفعش خالص المفروض تقعدي هنا ست أسابيع اصلا مش اسبوع واحد بس ، و بعدين انتي جرحك فتح من تلات ايام و اي مجهود مينفعش ، لازم ابلغ نور هانم الاول
لينا : طب بص انا هروح مشوار واحد و هرجع اقعد الفترة دي هنا بس بلاش تقول اي حاجة لنور
في الناحية التانية في شركة الدسوقي
ماجد المدير المالي : أيوة يا بشمهندس يحيي انا موجود و هاخد الفلوس و هطلع عالبنك علطول
يحيي : تمام
ماجد كان بيفتح الخزنة و بيحط الفلوس في الشنطة ، فجأة الباب اتفتح و يحيى دخل و معاه ظباط
يحيي : لو سمحت يا حضرة الظابط انا عايز اعمل محضر سرقة
ماجد بصدمة : ايه اللي بتقوله دا يا بشمهندس
يحيي بثبات : و الله المفروض اعمل ايه و انت بتسرق الخزنة
ماجد : الكلام دا مش صح ، انت طلبت مني اخد الفلوس و اروح البنك
يحيي : محصلش
ماجد : انا عايز اشوف الأستاذة لينا أو احمد بيه ، انت بتستغل أنهم مش موجودين ، لو سمحت يا حضرة الظابط انا عايز اعمل مكالمة ، كلموا الأستاذة لينا
ظهرت لينا في اللحظة دي
لينا : ايه اللي بيحصل هنا دا
ماجد بخبث : استاذة لينا تعالي شوفي اللي انتي سايباه مكانك انا اكتشفت أنه بيعمل مخالفات من وراكي و سمسرة و أنا كنت هقولك و كمان هددته اني هقولك عشان كدا بيتهمني بالسرقة
لينا : طب معلش ممكن يا حضرة الظابط تستني برا شوية بس
الظابط : تمام
لينا : روح مع حضرة الظابط يا طارق اشربوا حاجة عشر دقايق وانا جاية علطول
لينا : هااا يا ماجد بتسرق الفلوس ليه
ماجد : انتي مش مصدقاني يا استاذة ، صدقيني هو اللي كان عايز يسمسر من وراكي ، هو عايز يلبسني السرقة دي عشان يطردني من الشركة
لينا : مش هو اللي لبسك المحضر
ماجد بصدمة : ايه
لينا : بالظبط اللي وصلك انا اللي ورا كل حاجة ، هاا تحب نبدأ منين .
ماجد مصدوم و مردش
لينا : انا اقولك مين اللي سرب الصفقة بتاعتنا قبل ما انا اعمل الملف و لا اقولك مين اللي حرق المخزن
بص يا ماجد انت قدامك حل من اتنين يا اسجنك اختلاس ياما زي الشاطر كدا تروح تعترف و تقول مين اللي حرق المخزن ، انا لو منك الحق نفسي و اختار نفسي خصوصا أن اكيد علي لو كان في نفس الموقف اكيد كان هيختار حياته
ماجد : بس انتي عارفة اني مسرقتش و مش هتعملي كدا ، انتي تعرفي ربنا
لينا : فعلا انا عارفة بس مش المهم انا ، في كاميرات صورتك و في شهود ، اما بقي بالنسبة لي هعمل كدا ولا لأ ، فا تمام انا هعمل كدا عادي دا قصاص و رد فعل انا مظلمتكش ، هااا قولت ايه
ماجد كان بيبص حواليه و زق لينا و خبطها مكان الجرح و كان بيحاول يجري عشان يهرب برا الشركة
يحيي راح يسند لينا
يحيي : انتي كويسة فيكي حاجة
لينا : انا كويسة مفيش حاجة ساعدني بس اقوم
يحيي : انا هروح الحقه قبل ما يهرب
لينا : متقلقش الجاردات هيجيبوه حالا ، وفعلا دقايق و كان الجادرات جابوا ماجد ل لينا
لينا : كدا يا ميجو كنت عايز تهرب مني ، كدا تزقني و توقعني ، ربنا يسامحك
دلوقتي تنسي الكلام اللي قولته انت هتقولي امسك دليل علي علي ازاي يا اما نبلغ المدام و الاولاد و نخليهم يشوفوا ابوهم و هو مختلس حرامي مش ابنك اسمه احمد بردو تخيل كدا يجيي يشوفك و انت بيتقبض عليك بتوجع مش كدا ، لينا لقت أنه ابتدا يتوتر فكملت بس تفتكر اقول لانهي مدام فيهم ، الاولي و التانية اصل انا مقولتش ليك اني خليت حد يراقبك و اعرف عنك كل حاجة حتي مقاس الشوز بتاعك هاااا ..
ماجد : بلاش تخربي بيتي انا معملتش حاجة لكل دا
لينا : دي بجاحة ليڤل الوحش ، و يعني انت تخرب بيتي دا عادي ، طب بذمتك و دينك مش كنا مدلعينك، دا انت كنت واخد صلاحيات مكنتش تحلم بيها
تليفون ماجد كان بيرن و كان علي
لينا : رد عليه و اطلب تقابله و و الله لو عملت أي حركة كدا ولا كدا هسجنك و شوف بقي هتلاحق ازاي علي اللي هعمله فيك
ماجد رد و حدد معاد مع علي أنهم يتقابلوا ، لينا : تمام كدا يا ميجو
يحيي خلي الجادرات يحطوا في المخزن لحد ما اشوف هتصرف معاه ازاي
لينا : انا هروح اقابل علي يا يحيي و انت خليك هنا
يحيي : لا طبعا انا هاجي معاكي مش هسيبك تروحي لوحدك ، ازاي عايزة تقابلي المجرم دا لوحدك انا جاي ياما انتي مش هتروحي
لينا : خلاص يا يحيي تعالي بس هتفضل برا بس في مشوار لازم نعمله الاول
و وصلوا المطعم و علي كان وصل و قاعد
لينا : ازيك يا علي عامل ايه
علي : انتي .. ايه اللي جابك هنا
لينا : انا عارفة انت كنت مستني حد تاني ، بس معلش بقي ، بس تعرف ماجد طلع وفي مرديش يعترف عليك ، ليه تعمل كدا ها ليه تحرق المخزن ، استفدت ايه طيب بتعرف تنام و انت عامل حاجة حرام
علي : و النبي بلاش جوا المواعظ دا مش لايق عليكي كنتي قولي نفسك و انتي السبب في موت ابويا
لينا : و أنا مالي دا بيزنس انا اخدت الصفقة من ابوك بمجهودي انا ذنبي ايه أنه مستمحلش ، و بعدين احنا عمرنا ما نبقي زي بعض ، ليه تعمل كدا كفاية كدا يا علي
علي : انتي تعبتي ولا ايه دي لسه البداية و بعدين انتي زعلانة ليه دا انا بس حرقت المخزن و اخدت منك شوية صفقات
لينا : خلاص انا عملت اللي عليا و كنت هسامحك بس كنت متوقعة و عاملة ليك مفاجأة إنما ايه حاجة كدا روعة
و بعدين البوليس دخل
الظابط : اتفضل معانا يا علي بيه
علي : معاكم علي فين
لينا : اه اصلي نسيت اقولك يا علي كل اللي حصل دلوقتي متسجل وغمزت ليه و باذن من النيابة كمان ، هتوحشني يا علوة
علي كان لسه هيتكلم ، لينا بمقاطعة متقلقش هجيبلك عيش و حلاوة
علي : كدا كدا خسرانة و عليا و علي أعدائي و سحب المسدس من الظابط ووجه ناحية لينا
الظابط : سيب المسدس يا علي
ياتري ايه اللي هيحصل ؟؟؟
يارب البارت يعجبكم 💙
أنت تقرأ
أحبها و انتهي الأمر
Любовные романыهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
