العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|4

السفير اشار ليها: هنا فين خاصك تسني ا سموك

جوهر بقات ساهية شحال فالمكان الفارغ لي خاصها تسني فيه..تتفكر فمستقبلها و حياتها كيف غيوليو الى مشات حتى سنات غيوليو مربوطين بالحاكم و مغتبقاش ديال راسها كيف ما تعودات..حسات كأنه حريتها غتسلب منها باش تحط فسجن إسمو جزيرة لابرادوريت ولكن فنفس الوقت فكرات تاني انه الى مشات حتى ماسناتش و لغات كلشي سمعة عائلتها على المحك..قربات الستيلو من الورقة حتى سمعات...

السفير: قبل ماتسني نتي عارفة مزيان انه لقب الأميرة غيتسحب منك الى وليتي زوجة الحاكم؟

جوهر هزات فيه عينيها بصدمة: كيفاش؟!

السفير: اه..هادشي لي كاين

كوثر حطات يدها على ذراع جوهر: اكيد مغتبقاش اميرة حيت غتولي حاكمة!

السفير: للأسف هادشي غير مؤكد لأنه نظامنا مختلف تماما على نظامكم

شاه عقد حجبانو: و علاش؟؟

السفير: لانه الاميرة غريبة على الجزيرة كون كانت ساحرة من الجزيرة غيكون التتويج فوري ولكن لأنها برانية من ناحية الصنف و البلد خاصها ضروري تخضع لإختبارات تخليها تتبت راسها قدام شعبنا و بلي فعلا واش تستاهل تكون وحدة منا و حاكمة علينا

حدرات راسها حتى سنات على العقد و مدات ليه ملفو بغضب: ختابروني حتى تعيااو تنأكد لييك انه ماغااديش تهرسووني ولا حتى غتأثروو عليااا و نتاا اول وااحد نبغيي نشوفوو وااقف راااكع قداامي فاش نتتوج حاااكمة علييكم!!!

ناضت تتمشا بخطوات سريعة لجناحها مخلية صمت رهيب موراها و شي تيشوف فشي...

السفير بلع ريقو: ماتصورتهاش بهاد العدوانية كلها انا غير تندير فخدمتي ا جلالتك

كوثر تنهدات: ماعرفتيش نتا و الحاكم معامن ورطتو راسكم

شاه: تنظن الامور توضحات دابا و لي بغاه الحاكم درناه الباقي عليه دابا

السفير ناض محرك راسو و ساد عينيه بإحترام: كاع لي بغيتوه و تتمناوه غيوقع ا جلالتك كيف علمني الحاكم الى توقع العقد دابا وليتو من دمنا و حنا ولينا من دمكوم

كوثر شبكات اصابعها: و بخصوص العرس؟

السفير: حتافلو كيفما بغيتو فالمملكة ديالكم بدون حضور سيادة الحاكم بعد أسبوع من دابا غادي توصل الباخرة المجهزة توصل العروس لجزيرتنا و تما غيتمو مراسم الزواج بتقاليدنا حنا السحرة...