သူ(မ)က ပန်းရောင် အင်္ကျီ ပန်းရောင် ဘောင်းဘီ နဲ့ ဆံနွယ်လိပ်လိပ်လေးတွေကိုစုချည်ထားတယ်။
ရင်သားပြည့်ပြည့် ခါးသေးသေးနဲ့ အရပ်ကတော့ ကျွန်မထက်တောင် ၃လက်မလောက်လျော့ဦးမယ်။
သူ(မ) က ဒီနေရာကို အခုမှ စရောက်တာပေမယ့်ရောက်တာကြာနေတဲ့ ကျွန်မထက်တောင် မျက်နှာ ထားတင်းသေးတယ်။ သူ(မ) တမင်လုပ်ယူထားတာ မဟုတ် ပဲ ပင်ကိုအရ ခပ်တင်းတင်းဖြစ်နေတာ လို့ ထင်တယ် ။ နေရာသစ်ဆိုတော့ ကြောက်လို့ လည်း ပါမှာပေါ့ လေ။
သူ(မ) ကျွန်မအနားရောက်လာတော့ သူ့ နှုတ်ခမ်းသေးသေးလေးကို သတိထားမိတယ်။ အဲ့နောက်ငေးတယ်။ ငေးနေရင်းပဲ အဲ့နှုတ်ခမ်းလေးက ''အမှိုက် ကဒီပုံးလား'' ဆိုတဲ့ စကားနဲ့ဖွင့်ဟတယ်။
''ဟုတ်တယ် ၂ပုံးတွဲချထားတာ အဝတ် ပုံး ဒါကအမှိုက်ထည့်ဖို့''
သူ(မ) က နှုတ်ခမ်းလေးကွေးတက်သွားအောင်ပြုံးပြရင်း ကျေးဇူး စကား ဆိုတယ်။
သူ(မ) က ချက်ချင်း ပြန်လှည့် ထွက်သွားတယ်။ ကျွန်မက နောက်ကလိုက်ရင်း သူ့အခန်းလေးလိုက်မှတ်ရတယ် ။
အခန်း ၁၂ မှာ သူ(မ)ဝင်သွားတယ်။ သူ(မ) ကုတင် က ဝင်ဝင်ချင်း ကုတင်ပဲ ။ သူ့ဘေးက အလယ်ကုတင်မှာလည်း ကျောင်းသူသစ်တစ်ယောက်ရောက်နေပြီ။
နောက်ဆုံး ကျန်တဲ့ ကုတင် မှာလည်း ကျောင်းသူသစ်ဖြစ်ရင်ကောင်းမယ်။ ကျောင်းသူသစ်ဖြစ်ပါစေလို့ဆုတောင်းတယ်။ ဒါမှ မဟုတ် လည်း မနှစ်က တစ်ဆောင် တည်း မနေခဲ့ရတဲ့သူပေါ့။ မနှစ်ကတစ်ဆောင် တည်း နေတဲ့သူတွေနဲ့တော့ မနေချင်တော့ဘူး ။ အပယ်မခံချင်တော့ဘူးဆိုရင်ပိုမှန်မယ်။ သူ့အခန်းထဲမှာ ကျွန်မ ကို အနိုင်ကျင့်မယ့်သူ မရှိ တော့ရင် ကျွန်မလည်း သူနဲ့ သူငယ်ချင်း ဖြစ်ဖို့လွယ်တာပေါ့။
xxx xxx xxx xxx xxx xxx xxx xxx
ကျွန်မတို့ ရောက်နေတာက ဆယ်တန်း ဘော်ဒါဆောင်ပါ။ ကျွန်မက ကိုးတန်းတည်းက တက််ခဲ့တာ ။အဆောင်က ၃လွှာဆောင် ၄လွှာဆောင် စသည်ဖြင့် ရှိတယ်။ ကျွန်မ က ၃လွှာဆောင်ပေါ့။ ကိုးတန်းမှာ သူငယ်ချင်း တစ်ယောက် မှ မရခဲ့တဲ့ အပြင် တစ်ဆောင် လုံးလည်း ကျွန်မ ကို မခေါ်ကြဘူး။ အခန်း ဖော်တွေကတော့အဆိုးဆုံးပေါ့။ ဆယ်တန်း မှာ အဲ့ အဆောင် က လူတွေနဲ့ တစ်ခန်း တည်း မကျပါစေနဲ့လို့ဆုတောင်းခဲ့တယ်။
YOU ARE READING
2 Girls 1 Bed
Teen Fictionသူငယ်ချင်း မကျ ရည်းစား မကျ တဲ့ ဗိသုကာမေ နဲ့ ယွန်းစံပယ် တို့ရဲ့ တစ်နှစ်တာ အတူနေခဲ့တဲ့ diary💐 စိတ်ကူးယဥ်အကြောင်းအရာတွေလည်းအများကြီးပါသလို အပြင်လောက က အကြောင်း တွေလည်း ပါတယ်။ ဖတ်ရှု ပြီး ဝေဖန်ပေးကြပါဦး💐
