العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|5

أسمهان بصدمة: ك كيفاش؟؟؟ يع يعنيي ختاريتيني انا من بين وسط كااع دوك البنات؟؟؟

شيرزاد حط صبعو على نيفها بابتسامة: طبعا عقلي و تفكيري كان كولو معاك فهاد الفترة هادشي لي خلاني نبغيك بجنبي..قلبك الابيض الصافي و روحك الخالصة و عفويتك البريئة قدرات تفوق على كاع المدح لي سمعتو من بنات خرين لأنه هادشي مادايمش و انما جمال الروح هو لي دايم هادشي لي بغاتني الملكة نوصل ليه و وصلت ليه معاك...

أسمهان مسحات دموعها بفرحة: ماتصورش قداش فرحانة دابا

شيرزاد لمح خاتمها لي لمع فصبعها و شد يدها: شكل هاد الخاتم اول مرة نشوفو (تيحقق فيه) حجر الكوارتز الوردي هدا و تيبان قديم سنين ما تنقات الطاقة لي فيه

أسمهان بإهتمام: تنقا الطاقة لي فيه؟ انا متنفهم والو فهادشي (بدات تحييدو ولكن لصق) اوبس مابغاش يخرج هه

شيرزاد حط يدو عليه لثواني و هو يتصعق و هرب يدو بدهشة: هاد الخاتم ماشي عادي و من النوع لي تيستمد الطاقة من الحامل ديالو ولكن كيفاش هادشي و نتي قلتي بلي ماعندكش شعوذة؟

أسمهان هبطات حجبانها: راه متنفهم والو فهادشي تنحس بحال الى كذبت عليك و انا تنقول غير لي كاين هاد الخاتم عطاتو ليا ختي فالليلة لي غنجي للقصر و فالأصل هو ديال ماما

شيرزاد بإستغراب: هي هو خاتم العائلة؟

أسمهان بتسائل: خاتم العائلة؟

شيرزاد: كل عائلة تيكون عندها خاتم متوارث عبر الأجيال هو لي تيبيين استمرار السلالة و انه باقي عايشين حاملين دمائها و هاد الخاتم تيرمز للسلالة ديالك ولكن الغريب فالأمر انه فيه رموز ماشي بلغة المشعوذين و الطاقة لي تيستمدها منك شنو هي

أسمهان حدرات راسها و قالت بتوتر: مابغيتش نخبي عليك والو ولكن من نهار لبست هاد الخاتم و حطيت رجليا فالقصر تنشوف رموز غريبة فعينين الناس و فاش تنقراهم تيعطيوني شنو غيوقع ليهم بعد ساعات أو أيام

شيرزاد بدهشة: التنبؤ بالمستقبل؟ ولكن هاد القدرة مكايناش عند المشعوذين الا بالتضحية و الطقوس ماشي بهاد السهولة ابدا

أسمهان بإحراج: يعني ماتييقتينيش...

شيرزاد: لا لا تييقتك خاصنا نمشيو عند الملكة لأنها أدرى مناا فهادشي و نشوفو شنو غتقول لينا

أسمهان: واخاا

▪︎فالليل - قصر آزاد▪︎

كانت جوهر جالسة فجناحها قدام المرايا بفستان أبيض فخم تتقاد فلمساتها الأخيرة...