احبك كحب الرسول لعائشه ♥️ ✨ (12)
بقلم يسرا محي الدين يونس 💙 🖇️..
حسناتنا ياجميلين(تبارك الذي بيده الملك وهو على كل شيء قدير🖤الذي خلق الموت والحياه ليبلوكم ايكم احسن عملا وهو العزيز الغفور🖤الذي خلق سبع سماوات طباقا ماترى من خلق الرحمن من تفاوت فارجع البصر هل تري من فطور🖤).
عملت منبه عشان اقوم مع الاذان والحمدلله م فشلت وقمته وصليت حاضر م فتحت تلفوني عشان اشوف رساله احمد لانه هو حرفيا م كان بفوت اي صلاه بخجلني من نفسي عديل كدا الكائن دا، بس انا بقيت بتحاور مع نفسي كتير في انه انا ربنا مقصر مني في شنو؟! ونا بقصر في حقو كدا؟! ربنا م حارمني من حاجه وبمن علي بنعمه كلها الحمدلله بس انا بقصر وبنسا وبكلفت وبعصي💔💔💔،طبعا انا وملاذ كنا شايفين احمد دا متخلف ومتعصب بس كلامه كله صح عموما اي زول بتبع كلام ربنا وبتقي الشبهات احنا بنشوفو متشدد مع انه دا دينا بقول كدا مفروض نعمل كدا ونبطل الفارغه القايمين بيها كلنا مع بعض دي لدرجه انه المواضيع بقت عاديه عشان اي زول بقول انه الناس كلها بتعمل كدا ما وقفت علي!!!وبننسا آيه عظيمه جدا ربنا قال فيها(وكلهم آتيه يوم القيامه فردا)..قمت استغفرت ولبست لبسه واسعه شويه للاسف دولابي مافيهو ملابس ساتره شديد اتخيلو معاي دولابي كله مافيهو ملابس ساتره زي الناس😭💔🙂لبست لي بنطلون واسع وكوزته الطرحه فشلت في التكويزه ما عرفته ليها لكن قلت ح اتعود عليها ان شاء الله المهم اغطي شعري الفرحانه بي دا زي ماقال احمد😩😂💔نزلت لقيت ليك همر سودا مقفله واقفه في الشارع قلته ياربي بسام دا مالو اليله اتأخر اسي كنته مفتكره صوت العربيه دا تابع ليهو شلته تلفوني اتصل ليه بس العربيه جات علي..
بسام : والله عرفتك ماحتعرفيني.. 😂.
انا : بسااااام😳دي عربيه منو وسرقتها من وين؟!!!..
بسام : اركبي ورح يابت ماتضيعي لي الزمن بحكي ليك في الشارع،طبعا انا وبسام اتصاحبنا شديد يلا انا شخصيهGregariousوبصاحب اي زول سريع وماعارفه اوقف الشي دا كيف 🌞🤝🏻المهم بسام قال لي اسي شكلي دا شكل حرامي ياكسلانه انتي😂💦.
انا : ياود انا قايمه اول زول في الدنيا تقول لي كسلانه ماتخليني اقوم اثبت ليك اني كسلانه بجد..
بسام : لا والله ماشاءالله بشغلها ليك ساي انا..
انا : م تهرب جايب الشي دي من وين انا لمن حاسه ب الفخامه ونا جواها كدا..
بسام : جاتو مكالمه رد وبقا يقول ياعماد عليك الله ماتقعد تتعاور لي بس بقضي بيها مشاويري البصباح دي وبرجعها ليك المهم جاط شويه كدا وقفل الخط..
انا : والله عرفتك قال سارقها ولا هارب بيها المهم ماحقتك🤣💔.
بسام : والله عربيتي امس سحروها ولا شنو مابعرف الصباح حلفت لو تدور م عرفت المشكله شنو؟! ف اتطريت اشد من اخوي عماد البرجوازي عربيتو وياهو اسي بتطارد فيني ب المكالمات..
انا : دقيقه اول شي عربيتك ديك يسحرو فيها شنو عليك الله🤣🤣💔.
بسام : يازوله مابرضا فيها اسي برميك في نص الزلط دا وبعدين لو ماعربيتي دي هي الجات انقزتك سمعت انك كنتي بتمشي برجلينك..
انا : سمح كدا اسي خلينا نعيش جو البرجوازين دا بلله افتح لينا غنيه زابطه كدا..
بسام : فتح البيز بصوت عالي شغل لينا زنق سوداني هجهجنا هجهيج قال لي انا يوم مالقيت لي زول مجنون زيك كدا..
انا : جاتني فكره في راسي زابطه بليز ماتكسفني..
بسام : خفض الصوت وقال لي هي شنو هي؟!!
انا : اليله عشان نقشر ب الهمر دي حتوديني لحد جوا الجامعه وتاخد فحطه زابطه كدا بعديها تفتح لي الباب زي الاميرات كدا ونا انزل..
بسام : معاك كويس لحد الفحطه لكن افتح ليك الباب زي الاميرات لي؟! دافعه لي كم انتي🤣👋.
انا : عليك الله خليني اعيش الدور ياخ، ماخسران حاجه وان شاء الله في ميزان حسناتك..
بسام : ع اساس حتجيني حسنات من وراهو🤣💔.
وكان قربنا من الجامعه المهم جينا خاشين مفحطين لفه بي حول الكليه كلها لمن الغبار قام بعديها وقف عند الباب والناس كلها اتلمت دايره تشوف في منو جوا قعدته احنس في بسام ربع ساعه عشان ينزل يفتح لي الباب قال لي بزيد قروشي من مصروفك م شغلتي ولبس الفريم وكفكف يدين القميص ونزل بعديها جا فتح لي الباب طبعا الناس كلها مقهيه فيهو هو الصراحه قرضه واجاد ليك الدور بصوره رهيبه.. جا فتح لي الباب قال لي يلا انزلي..
انا : نزلت ليك زي الحاجه السمحه كدا الماف منها اتنين.. وشايفه الصدمه في عيون الناس بزات ناس رنا لكن اتجاوزتهم..
بسام : اها بعدا اشيلك والف بيك مش؟!!!
انا : لا دورك انتها خلاص😂💔.
بسام : ماشايفك بتضاحكي زي العويره بعدين م بتعرفي تمثلي نهاي د شنو واضح في وشك مخلوعه..
المهم رجع ركب العربيه ودورها ومشا ونا حاسه اصحابي ديل ح يهجمو علي من نظراتهم اي واحد في راسو ميه استفهام ونا الضحك شارطني..
حسن : مايكون دا الاصلي المابصدي..
عبدالله : دا السواق الجديد لكن عربيتو واقفه والله..
انا : واي ياعبدوش عرفت كيف شت ياخ..
عبدالله : قاعد اشوفو طوالي لمن يجيبك ويرجعك يحليل عمو إمام في زمنو كنتي محترمه خالص وماف اي قله ادب زي دي..
مازن : بلله دا سواقك يازفته🤣لكن show زي الshow اقسم بالله..حنكتيهو بشنو بلله يعمل ليك الحركه دي؟!
انا : اسكت عليك الله انا الزمن الكنت فيهو جوا دا كله بحنس فيه عشان يفتح لي الباب😭😂💔..
حسن : اسي في داعي، طلع خلف الكواليس في مرمطه حاصله.. 🤣💔.
انا : والعربيه اصلا ماحقتو مستلفه من اخو واخو من قبيل بتطارد فينا بتلفونات🤣🤣لمن قلت كدا كلهم قعدو يضحكو ورنا ورنيم قالو لي بجد كسرنا الولد ولمن نزلتي انتي قلنا خلاص د الاصلي المابصدي لكن سواقك أجاد الدور شديد🤣🤝🏻المهم اليوم ديك كنت حدث الجامعه اي زول بوقفني بسألني وعبدوش بوري اي زول الحقيقه اقسم بالله سغيل سغاله الولد دا😭😭😂💦،نهايه اليوم لمن جا يرجعني جا بعربيتو البائسه ديك قلته ليه لا انا واقفه هنا راجيه الهمر مارجياك انت..
بسام : لو الا راجيه الهمر حتبيتي في مكانك دا🤣💔عماد قال لي تاني م اهبشا زاتو واساسا مليتها لي غبار كله بسببك..
انا :قمت ركبت وحكيت ليه اني كنت حدث الجامعه اليله😂💔لانك ماشاء الله خطير يعني ماخزلتني ابدا..
بسام : هو طبعا الدور دا مفروض امثله مع خطيبتي لكن جات معاك انتي للاسف..
انا : خطيبتك منو؟!..
بسام : يسرا..
انا : كيف يعني مافهمتك؟!
بسام : خطيبتي اسمها يسرا شنو المافاهماو اهلها سموها كدا اسمك دا كمان اسم بتلصقو في😂💦
انا : ماكده بس عشان يوم ماحكيت لي عنها😂+اسم يسرا دا احلي اسم انت عوير ولا شنو؟!
بسام : اي احلي اسم ما اختلفنا لكن سبحان الله البت مابتشبهك نهاي رايقه شديد وزوله كيوته كدا ربنا يحفظها لي بس😭❤️.
انا : ماتقارني بزول والا ح ارميك في الزلط دا..
بسام : دا الفضل والله انك ترميني خلاص بقيتي تستعملي تهديداتي..
انا : اي ربنا يحفظها ليك❤️لكن انا ماكيوته كيف يعني مافهمت؟!..
بسام : عليك الله اسكتي انا لمن بتكلم معاك مرات بحس نفسي بتكلم مع صحبي..🤣🔥.
انا : حتمش النار والله..
بسام : م بمش النار دي الحقيقه..😂💔
انا : اها خلاص كدا بعيد من عباطك دي اديني اشوفها..
بسام : طبعا قبل شويه قلتي لي، لي ماكلمتني عنها وكدا؟! صراحه انا يايسرا بحبذ الكتمان في الحاجات البحبها عشان تتم❤️.. اي حاجه بتتكلم بيها للناس بتبوظ قال كدا ومد لي التلفون عشان اشوف صورتها..
انا : طيب ماتشوفني ليها مادام عندك المعتقد دا..
بسام : لا انتي عادي اشوفك ليها لانك صحبتي وكدا لكن اصحابي م قاعد اخليهم يشوفو ولا سبيبه منها..
انا : لمن مسكته التلفون وعاينت للبت لمن اتخلعته من السماحه البت سمحه ماشاءالله تقول واقعه من الجنه وباين عليها الكياته في وشها..قلته لي بري مايشوفوها نهاي يشوفوها لشنو؟!وبعدين انا ماكيوته خالص بعترف وماف زول يغالطك..
بسام : قعد يضحك فيني قال لي شوفتي كيف..🤣♥️.
استغفرالله العظيم وأتوب إليه.. ♥️🌸
