omi traidor e ciumento ka da certo

forti dania ka ta bem

Homi traidor e ciumento ka da certo
Nkaba pa trail y nsabi ma isso ka foi certo
Nem ka foi pa paga na mesmo moeda
sikalhar destino kis pa ser si
Antis di bem ku ponta dedu
Keli é um verson ki bu sa obi
Di nha parte nunka n foi kel namorada perfeita
Nta assume, di si parte nem sempre é ka foi kel namorado traidor e possesivo
Xan kontau modi ki tudo komesa
Pripara po viaja na leitura.....

Tenta fika bo so, Lonji di distrasons
Sen eskesi di aprisenta, mi é silvia ( nome fikticio)
Ricardo é kel algen ki nu kaba pa ka da certo
Siparason foi deficil evita, embora nos tudo 2 nu ta flaba sempre ma nu gostaba de kumpanheru
Mi kual nu konxeba na um festa ki n baba la si zona
N odja kel mos alto, bonito na sin senhor bom foz propi, nxtaba mi ku dania ( nha amiga ki baba ku mi festa)
Nton Dania pp kel xulembra, el ki flam pam odja mos
É flam : avé, Si, (nominho ke ta txomaba mi) kela é bu numero, ami si nka tinha namorado nta ba buaba nel goci....
Bom kanto n da ku odju na mos, foi na kel mesmo tempo ki nos odju kontra
N disvira rostu faxi, corpo fika ta tremi, n fika ku sensason ma nsa ser perseguida pa si olhar n fla Dania ma nka kre mas pa nu fika na kel kau ki nu staba, é flam na pa nu relaxa ma mos la concerteza debi tem pikena ma nem me ka ta txiga na nos,.
Ami goh nka sabi pmd ki otu hora dania ta da so pa inocente sima ki ka konxi homis kkkk.....

Som de movel ta toka
Era movel de dania
Dania : keli nka sabi kenha ki sa txoman, si esperam li sim nbai fala na um kau ku menos barrulho...

Mi so na kel kau, mos nha diante, em vez de fika ta djobi so djobem, goci é sta ku um surrizinhu ta tenta provakan, nka sabi kuze ki é kre,
Forti dania ka ta bem,
Kesli ki era nhas pensamentos até ki n odja mos ta bem na nha direson
....
Avé agoh ki pensamentos bira ta toma konta mi, será ke sa bem dan fala? Kuze ki nta flal si é papia ku mi nha genti, n vira fika de kosta pa el,
Direpenti n xinti um mo na nha ombru
...
Hey...

N vira faxi sima ki n espanta, mo da na si garafa 

::::::::::::

bu kre continuason de es storia?  comenta pa nsabi e partilha ku um bu amigo(a)