LOVE MYSELF ❤️

20 9 3

by lezy_koo__

by lezy_koo__

නත්තල් මාසෙ සෝල් නුවර හිම වැටෙන්න පටන් අරන්. මුළු පරිසරයම සුදු පාට පුළුන් වගේ හිම වලින් වැහෙන්න පටන් අරන්. හරිම සුන්දරයි වගේම හරිම සීතලයි.

මේ පරිසරයේ සුන්දරත්වය විඳින්න මට නිදහස් මනසක් තිබුනේ නැහැ.

හිම වැටුනු පාර දිගේ මම ඇවිදගෙන ගියේ පරණ මතක මනස පුරා රූප මවන කොට.

ගිය අවුරුද්දේ නම් මම මේ වෙනකොට ගොඩක් සතුටින් හිටියා. මොකද ඔහුත් මගෙත් එක්ක හිටපු නිසා.

ඒත් දැනට මාස 3 කට කලින් ඔහු මාව දාලා යන්න ගියා. මාව ප්‍රතික්ෂේප කළා. අදටත් මම දන්නේ නැහැ ඒකට හේතුව.

ඔහුගේ ප්‍රතික්ෂේප වීම හමුවේ මම මනසින් ගොඩක් දුර්වල වුනා. මට මැරෙන්න පවා හිතුනා. මම ගොඩක් ඇඩුවා.මගේ දුක ඉවර වෙයි කියලා හිතන් මම ඇඩුවා. ඒත් මට ඔහුව අමතක කරන්නවත් මගේ හිත හදාගන්නවත් බැරි වුණා.

ඔහු මාව අතහැරලා ගියේ මගේම වැරැද්දක් නිසා කියලා හිතපු මම මටම වෛර කළා.

කාලය ගෙවිල ගියා. මම මගේ ගැන හිතන එක නතර කරලා දැම්මා. මම එන්න එන්නම කයෙන් වගේම මනසින් දුර්වල වුනා.

ඒත් දවසක් හැමදේම වෙනස් වුණා.
සුන්දර පද පෙළකට පුළුවන් වුණා මගේ දුක නිවන පිනි වැස්සක් වෙන්න.

ඔබ මට පෙන්වූවා,
මට හේතු තියෙනවා
මම මටම ආදරය කළ යුතුයි ❤️
මට මගේ සුසුමන් දෙන්න

ඊයෙ මම,අද මම, හෙට මම
මම මටම ආදරය කරන්නේ
කෙසේ දැයි ඉගෙන ගන්නවා 🤍

සියල්ලේම,සෑම අවසානයක් මං
ඒ මමයි❤️🌸

[BTS - ANSWER 🌼]

ඔව් මේ වචන ටිකට පුළුවන් වුණා මට නැති වුණු මාව ආයෙමත් මට ගෙනත් දෙන්න.

මම කල්පනා කළා. ගොඩක් කල්පනා කළා. රෑ එලි වෙනකල් කල්පනා කළා.

මට තේරුණා.මම තවත් කෙනෙකුට ආදරය කරන්න කලින් මටම ආදරය කරන්න ඕන කියලා.
මම මටම ආදරය නොකර ඔහුට අවසර දුන්නා මට ආදරය කරන්න.
මම ඔහුට බාර කළා මගේ සතුටේ අයිතිය.ඔහු මා ළග රැදිලා ඉන්න කල් මගේ සතුට මට දැනුනා. ඔහු ගියාම මම දුකට පත් වුණා. මොකද මම මටම ආදරය නොකරපු නිසා.

හැමදේම අමතක කරලා මම මටම ආදරය කරන්න පටන් ගත්තා. කාලයත් සමඟ හැමදේම ආයෙමත් යථාතත්වයට පත් වුණා.

දැන් මොන දේ සිද්ධ වුනත් කවුරු මගේ ජීවිතයට ආවත් ගියත් මම සතුටින්.
මොකද මම මටම ආදරය කරනවා ❤️

ඒත් ආයෙමත් පරණ මතක නිසා මනස කලබල වෙලා වගේ තිබුණු නිසා මම අසල වූ බංකුවක වාඩි වෙලා එදා මට මටම ආදරය කරන්න කියලා දීපු ඒ වචන ටික ඇහුවේ ඇස් දෙකත් පියාගෙන ඒ හැගීම උපරිමේටම විදිමින්.

LOVE MYSELF ❤️🌸

______________________________________

RM කිව්වා වගේ ම තව කෙනෙකුට ආදරය කරන්න කලින් අපි අපිටම ආදරය කරමු.

LOVE YOURSELF ❤️🌸

THARA 🥀

BORAHAE 💜