A Friendly Wish

TO MY BABY OLA

Aking tinatangi, Baby Ola

Isang dilag na sa akin, pati na rin sa karamihan, ay maganda

Nagtataglay ng pusong kay busilak

Masayang kausap at may masarap sa tenga na halakhak

Gusto kong magpasalamat

Una

dahil inalayan mo ako ng simpleng tula

Na nakapagpadama sakin na kay espesyal ko pala

Na nakapagpaalala na napakaswerte ko sa inyo

Na nakapagbigay ng munting kilig at matamis na ngiti sa mga labi ko

Pangalawa dahil nananatiling magkasangga pa din tayo

Na nandito ka pa din para sakin at ganun din ako sayo

Na nagtatagal pa din ang ating samahan

Na nangingibabaw pa din ang ating pagmamahalan

Na meron pa din akong ikaw

Pangatlo dahil nakilala kita

Natagpuan ang isang diwata

Malaanghel ngunit may kamalditahan ding taglay

Nakapalagayan ng loob at naging parte ng aking buhay

"Mahal kita" bulong man o sigaw

Una, pangalawa, pangatlo

Isa, dalawa, tatlo

Tanda ko ang estilo mong ganito

Ang pauna mo sa mga tula mo

Mga tulang laging nakakapukaw ng damdamin ng tagabasa o tagapakinig mo

Syempre isa ako sa mga umiidolo sayo

Tula

Sa tulang to

Sa pagbibilang ko

Hindi ko itutumbas sa bilang ng mga panahon na ikaw ang Baby Ola ng buhay ko

Tula

Sa tulang to

Sa pagsagot sa tulang alay mo

Gusto ko lang sabihin na

Salamat at Mahal na mahal kita

Aking tinatangi, Baby Ola