رواية
" مُلاذ أمن "
الحلقة الثالثة " 3 " ✨
وصلت الباب وخبطت فيه ،
منتبهتش وموقفتش كملت طريقها اما هوا ف عرفها
- : لو سمحتي يا اختي
- ملك ( تلفتت وعيونها مدمعات وحمر ) : نعم ، ؟ ^ طبست راسها بعد عرفاته ^ اهلين يوسف ، سامحني مشفتكش
- يوسف ( رد علاها وهوا منزل راسه ويتكلم بكل احترام ) : عادي ولا يهمك ؟ ان شاء الله خير مافيش حاجة قوية ؟
- ملك ( بحركة سريعة مسحت دمعتها يلي ف عينها ووهوا لاحظها ) : خير خير مافيش حاجة هبوط سكر حاد
- يوسف : ان شاء الله لاباس ، ^ تلفت لصوت اخته يلي كانت شادة تلفونها ادور ف رقمه ^ ها سبين ان شاء الله خير
- سبين ( قربت من يوسف وملك وقفت بعيد ) : الحمد لله مافيها شي ، الاولاد داخل خش شوفهم حسيتك تأخرت
- يوسف ( كان مهموم ويفكر ف هشام ) : هوا هاده كلمني قصي قالي هشام ف حالة شوفه ، مش عارفة كيف اني ..! ^ وتلفت بحركة سريعة شاف ملك ورد يشوف لاخته ^
- سبين ( حست بيه ملخبط زي ماحست بتغير هشام واهماله ل روحه ، زي هوا زي قصي زي مروان ) : الله غالب مهم توا نتلاقو بنوصل ملك
تلفت يوسف بحركة عفوية يشوف ل ملك يلي واقفة بعيد شوي ، انتبه انها تبكي ومنزلة راسها ،
- يوسف : ربي يكون ف عونهم عيلة كاملة
حطت سبين يدها ع كتف خوها وقالتله : برا برا شوف اصحابك وواسيهم
خش يوسف لقسم الاسعاف اما سبين شدت ف ايد ملك وركبت سيارتها ،
- سبين : خلاص يا ملك بطلي تبكي لامتى هكي ؟
- ملك ( مسحت دموعها ) : ليش منقعدشش ليش ، راهو اني سيبت روحي ف العيادة ومروحة متخيييلة انتِ متخييلة ،
- سبين : لو انتِ قعدتي هني بنات خوك من بيهم يا ملك ، عارفة حالتهم صعبة ولا ماكلة ولا يبو النفس من بيهتم بيهم زيكم ؟ هما يحبوكم لان يحسوا في من فاهمهم ف عمرهم ، مديريش هكي خليك انتِ ولجين بسس قوا ع خاطر عيلتكممم ردوا بالكم ع نسيبة راهو صغيرة ادير ف روحها حاجة !
من بيهم لو انتِ ولجين ف العيادة ؟ بعدين شن الهبال هاده متاع مناكلوش ومنبوش ؟ انتو كبار وبعقلكم ومافيش حد يقتل روحه بروحه ،
غر تفيق عزل حنحمر عيني معاها ياسر مرض وقلت ماكلة ، هما اماليكم ناقصين هم ع الهم يلي جاهم وشافوه
كانت سبين تتكلم ب قوة وكإنها توعي ف ملك ع حاجات مش متفكرتها ،
كإنها تفكر فيهم ان الدنيا هكي ولا هكي مستمرة بس هما مش راضيين يفكروا ف الناحية هادي !
الموت حق وكلنا ليها ،
هكي كانت تبين ل ملك يلي طول الوقت وهيا تسمع ف سبين وساكتة وتبكي ، كأن كل الاحزان تراكمت مش تتفجر هاللحظة جنب سبين ف السيارة !
- ملك : مش قااادرة يا سبين مش قادرة ، خوي كل يوم يجيني ويهدرز عليا ويجيبلي ف بضاعة للحوش ويواسي فيا لما يشبحني زعلانة ، كل يوم وفي نفس الساعة يقولي نبي قهيوة من يداياتك ، يقولي لا بناتي ولا مرتي يعرفو يطيبوها زي مانحب 💔
ولا ع احمد يلي كل مانبي نطلع ل مكان ولا نبي محل قماش ولا نشري حاجة يجي يطلعني طول ، يسيب عمله ويجيني تخيييلي ، احممد زي النسمة مشي وخويا زي بوي خلاني ومشي ، اني اليوم تيتمت للمرة التانية من غيرهم 💔
والله معاش فيا حيل ، متخيلتهاش تجي فيهم خوي وولده ، متخيلتش يموتوا بالطريقة هادي ، متخيلتش يجينا يوم ونبكوا ع وخيي ، متخيلتششش احممممد احمممد يا سبيين يمووت متعدب متقطع ومحروووق ، قلبي يطقعععع لما نتخيييل احمد يتوججع عنددهم نمووت ، لما نتخيييل ف شكللله وهوا مربوط ف شكاااارة ملوووحينه ف مكبب مقطع لو تتأخروا عليه نهشووه كلاااب ، متخييلتش حميييدا يدفنوه بالجزززء ياريييتني متتت معااااه ...كيف تبيني نصبر ونتحملوا كييف ، يارررب سامحنا ع يلي نديروا فيه ونزل الصبر ف قلوبنا 💔
