احبك كحب الرسول لعائشه ♥️ ✨ (11)
بقلم يسرا محي الدين يونس 💙 🖇️..
جرعتنا من القران(قد أفلح المؤمنون💟الذين هم في صلاتهم خاشعون💟والذين هم عن اللغو معرضون💟والذين هم للزكاه فاعلون💟والذين هم لفروجهم حافظون💟الا على ازواجهم او ماملكت ايمانهم فإنهم غير ملومين💟).
حسام : الله يثبتك ياخ🤣.
انا : اللهم امين اها حنفل علي وين..
حسام : لو سالتيني بقول ليك عديل بره البلد دي شاميها جد والله..
انا :م اكتر مني ارح فللها طوالي🤣👋.
حسام : ع اسيا ولا اروبا..
انا : هو دا صاروخ ولا عربيه 😂💔.
المهم مشينا مطعم جامد كدا من جينا خاشين العيون كلها علينا قايلننا كابلز طبعا لانه حسام طويل ماشاءالله..
حسام : بسم الله يخوانا بتسحرونا..
انا : قوم امش اطلب انت انا فترانه..
حسام : ع اساس انا العازمك وكدا يعني..
المهم بعد شكله مني ومنو مشا طلب وطقينا زين بعديها في نص الكلام قلته ليهو انت ياحسام عاوز تبقا شنو ؟! خططك للمستقبل شنو؟!
حسام : سكت ساااي بعديها قال لي ماتسأليني عليك الله ماعندي اي خطط..
انا : انا عارفه راسك فاضي لكن م قايله للدرجه دي..
حسام : اسي بس اعرفي انه للدرجه دي..
انا : حسام بطل بياخه نفسك تبقا شنو؟! في طفل صغير جنبنا مع امه اشرته ليهو عليه وقلته ليه دا لو سألتو حيوريني عاوز يبقا شنو؟!
حسام :اقول ليك شنو وخططي دمروها لي ناس بيتنا كلها..💔قالها بصوت ضعيف وحزين..
انا : كيف يعني مافهمت..
حسام : انتي اصلا م بتفهمي ولا ح تفهمي فخليني عليك الله م بحب افتح الموضوع دا..
انا : حساااااااام😤.
حسام : اي لمي فينا الناس انا بقول ليهم مجنونه بس😂.
انا : حتحكي ولا كيف؟! وكنت جاده جدا..
حسام : شال ليو نفس طويل بعديها قال لي امي يايسرا امي بتتحكم لزول في حلمه وفي حياته عموما هم عاوزين يمشوني ع مزاجهم ونا م بحب كدا..
انا : طيب مبدئيا كدا انا الشي العارفاهو انه امك همها كله مصلحتك؟!
حسام : مصلحتي ولا بوبار!!؟؟؟؟ اي زول ادري بمصلحتو يايسرا بعدين انا شايف روحي بقيت كبير يعني مفروض انا الاقرر في حياتي اعمل شنو ومفروض اختار شنو؟!
انا : حسام انا اجيب لي كماشه اطلع بيها القصه من خشمك🥲لاحظ انك لاسي م وريتني الحاصل شنو!!؟
حسام : عايني انا اصلا م عاوز امشي علمي ولا رغبتي بس لمن جو وزعونا نسبتي كانت بتوديني علمي لكن انا رفضت وشلتا شنتطي ومشيت ع فصل ادبي لانو عندي فهم في راسي وعارف نفسي عاوز ابقا شنو..
انا : اها وبعدين
حسام : بعدين المشرف حقنا اتصل ع امي وكلمها وسلفا امي هي عاوزاني امشي علمي قال عشان ابقا ليها دكتور ههه😪.. د كله من احمد العارض دا امي بتقارنو بينا في اي شي دايما بتقول لينا اقرو يا اولادي وابقو دكاتره زي ود ريا ماشاء الله، ياخي ملاذ قرت طب خلاص كفايه، حلو عن سماي انا لا عاوز ابقا ذي احمد لا شتين ايوا هو ملاك وعندو جنحين ونا كائن سافل وعاوز اقعد سافل كدا رايكم شنو؟!..
انا : راي اني اكفتك د شنو اسلوبك الزفت دا؟!..
حسام : د انا عامل كدا الله خلقني كدا انتو اتصرفو بعد دا..
انا : حسام الله يهديك😂لازم تضحكني طبعا في عز الشكله، كدا عليك الله من الاخر انت عاوز تقرا شنو كان لمن مشيت ادبي..
حسام : ترجمه لغات..
انا : اممممم حلو..
حسام : حلو شنو وخلاص حلمي راح..
انا : راح كيفن ع فكره يعني عادي الترجمه دي بتتجازف بعدين ممكن تقرا ليك كورس او كدا..قام قاطعني
حسام : ولي الكلام دا كله اقرا كورس وبتاع لي اسي الفرصه في يدي؟!! بعدين عاوزك تعرفي حاجه معليش يعني يادكتوره بس انا ماعاوز ابقا دكتور نهاي عديل كدا شوفتي انا اي حاجه بغصبوني عليها بتطلع من نفسي..
انا : اتفق معاك والله..
حسام : يلا بس كويس انه اخيرا في زول وصل معاي لنقطه وفاق، امي دي بس قالت لو ما مشيت علمي هي ماراضيه عني اها انا اعمل شنو في الحظه دي اكسر رضاها بس وريني اكسرو؟!
انا : لا طبعا بس اتكلم معاها بهداوه بتفهمك ووصل ليها انت عاوز شنو..
حسام : ونا ح أيئس بدون محاوله مثلا..
انا : خير يازول حتتسهل والامور بتتصلح والدايرو كله ح يتجلى ليك بس انت قول يارب وبطل قله ادب..
حسام : عان منو بنصح🤣👋.
انا : ورح ياباشا الزمن اتأخر َوقمته، قلته ليه بس انت خليك متأكد انه ربنا ممكن يصلح ليك مشكلتك دي هو في يدو يعمل اي شي قرب منه بس وحتشوف المعجزات في حياتك..
حسام : طيب بحاول مع اني كم مره قلت اتصالح مع العلمي وعشان خاطر امي لانها بجد م بتقصر مني لكن لقيت نفسي م قادر اقرا نهاي ماقادر نفسياتي قافله من القرايه كله كله..
انا : بتتسهل ياصحبي ماتشيل هم.. وطلعنا
حسام : واحنا راجعين قال لي سبحان الله مرات الواحد بحس بيك واعيه كدا..
انا : اصلا واعيه ياوسخ😂💦.
حسام : لا م قادر اقتنع..
انا : تلفوني اصدر صوت معلنا وصول رساله فتحتها لقيت مكتوب فيها"هوي ها الصلاه💟"قمت ابتسمت وفعلا كان المغرب خشه خلاص..
حسام : و ماتبسطينا معاك؟!
انا : ابيت🌚💦
حسام : اصلا انتي دي انا شاكي فيك ولمن نزنقك تقعدي تعملي لينا فيها سنجله بائسه..
انا : ويعني ضروري يكون في حبيب في الحياه عشان الواحد يبتسم..
حسام : اي تقريبا، اسي انا لو ماعيون لنا دي م ظنيت كان شوفتو سنوني اصلا.. (لنا دي كراشتو طبعا).
انا : استغفر الله بس🤣🤣🤣🤣💔.
رجعنا مشيت صليت وقعدتا شويه كدا اتصلت ع أحمد لقيت الخط مشغول قعدته شويتين كدا قام رجع لي..
احمد : دا يوم الهنا،يوم يسرا تتصل لي دا..
انا : قمته ضحكت قلته ليه مايكون شغلتك لاني ح اجر معاك..
احمد : لا فاضي م وراي شي..
انا : قمت حكيت ليهو قصه حسام الحزينه لكن حزفت مقطع انه امهم بتقارنهم ب احمد وقله ادب حسام ديك كلها حزفتها..
احمد : والله ماكنت عارف انه هو مارغبتو علمي والكلام دا خلاص انا ح اتكلم مع امي حنان وبكرا ح امش معاو المدرسه اوديه للفصل الهو حابي ينتمي ليه..
انا : الفرحه الخشت فيني اكبر من الحتخش في حسام وتبسطه شديد قلته لي ان شاء الله خالتو حنان تقتنع والامور تمش..
احمد : لا امي حنان دي خلوها علي انا بعرف اقنعا بعداك قال لي خلاص م اطول عليك وبجد يعني خدمتينا شكرا ليك، انا مافضل لي الا اجيب وداعيه تشرح لينا حسام مالو؟؟؟لانه م بتفاهم مع اي زول..
انا : وداعيه دي قويه🤣🤣💔.
احمد : والله بجد حيرنا معاو، وانتي م عارف اجازيك بشنو؟!..
انا : أحمد د شنو محسسني اني محرره فلسطين؟! بعدين حسام دا صحبي واخوي وزولي شديد مستحيل م اسعي لمصلحتو ونجاحو نجاحنا كلنا والله..
احمد : م عارف اقول ليك شنو المهم شكرا ليك..
انا : welcome..
احمد : اها صلواتك في زمنها ولا لسه بتقطعي..
انا : هو انت بتخليني الحق اقطع..
احمد : اها وزعلانه ولاشنو؟!😂
انا :اكيد طبعا لا..بس م فاهمه انت كيف مع زحمه يومك دي بترسل تزكرني.
احمد : لمن اقوم ماشي اصلى برسل ليك معاي وبس يعني،مع اني شاكي في انك قاعده تصلي حاضر مع الرساله..
انا : م كل مره والله مرات م بشوفها زي اسي امبارح جمعت الضهر والعصر سوا😞💔.
احمد : انتي بس خلي نيتك صافيه وربنا حيساعدك..
انا : تمام ان شاء الله ويلا م اطول عليك مع السلامه..
احمد : طيب انا كمان خاشي لي عمليه يلا في رعايه الله.
انا : ربنا يسهل عليك..
بعديها قمت زاكرت شويه وجهزت لبستي لبكره لمن جيت اوصل تلفوني في الشاحن لقيت مسج مكتوب فيها"الصلاه يابت الناس💛" طبعا ماصليت العشاء مع اني كنت ماشه انوم اتضايقت من نفسي قلت لي انا بعمل كدا يعني لو مارسالتو دي كان نمت وماصليت معناها انا نيتي م صافيه زي ماقال احمد😭لي انا م بصلي حبا في الصلاه وبصليها ك انها فرض وبس💔قمته مشيت اتوضيت وصليت وبعديها قريت سوره البقره تاني بنيه الهدايه فحسيت نفسي خفيفه شويه عملت منبه ورقدت نمت مع انتي كنت مضايقه بس بعد صليت وقريت ارتحته..
سبحان الله وبحمده سبحان الله العظيم♥️🌸
ما تنسو تعملو فوت في امان الله ♥️
