وحلة معاهاا ماقاسهاش حيت مابغاش يستغلها و هي ماشي فوعيها صدق رافضها و كون قاسها فاش ترجع وعيها غيكون هو الملام ماشي هي لي بغات!...
آزاد تنهد بقلة حيلة: مستحيل نرفضك ابدا..غير هو نتي ماشي فوعيك دابا
قرب منها تيقاد فخصلات شعرها الأمامية: خاصك تاكلي شي حاجة مافطرتيش و دابا وقت الغداء
جوهر ربعات يديها بالنفخة: مابغيت والو!!
آزاد: من هاد الناحية مغنديرش فيك عقلي..(وقف) غنمشي نعلمهم يسيفطو الغداء لهنا
يالاه عطاها بالضهر يمشي و هي تنوض شداتو فذراعو بلهفة مخلطة بالخوف: لا ماتمشيش!! ماتخلينيشش بووحديي (عنقاتو) بقا معايا!
آزاد بتاسم فوجهها و هو تيقيس فشعرها: واخا اجي معايا نعلمهم
حركات ليه راسها بالموافقة و مشات معاه..خرجو من الجناح حتال فين تتكون رئيسة الخدم إقبال لي كانو معاها خادمات خرين تتوزع عليهم مهام ترتيب جنااح من أجنحة القصر حتى وقفو عليها كل من آزاد و جوهر لي كانت متشبتة بيه و تضور عينيها فالمكان بشك..حدرو الخادمات ريوسهم كتحية و بداو يسترقو النظر و هوما تيتبسمو من التحت فوجوه بعضياتهم و يرمقو بعضهم بديك النضرة ديال "همممم عصافير الحب"...
إقبال ضامة يديها و مهبطة عينيها للأرض: آمروني ا مولاي..سيدتي
آزاد: قولي لخدم المطبخ يحطو غدائي فجناح السيدة جوهر
إقبال حركات راسها بالموافقة: أمرك مولاي
حط يدو على ضهر جوهر مكييدها لطريق منين جاو و هي معنقة ذراعو بحال كيف كانت موالفة مع شاهين فاش كانت طفلة..رجعو للجناح و جلسها فوق فوتوي و جلس حداها...
آزاد: صافي دابا مزيان؟
جوهر حركات راسها: أه..تنكره الوحدة
آزاد حط يدو على حنكها و دوز صبعو عليه بطريقة حنينة خلاتها تسد عينيها براحة: مغتبقايش تحسي بيها دابا..انا نصفك الثاني و كاع الفراغ لي كان عندك غنعوضو ليك
حلات عينيها لي رجعو تاني تيلمعو بالذهبي فاش تحركو مشاعرها تاني من جيهتو: تتخليني نحس بشي حوايج مابغيتش نحس بيهم!..مابغيتش نحس أساسا!!
آزاد: هي نبقا انا بلاش؟
جوهر بتسائل: كيفاش زعمة؟
آزاد تيدوز على شعرها: أحاسيسي قوية من جيهتك..و الى قمعتي ديالك شكون لي غيبادلني أحاسيسي؟ حتى واحد طبعا من غيرك!
أنت تقرأ
العُــــقَــــابُ الأســــطــــوري🌼🦅|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🌼🦅الــــعُــــقــــــــاب الأســــــطــــــوري🦅🌼 🗿🤴🏽أمــــيــــر فــــي عــــصــــرنــــا3🤴🏽🗿 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 __...
