بوساتي
كيف تصبح ( مُصارح محترف في اسبوع )
اخوان داشوف هواي من الشباب دينزلون منشورات شلون اصارح وشلون ارقم . احنة خوة بالسراء والضراء ولازم ميبقى بينة واحد عايزة شي
نجي على مراحل مرحلة مرحلة
1- شفت بنية عجبتك
2- لازم تحدد نوع العلاقة لتريد تسويهة ( زواج - اخوية - حب ثم زواج فيما بعد .. الخ ) حتى لمن اطب تعرف نفسك شتريد
3- لازم تشتغل على درب النظرات ولازم اتحسسه بان انت حاطهة ببالك
4- تقتنص فرصة مناسبة تكون البنية وحدهة
5- اطب بالنظيف لو بالهدف لو بالنجف
6- بحال قبلت شلون تعرفه ماشية لو زيرو زينة موزينة
وهسة نشرح نقطة نقطة . الاولى مابيه شرح نبدي من الثانية : قبل متبدي بالنظرات والايمائات والدبل اشارة لازم ترسم ملامح العلاقة لتريد تسويهة ( مدعر خانة - قصد شريف على سنة الله ورسولة - علاقة احترام واخوية ) طبعا العلاقة الثالثة نستبعدهة ونقدم عليه اول علاقتين . .. اذا جانت النية اصفى من المراية فنصيحة قبل لطب لازم تكون ( متمكن ماديا او ميسور بأقل تقدير لان اذا ماعندك مادة احتمال متقبل بيك واذا قبلت بيك فخليهة ببالك راح تتورط )
3- النظرات في تبيان مصارحة الحاتات .. نظرات مانظرات : خليهة ببالك اذا استمريت نظرات واشارات جم يوم واطب اتكول ( احبج يابعد الروح حبج سباني ) طراااخ الطشة 45 ترس . اقل شي لازم تسحكلك فد سبوع نظرات ولطب اتصارح اذا متلكى تجاوب بالنظرات ! علل / ليش كلنة اسبوع ع اقل تقدير؟ ج/ لان يجوز اول جم يوم راح تبيع ثكل فخليلك فد سبوع لان المرة اول وتالي تفضح سره ماعدهة كتمان حتى اذا جانت منجذبتلك اول يوم تذبة n بعدين اذبة d وتنطلق .. واهم فقرة لازم بشطارتك وخبرتك تعرف اذا جانت مجاوبة وياك لو لا , والنظرات لازم تكون بثكل مو بتلطلط وتضرب عليهة زوم من فوك ليجوة
4- اقتناص الضربة المناسبة في الوقت المناسب : لازم تشوفه بمكان بي ناس قليلن ووياهة فد صديقة وحدة او صديقتين مو كاعدة بنص كروب الحنين ترس بالسنتر وحضرتك طاب انتحاري تريد اصارح . لاحبيبي تدري ليش . لان اذا كاعدة بنص جوكة راح يكبر راسه وتبيع ثكل بينما اذا وياهة بنية وحدة مراح تحس بذيج القيمة مثل ماامة محمد كاعدة يمهة واذا كاعدة وحدهة فهاي هدية من السماء
5- الدخول بالنظيف في القصد الشريف : اكو خطأ شائع يرتكبة الهواة غير المحترفين وهو التلعثم بالكلام وخطأ ( احبج ) من هاي الالفاظ وتخلي وحدتهن تحس روحه كريستن ستيورت . اني مااكدر انطي كليشة ثابتة فالكل مصارحة كلام وظرف وموقف خاص
اهم شي لازم تكشخ والزيان الزين والهندام الاشرد والعطر الاشردوا والكلام بثقة ورجولة لبكلبك كولة وحاول قدر الامكان تبتعد عن كلمة احبج . واخذ قانون ثابت . أحبج = بوري x حاصل جدول المحاضرات . وضروري اتطب بجرأة انت ششخصياا . اذا دزيتلهة وحدة تحجي وياهة تاخذك بالعين الصغيرة وادكول هذا اذا ميكدر يصارحني شلون راح...... وصلت الفكرة مو !؟ ومعلومة البنات يحبن الجريئ مو الخجول كما تبين الروايات الرومانسية الخاطئة ,
*مثال : صارح مهند نور واول كلمة قالها بعد السلام ( أحبج ) أحسب مايلي
1- شكد مهند دفع للحلاق لمن زين قبل المصارحة بيوم وهم اخذ خيط لو لا
2- نور جم مرة مبدلة سيم كارته وشنو السبب
(قانون حمدوشي الي هو اني للمصارحة).
أحبج = بوري x حاصل جدول المحاضرات
بوري
______________ + فشلة أمام الجمهور الكريم + راح يصعد سوكهة براسك =
حاصل المحاضرات
بوري X راح يصعد سوكه براسك = ( هم تتفشل وهم يكبر راسه لمتروس كمل )
حاصل جدول المحاضرات x فشلة أمام الجمهور = ( تتفشل ومالك خلك تدخل محاضرات وينكتل واهسك )
الاستنتاج
:. أذن هم تتفشل وهم يكبر راسه لمتروس كمل
_______________________________________ = أشتريلك كية وقبط بيه علاوي
تتفشل ومالك خلك تدخل محاضرات وينكتل الواهس
6- التدبر في معرفة أحوال بنات ألامة ..شلون تعرفهة زيرو لوماشية ؟: ترة الشغلة سهلة وميحتاجله روحة للكلجية الماشية مبينة من البنات التختلط بيهن على مبدأ ( شبيه الشيء منجذب اليه ) وكذلك الماشية مبينة من سوالفهة ونظراته واسلوبه وكلامه , الماشية من الزيرو تبين بالاختلاط وهاي تبقى حسب شطارتك : واياك ثم اياك يغرك اللبس لو لستايل هذا خطأ قاتل وفخ محكم يقع به الكثير . واذا تريد تعرفهة اكثر لازم تعرف امه وعماته لان البنية ع امه وعماته ( ولكل قاعدة شواذ طبعا ) وخليه ببالك مال بنية واصلة كلية ودكلك انت اول واحد بحياتي هااي سالفة جذب
شباب هذا مختصر مفيد للمستعجلين . ترقبوا ( كيف تصبح مرقمجي اكشر في غضون اسبوع , حصرياا للسبونج بوبية )
