اما نوري لي خرج مخليهم على راحتهم ماباغيش يدخل نفسو كيف العادة فشؤون غيرو كان تيتمشا فالممر ساهي حتى وقفات عليه لويز بفستان بيج مزوق بالغوز جزئو العلوي محلول على شكل كورسيت مبيين صدرها و لتحت مطلوق و شعرها مصفف مرجعاه على جنب كأنها تتقول ركزو على صدري بمعنى جذب انتباه نوري اكثر!
لويز بابتسامة: كنت تنتسناك
نوري رد الابتسامة متجاهل صدرها الواضح: بغيتيني فشي حاجة؟
لويز: غير حسيت بالملل راك عارف نتا الوحيد لي قدرت نكوون معاه صداقة فالقصر داكشي علاش
نوري: اه متفهم وضعك
فنفس الوقت كانت جاية غزلان بفرحة كبيرة و أرواحها المرافقة ضايرين بيها تيتمشاو عند رجليها حتى وقفات بصدمة فاش شافت فنهاية الممر لويز كيف واقفة بشكل قريب من نوري..طلع قطها نونو راسو و فهمها طايرة: هو لي مسمياني يا البايرة على دلع سميتو!
غيزو بدات تتلعق فكفها: انا بعدا عجبني اسمي!
غزلان زييرات على يديها: غنمشيو!
نونو خنزر فيها: زيدي تحركي قدامي و انا نعرف دابا علاش راك بايرة!
غزلان: لفين؟؟
غيزو سبقات بخطوات: لعند زمانك مخلياه لديك المشعوذة المسمومة!
غزلان تحدرات لمستواهم فالطول بملامح قلقة: راني تنحشم و ابدا مغنتلاحش عليه واخا نعرف (شافت فعينين نونو) نبقا بايرة!
نونو حرك راسو بعجرفة: حتارمتك فهاد اللحظة واخا بايرة و لكن اهم حاجة ماشي مدلولة...
غزلان تيسالي معاها هاد المسخوط: ههه زعمة نتا جابتك نيت الوقت تفوج عليا
غيزو شافت أمامها: هاهوماك جايين!
حدرات لويز عينيها بإستغراب تتشوف فغزلان لي كانت منحنية فالأرض و معاها جوج قطط هالتهم غير عادية: وليتي مربية قطط؟
نونو هز فيها راسو: حنا ماشي قطط ا عود الند مضور بشعر الكبالة حنا أرواح مرافقة! مطلعة علينا صدرك تما شوية لي بقا ليه يتلاح!
لويز تصدمات من جرأتو و وقاحتو فكرها غير ف جوهر لي كون كانت مشة كانت غتكون هي نونو: قط وقح!!
نوري ضحك بشكل خفيف بجنبها لأنه بشكل غريب طلع تشبيهو فمحلو: كي جاتك مملكة المشعوذين ا نونو؟
نونو هز فيه راسو: تضحك؟ الضحك فيك نتا لي مخلي لينا هاد الباير...(هزاتو غزلان دغيا سدات ليه فمو)
أنت تقرأ
العُــــقَــــابُ الأســــطــــوري🌼🦅|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🌼🦅الــــعُــــقــــــــاب الأســــــطــــــوري🦅🌼 🗿🤴🏽أمــــيــــر فــــي عــــصــــرنــــا3🤴🏽🗿 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 __...
