العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|9

▪︎فالصباح - جناح جوهر▪︎

بدات تتحل عينيها بتعب و بشوية عليها ناضت تتحك فيهم حتى وقفات على رجليها..دازت من حدا المرايا الطويلة المعلقة فواحد الحيط غادية للحمام حتى تتوقف بدهشة فاش لمحات حاجة ذهبية دايزة..رجعات خطوات للوراء لقدام المرايا و هي تصدم انه ديك الحاجة هي هاد البيجامة لي كانت من ضمن الهدايا د آزاد لي مابغاتش تقيصهم حيت ماشي من ستايلها ابداا!..ضورات راسها فالجناح كان خااوي الا شاهين لي ناعس فالقفص ديالو...

جوهر حطات يدها على جنبها: رهوووج!!!

فجأة وقف قدامها: صباح الخير أميرتي الجميلة...

قاطعاتو: فسر لياا هادشي؟؟؟(تتوريه حالتها)

رهوج ضور عيونو لي لونهم مثل ديال الزواحف تيشوف فالسقف و التوتر باين عليه: احمم...

جوهر ربعات يديها و هزات حاجبها: رهوج تنتسنا ياك؟

رهوج: احممم الحاكم...

جوهر بصدمة: ك كيفاااش؟؟؟؟(عاد تفكرات) اويلييي كناا فقبييلة الماااء و الفووبييااا و الثعبااان!! (شدات راسها) من بعد بانو دوك العينين الذهبيين!! (تفكرات يدها) و يدي!! تداوات!!!

رهوج تنهد: فخامة الحاكم جابك من القبيلة لجناحك هو لي اهتم بيك و صدقيني أميرتي مغتييقينيش الى قلت ليك كان خايف عليك بزاااف و حنوون و ماستغلش ابداا غياب وعييك

جوهر شدات راسها: حتى من الملابس الداخليية لبسهم ليااا!! اففف منحرف!!

رهوج باستغراب: فالأخير راه راجلك هاداك ماشي انحراف هاداك...

جوهر احمرو خدودها بالخجل رغم غضبها و قالت بعدم رضى: و واخااا نييت و كوون فقدت عذرييتيي!! مزاال ماثايقة فيه لدرجة نسلمو راسي!!!

رهوج: الى المسألة فقط مسألة ثقة فتنظن بلي قريب تسلميه نفسك أميرتي لأنه انا ضامن ليك انه الحاكم مولووع بيك!

جوهر تنهدات و تقدمات بخطوات حتى دخلات للحمام: الهضرة ماعندي ماندير بيها باغية التطبيق! (سدات الباب)

رهوج هز حواجبو: ولكن راه بيين بالأفعال!...

بعدما خدات حمام دافئ تهدن بيه اعصابها خرجات لاوية عليها فوطة و توجهات للدريسينغ حتى لبسات فستان وردي و مجوهرات بنفس اللون..جلسات قدام الكوافوز تتقاد فالمايكاب ديالها و فنفس الوقت شعرها تيتقاد بالأدوات الخاصة بالتصفيف لي تطفو فالهواء بفعل منها فاش سالات جا دور آخر حاجة تديرها فروتينها الصباحي و هي تاخد حبة من دوائها..يالاه هزات كاس د الماء تعمرو حتى فجأة تتصدم انه الصنيديقة مكايناش!!..قلباات فوق الكوافوز مالقاتهاش المجوراا..الجناح كولوو ولا اثر حتى شافت فرهوج بوااحد النضرررة مثل الأسد الجائع!...