العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|3

غزلان: لا مانظنش كون كانت جاسوسة بالعكس كانت غتعرفك شكون يعني موصينها ديجا و عاطيينها معلومات عليك

جوهر هزات جلايل فستانها و تمات غادية تخرج: مغيتهنااا باليي حتى تكوون قداامي..رهوووووج!

رهوج بان قدامها: آمريني أميرتي!

جوهر: زيد معايااا ورينييي غرفة الهبييلة د البااارح!

رهوج: أمرك أميرتي!

غزلان تبعاتهم: وا صبريي نمشي معاااك

بقاو غاديين فالممرات حتى دخلو لجناح المحظوظات هاد الأخيرات لي وقفو فبلاصتهم باستغراب و لي كانت تدير شي حاجة واش خلاتها و حركات راسها احتراما للأميرات لي جاو..سبق رهوج و تبعاتو بدون نقاش حتى وقفو قدام الغرفة...

رهوج: هادي هي غرفتها ا أميرتي

جوهر: واخا خلينا دابا

اختفى من مكانو و بدات تدق فالباب..دازو دقائق ولا رد و هوما يقربو منها شي بنات...

البنت: راه ا سموك من فاش رجعها البارح قرينك ماخرجات

البنت2: البنت غريبة بزاااف!...

غزلان شافت فيها: اش غنديرو دابا؟

جوهر قربات من الباب: غنحسب من واحد حتال ثلاثة الى ماتحلش هاد الباب غنحلو!

غزلان: اويلي اصاحبتي!

جوهر بجدية: وااحد!!...

فجأة تحل الباب و أسمهان كانت سادة عينيها: هاانيي

جوهر هزات حاجبها: مزيااان

جرات غزلان و دخلو سادين الباب موراهم...

جوهر شدات أسمهان من ذراعها: اجي لهناا كيفاش عرفتينيي غنتزووج؟؟

أسمهان سادة عينيها بإنزعاج: ماتشدينيش هاكاا (بغات تجر يدها ولكن كانت قبضة جوهر قوية) اف مهم غير شفت فعينيك و داكشي لي جا فبالي

غزلان: و مالك دابا ساداهم؟؟

أسمهان: باش مانشوفش فدوك الرموز باقي لي فعينين الناس

جوهر طلقات منها: متأكدة هادشي لي تتقوليه بصاح؟

أسمهان: اكييد هادشي لي كاين انا باقة جديدة على القصر و لي وقع البارح نسيت ماعتاذرت عليه مهم سمحي ليا...