خفايا لا تغفر

الاول

وقف الجميع يهاتفها ولكنها لا تجيب ....
-هاتفها يحيى هو الاخر ليأتيه الرد أخيرًا فتح الاسبيكر
-نسمه معايا متخافوش وزعوا نظراتهم بينهم بتوتر

يونس : أيوه يا يحيى أنا أخدتها بالأولاد وهنبعد شوية.
- طيب يا ولدى هى بخير مش اكدة .
_ هي بخير يا أمي متقلقيش بس لازم أتكلم انا وهي شوية .... أنا مش مستعد أخسرها .
طيب أنتوا فين يا بني ؟!.
متخفش يا بابا هنغير جو وهنرجع .
-خلاص يا حبيبى المهم خلى بالك منهم.
-حاضر يا أمى سلام .
التفت عمران لهم: اطمنى بقي يا ست نوارة .
-الأم : الحمد الله كنت مرعوبه عليها .
-تحدثت نجلاء بأمل: إن شاء الله مشاكلهم تتحل يا أمى.
الأم : يارب يا بنتى يلا يا عزت نرجع.
-واحنا كمان يلا يا جني.
‌بالفعل تحرك الجميع أما لميس فكانت كالمجنونه لم تستطع أن تجعل يونس يحبها كانت تظن أن بُعد نسمة سيجعل الأمر أسهل ولكن تأتى الرياح بما لا تشتهى السفن فقد كان أبيها كالمرصاد من ناحيه وبُعد يونس من ناحيه أُخرى .
__________
-الحمدالله يا عمر ؛ كنت مرعوبه يكون حصلها حاجة .
-لم يجيبها فقد كان شارد .
-عمر ..أنت روحت فين ؟!
-ها مفيش بس عندى قضية ف إسكندرية بفكر فيها .
-إسكندرية غريبة
-اه المشكلة كمان إن أنا لازم أقعد أسبوع عشان فى مشاكل و أمور لازم اكون موجود .
-اممم عادى يا حبيبى نسافر واهو يكون تغيير جو .
-تحدث سريعًا: لا قصدى يعنى هسافر لوحدى لأنى مش هكون فاضي وانتِ ممكن تملى وكدا .
-يا حبيبي ما هو أنت عارف أن أنا مليش حد هنا هقعد لوحدى يعنى عادى هكون معاك .
-لا يا حبيبتى مش هينفع ....مرة تانى وأوعدك هتكون فسحة ليكِ لوحدك.
-وعد .
-وعد يا روحى ، جذبها لأحضانه يشعر بالذنب ولكنه يريد أن يكون أب غريزة الابوة لديه تغلبت على قلبه .
••••••••
-طيب ونادين يا يحيى
-مش عارف يا جني هو قال هخبى عليها .
-تحدثت بغضب: مش من حقه يخبى عليها من حقها تعرف أن جوزها هيشاركها فيه واحدة تانية وهي تقرر هتفضل ولا هتبعد .
-معرفش يا جني أنا فعلًا قولتله أن هي لازم تعرف بس هو خايف ترفض وتبعد .
-أنا مش عارفه أى حاجة ومش قادرة أقول أن هو معاه حق لأن أنا عارفة نادين بتحبه اد أى.
-مسد على وجهها بحزن ليفكر بهم ف هم أصدقائه وأكثر من أخوه بالنسبة إليه
-----
أخذ وقت طويل فى طريقه وأخيرًا وصل حملها بين يديه
-يونس بيه  قالتها باستغراب .
-تحدث ببسمة جذابة دى مراتي يا أم حنين بعد إذنك نادى حنين وهاتى الأولاد من العربية .
-عيونى يا بيه هرولت تبحث عن ابنتها كانت تقف فى نافذة غرفتها حنين يا بنتى يونس بيه وصل هو ومراته تعالى نجيب العيال ندخلهم من العربية
-مراته .. قالتها بصدمه
-جذبتها والدتها لتجد ثلاثه أطفال بالسيارة أخذت تبسمل حتى لا تصيبهم بالعين يلا يا حنين يا بنتى شيلى معايا
...بالداخل وضعها على الأريكة بالصالة كان يقبلها حينما دلفوا للداخل ...
-شعر بالحرج ازيك يا حنين التفتت يبحث عن مكان يضع الصغار فيه .
-نطلعهم فوق يا دكتور قالتها أم حنين .
-لا خليهم هنا جنب نسمة .
-أكيد تعبانة شكلها غاطه ف النوم يا حبه عينى .
-اه
-مكنتش أعرف أنك متجوز قالتها وهى تنظر لنسمة
-ههههه لاء يا حنين أنا متجوز ومخلف زي ما أنتِ شايفة
-نظرت له بحزن وتحدثت : عن اذغنك أنا هجهز حاجة تأكلهوها .
-ياريت يا حنين وخلى أبو حنين يجيب حاجة الأولاد من العربية .
-حاضر يا دكتور عيني حاضر ..
التفت اليها ليجدها تتململ فى نومتها اقترب منها سريعًا
-تحدثت بهمس يونس فتحت عينيها بصعوبه لتتذكر ما حدث لتنتفض من مكانها لتجدة أمامها ......
-أنت عملت أيه؟!  قالتها وهي تنهض
-اهدي يا نسمة .
-صرخت بأعلى صوت: اهدي ايه أنت خطفتنى .
....ولادى فين
-أجابها ببرود :  ولادك نايمين وصوتك هيصحيهم .
-أنت جبتنى فين ؟! قالتها وهى تدفعه بغضب رجعنى عند ماما
-نسمة اهدي ووطي صوتك .
-كادت تصرخ به ليدلف البواب وزوجته وحنين التى خرجت من المطبخ على صراخهم ...
-ازيك يا بنتى حمد الله عالسلامة 
-تلعثمت بالحديث: الله يسلمك هو احنا فين ؟!
-نظرت باستغراب ليونس: فى الفيوم .
-التفتت له بغضب: يونس أنت اتجننت روحنى يا يونس انت عايز ايه احنا هنتطلق
- أشار لهم بالخروج ولكن فضولهم دفعهم للأستماع...
-عيب يا أم حنين اللى بتعمليه أنتِ وبنتك .
-اسكت أنت روح امشِ.... وبعدين احنا لسه هنجهز الاكل .
-اشاح بيده وتركهم. 
وقفوا يستمعوا لهم
-نسمة ينفع تهدى .
-روحنى أكيد ماما وخالو قلقانين عليا ... فين تليفونى ؟!
-أنا كلمتهم متقلقيش .
-لا أنا هكلمهم .
-أخرج هاتفه وفتح الاسبيكر ليأتيه الرد سريعًا
-خالو يونس خطفنى... تعال خدنى
-قهقه عاليًا: فى حد يخطف مرته برضك يا نسمة .
-يا خالو قالتها ببكاء
-بتى أتحدتى مع جوزك وحلوا أموركوا وصدقينى لو فضلتى مصممة عالطلاق أنا بيدى هأخدك وأطلقك منه خلى بالك من نفسك وعيالك سلام .
-تحدث بسخرية: سمعتى .....