دكتور أمراض نسا

الفصل الأول

#لـِ مريم نصر"ظلال خفية"

#دكتور أمراض نسا.

#الفصل الأول.

مبدأيًا عارفة ان كان المفروض اني ابدأ في النوفيلا دي بعد امتحاناتي بس بجد كنت مشغولة جدا جدا في نوفيلا هكر اللي نزلت على برنامج كوكب، بس اديني اهو بدأت فيها حرفيًا متحمسه اعرف رأيكم فيها يلا نبدأ النوفيلا.

كان يستلقي بإرهاق على الأريكة التي توجد في مكتبة في أحد المستشفيات الحكومية، وأخيرا قد سنحت له الفرصة للراحه بعد قيامه بخمس عمليات متتالية فهو الان لا يشعر بقدمه ولا بيده ويشعر بأن رأسه ثقيلة، وعندما بدأت عيناه تستريح قليلًا وبدأ ذهنه يذهب إلى عالم الأحلام دلفت عليه أحد الممرضات والتي تدعى "نسرين". 

نسرين بصوت مرتفع :

"الحق يااا دكتور وور." 

أركان بفزع بعد أن قفز من على الأريكة :

"في ايييه؟ ايه اللي حصل؟" 

نسرين وهي تشير إلى الخارج :

"حالة ولادة طارئة." 

أركان وهو يمسح على وجهه بإرهاق :

"إيه هي الناس كلها بقت تولد النهاردة؟ عايز انام يا بشر. "

نسرين ببعض الشفقة :

"معلش يا دكتور، ربنا معاك. "

وعندما جاء ليخرج من باب المكتب وقفت نسرين امامه قبل أن تخطو قدماه خارج الغرفة. 

أركان وهو يضم حاجبيه بإستغراب :

"في ايه يا نسرين؟ مش بتقولي في حاجه طارئه، وسعي بقى من قدامي علشان اشوف شغلي. "

نسرين وهي تبتلع ريقها بتوتر :

"اصل، اصل يا دكتور. "

أركان ومازال على حاله :

"في ايه يا نسرين؟" 

نسرين وهي تفرك يدها بتوتر :

"حاسب لتاكل دراعك ولا رجلك ولا اي حاجه." 

أركان وهو يبعدها عن طريقه :

" انتي اتهبلتي يا بنتي ولا ايه؟ هو انا رايح اولد زومبي؟! ده انتي غريبه جدًا."