An Accident in Broad Daylight || ဘာသာပြန်《Completed》

Chapter 64

ရိကျယ်အကြောင်းအရင်းမရှိ ပျောက်သွားပြီးနောက် ရက်အနည်းငယ်ကြာသည်အထိ ရှန်ကောသည်သူ့အားဒေါသထွက်နေခဲ့လေသည်။သို့သော်လည်းရိကျယ်သည် ဤအပြုအမူကို ကျင့်သားရနေပြီဖြစ်လေသည်။ရှန်ကောကို ထပ်၍စိတ်ဆိုးအောင်မလုပ်မိစေရန်သတိထားနေသည်မှလွဲ၍ သူ့နေရာတွင်ဆက်နေကာ၊သူလိုအပ်သည့် အချက်အလက်များကိုတိုင်းတာရန်နှင့်သူလုပ်ဆောင်ရမည့် လက်တွေ့စမ်းသပ်မှုများကို လုပ်ဆောင်ရန်ဟူသည့် သူ၏ပုံမှန်လုပ်ရိုးလုပ်စဉ်အတိုင်းသာလုပ်ဆောင်နေကာ သူ့တ-ရှုစ်ရှန်း၏စိတ်ဆိုးနေသောမျက်နှာကြောင့် အနည်းငယ်လေးပင်သက်ရောက်မှုမရှိခဲ့ပေ။

တစ်ဖက်တွင်ရွှိရန်သည် သနားစရာပင်။သူသည် ဆက်သားအဖြစ် နှစ်ယောက်ကြားတွင်ပိတ်မိနေရုံသာမက သူတို့အားတစ်ယောက်ပြီးတစ်ယောက်အကြိုက်ဆောင်နေရကာ လုံးဝကိုပျောက်သွားအောင်ပြုလုပ်ပေးနေရ၏။

"ဒါကဘာလဲ?" 

ရိကျယ်ကရွှိရန်စားပွဲပေါ်တင်လာသော စာအိတ်နဲ့ စာရွက်များကိုကောက်ကိုင်လိုက်ပြီး မေးလာ၏။

"မိသားစုစာတွေ"

ရွှိရန်ကပြောလာ၏။

"ရှန်ကောယူလာတာ ငါတို့စာတစ်စောင်စီရေးပြီးရင် ဒီကနေပို့လိုက်မှာ"

မိသားစုစာ?

ရိကျယ်က၎င်းသည်ထူးဆန်းသည်ဟု တွေးလိုက်မိလေသည်။သူသည်ထိုကဲ့သို့အရာမျိုးကို တစ်ခါမှမရေးခဲ့ဖူးပေ။

"မြန်မြန်လာရေး ငါတို့ဒီနှစ်ရက်အတွင်းရေးပြီးသူ့ဆီလာပေးသင့်တယ်လို့ရှန်ကောကပြောတယ်"

ရိကျယ်ကစာအိတ်ကိုတစ်ဖက်သို့လှန်ကြည့်လိုက်ပြီးနောက် နောက်တစ်ခေါက်ထပ်လှန်လိုက်၏။သူကရွှိရန်ကိုမေးလာလေသည်။

"ငါတို့ဘာလို့ဒါကိုရေးဖို့လိုတာလဲ?"

"ဟမ်?"

ရွှိရန်သည်ဤမေးခွန်းအတွက် အဖြေပြန်မပေးနိုင်ခဲ့။

မိသားစုအတွက်စာတစ်စောင်ရေးတာက အကြောင်းပြချက်လိုလို့လား?

ရိကျယ်ကစာအိတ်ကိုဘေးသို့ ပစ်ချလိုက်၏။

ရိကျယ်၏လျစ်လျူရှုမှုနှင့်မတူဘဲ ရွှိရန်သည်အလွန်စိတ်လှုပ်ရှားနေသဖြင့် ဘောပင်ကိုမကိုင်မီသူ့လက်ကို ရည်ရွယ်ချက်ရှိရှိပင်ဆေးကြောလိုက်သေးကာ သူ့ဘဝ၏ပထမဆုံးမေတ္တာစာတစ်စောင်ကိုရေးမည်ဖြစ်၍ ပို၍ပင်စိတ်ရင်းမှန်ဖြင့်ရေးလိုကြောင်းဆိုလာခဲ့လေသည်။