رواية
" مُلاذ أمن "
الحلقة الخامسة " 5 " ✨
- يوسف ( كان مفنص عيونه ويحاول يركز ) : يا ساااتر يا لطيف شن هاده
- محمد ( انتبه لكل شي ) : اجرييييي اجرييي طرببببق العداااد يوووسف بوابة وهمية شادين ولد اجرييي
- يوسف ( كان يشوف للولد يلي شادينه وشادين عليه سلاح ، كان يدعي ان ميصيرش شي للولد ) : ت الوووولد بيقتلووه
- محمد ( بصوت عالي وهوا يشبح ل يوسف ويخبط ع الكوادرو ) : اعفففففففس اعفففففس تبيييي تتمشط وتنخنب يلي راااكب فييها اعفففففس
زاد يوسف سرعته بقوة والبوابة قعدوا يرموا ع السيارة بس مصابوش شي من سرعة يوسف ،
اما محمد ف لمح واحد واقف وشوي شوي شكوكه بدت تتأكد !
كانو عنده هلبا ادله بس مش متأكد منهم ، يستنى ف اليوم يلي يواتيه يكون قصي وهشام ع وعيهم ويعرفوا شن يديروا !
بس للاسف حالة الكل ف الاسوأ
- محمد : طلعنا بعينها ياراجججل مش جو راجل يدير ف امه العيل هشام هاده
- يوسف : انيييي كان نعرف مني عاطيه وسخ يشربه بسسس ، من وين ليييه ومن يعرف عنده وسخ هكي ، وديني ومانعبد لو يخلوني عليه نكتفه وانطيح فيه جلد خلي يفيق ع عمره
- محمد ( ضحك ع جنب ) : نحكيله ع البوابة يفكر ف البوخا عنده 😂
- يوسف : اييي غر شوفلي ، تعرف شوفت واحد يشبه نادر ، غر عاطي بالظهر
- محمد ( شبح للروشن ) : هاده يلي ندوي فيه اني
- يوسف : وخييي تكلم وااضح مولي زي صندوق الاسرار
- محمد : غر قولي قديش كيلو مزال ؟
- يوسف : هكي قريب 15 وصلنا
- محمد : اخطى الحفر حفرتلي بطني الزح
____________________
وفي السيارة كانت سبين تفهم ف سفيان كيف يمثل مش تخش للعيادة وتشوف لجين
- سبين : انت اقعد ساكت ليين يقولي مافيش دكتورة توا ، بعدين دير روحك متعصب قوللهم اختي بطنها بتتفجر فيها الزايدة وانتو معندكمش حتى ممرضين يسعفوا وزيد كلام من عندك
- سفيان ( دار نبوله بالمسكة وطربقها وزاد علا الاغاني ومعدلش ع سبين ) : شن جوووو بااااهي
- سبين ( تعصبت من بروده ، سكرت الاغاني وعيطت عليه ) : انتتت خيييرك ؟ واحد شارق وواحد باله ف الحلوة ، عندك احساس خوووي ؟ متأكد عندك قلب تحس بيه ،
- سفيان ( دار روحه يسخف ) : هاتي ايدك اسمعيه كيف ينبض هيي ،
- سبين ( خبطت راسها وقعدتت تتزحزح من الكرسي ) : ياربيييييي اني كيف بنخشش بيه قدام النااااس كيف
- سفيان ( يزيد يستفز فيها اكتر 😂) : لاااا متبكيش والله نعاينك ، قعمزي زين 😂 🙂
- سبين : سفياااااان راهو عابية عليك 🥺
- سفيان ( درس قدام العيادة ) : ت كان منخلهمش هما يدخلوك ل لجينك معاش نقعد ابو سيف
- سبين : عابية عليك بسس
نزلوا من السيارة وبدوا يمثلوا ، قعدت سبين تتصنع انها تتوجع وايدها ع جنبها وسفيان دروحه شادها ومرة مرة يقول حاجة اضحكها💙 ،
خشوا للعيادة ووقفوا ع الاستعلامات ومكانش في حد واقف ، تلفت سفيان ل سبين وكان في باله شي
- سبين : يلي فبالي في بالك ؟
- سفيان ( ابتسم بخبث ) : ننطلقوا للاصنصيل 😏
