القَاصرات

الـبـارت الأول

رواية القَاصرات

.
.
.
.
.
.

الكاتبة : ضُحى .

البارت الأول ..

رجعت النقطة الصفر اهلي اتوفو بعد ٥ ايام يلا اتعرفو على جثتهم ، جان الأمر اشبه ب الصاعقة الي وقعت علينا اني واختي ، خلص بين ليلة ويوم صرنا ايتام ، الكل اتبره منى من اهل امي ، نفسيتي اتدمرت صرت اني والميت سوة ، بس الي يفرقني عنه بيه روح ، اباوع الاختي الي جانت رافضة فكرة موتهم و تعبتني حيل ، ما جنت متوقعة بليلة ويوم عائلتنا تدمر وتتحطم ، اعرفكم بنفسي اني ضحى وأسم على مسمى دائما اكون ضحية وأضحي من يوم فتحت عيوني على ام و اب مثل العسل ما يوم سمعنا صوت عركهم او شفتهم زعلانين ، جانو واحد يكمل الثاني ، بعد سنتين من ولادتي حملت امي بـ اختي فاطمة ، سعيدين جدآ بـ عائلتنا الي تكونت من اربع اشخاص ، ناس مسالمين ما النا دخل ب الرايح والجاي ، اني واختي اخذنا الجمال من امي الي وارثته من جدتي الله يرحمها ، عيون عسلية وشعر طويل لونه تمري ، وره ما خلصت الفاتحة ب يومين فزينا اني واختي على صوت دگة الباب ، خفت كلش وكل ضني ابو الأيجار رايد البيت لأن اتأخرنا بالدفع ، كمت لبست چادر الصلاة وفتحت الباب على مهل وگلت ،
منو
رد عليه صوت رجال مبين كبير بالعمر ..
الشيخ سلطان .. افتحي الباب بنتي اني جدج ..
ارتبكت وجاوبته بتوتر .. جدي منو
الشيخ سلطان اتنهد وكال .. خلي ندخل وافهمج ..
خفت اكثر ندخل شنو .. ليش انتم كم نفر ؟
الشيخ سلطان .. اني ولد عمج الأثنين جايين ..
اشرت الفاطمة روحي واني غطيت نفسي زين وفتحت الباب وصرت وراه .. دخلو زلم ثنين وره رجال الجبير بس ماشاءلله ضخامه بحيث اضيع من بينهم اني ..
دارو وجهم عليه وباوعولي ..
الشيخ سلطان .. ماشاءلله ياجدي انت الجبيرة مو
ضحى جاوبته واني مرتبكة .. اي اي
اتفضلو اتفضلو .. دخلو للأستقبال واني ركضت الفاطمة ..
فاطمة .. ذوليي منوو
ضحى .. مادري يكول جدي .. خدري الچاي والبسي جادر الصلاة وتعالي ..
فاطمة هزت راسها بأوام وراحت جابت القوري ..
اني اخذت كاسات مي وخليتهن بصينية ورحت دخلت مرتبكة قدمته الهم ..
الشيخ سلطان .. اكعدي جدي اكعدي .. وين اختج الثانية
ضحى .. هسه بس تلبس وتجي ..
وصدك كعدت ومامرت دقائق دخلت فاطمة كالت السلام عليكم وكعدت رأسا يمي ..
الشيخ سلطان وهو يمسح دمعته .. الله لا ينطي الجان السبب الي خلاني ابعد عنجن كل هاي المدة ..
ضحى .. اني عرفت انت جدي بس ماعرفت شنو ابوي الله يرحمة كال النا انتم طردتو وبگتو حصته يعني ..
الشيخ سلطان .. لا حول ولا قوة الا بالله .. لا ياجدي والله ليلي ما انامه ابوج سوه شيء ماينغفر الله يرحمه بعد ماتجوز على الميت الا الرحمة ..
فاطمة .. ليش ابوي شنو سوه بالعكس فوگ ما بگتو حصته وطردتو ومرته حامل جاي تبجي علينا ..
نغزتها وخزرتها وهمست الها .. فاطمة كوميي
فاطمة .. ماا اكوم هم لا يضلون دوم ينكرون فعلتهم الوصخه ..
محمد بحدة .. اذاا تضليين ترفعيين صوتج تشوفيين شيء مايعجبج ابد
فاطمة .. لا والله اخرر زمن جاي وتعلمنيي احمدو ربكم احنه استقبلناكم عندنا ..
شفته گام وخفت على اختي هي بس اللسانها العام عليها .. ضحى بصوت شوي عالي وعصبية ..
فاااطمة كتلج كوميي ..
مرتضى باوع الي وكال .. لا خليها تكعد تفهم السالفة العصبية مو حل ابد ولا الصوت العالي هم وانت محمد اسكت وقدر وضع البنية .. ودار وجها بهدوء الفاطمة .. يابنت عمي يابنت الحلال اكعدي وافتهمي ترى لا تصدكين كلشي ينگال الج صحيح ..
فاطمة هدأت شوي وسكتت ..
ضحى باوعت الهذا الرجال الي حچه ودنكت وگلت بكلبي الله شكد حلو هيج رجال هادء وبنفس الوقت رزن شفت بيه ملامح من ابوي .. اتفضل جدي كمل كلامك
الشيخ سلطان .. ابوج من صار مراهق حب امج من الاعدادية واني الصراحة جنت بذاك عقلي وزمانه يختلف عن زمانكم خفت على البنية وخاصتا ابوج عنده سوابق وسوالف مكسرة رحت وحاجيته بهدوء اشو هذا گمز بوجهي .. والله الا اتزوجها وغصبا عليك وعلى كل واحد ما يرضى .. اني اتعصبت عليه وغضبت هذا الجاهل يصيح بوجهي .. ضربته وطردته من البيت بس الله يهدي امه باعت ذهبها واتزوج المرحومة والدتج .. اني من عرفت ضجت حيل وگطعت حصته من الورث .. بس والله يابناتي بداخلي لو يجي ويكلي اعتذر منك انطي مو بس الحلال انطي روحي كلها بس الله يرحمة جان طايش وعصبي ومايعرف يتصرف .. بس جنت اني كل راس شهر اشتري ذهب للحجية واگلها روحي انطي الرافد ادري واحس بيه هو محتاج هسه وبعده صغير .. ومن عرفت المرحومة حامل والله جان بنفسي اسوي عزيمة الكل يسولف بيها وجنت اسمع واتلهف اسمع اخبارة من الحجية وعرفت هو كارهني ومستحيل يجي .. لان جان عباله الذهب هذا ذهب امه مايدري اني كل حصاد اعزل حصته وفوگها وانطي اله .. وجر حسرة واتنهد وكال .. الله يرحمهم ويغفر الهم ..
ضحى اتجمعت الدموع بعيوني ودنكت راسي استففر ربي .. جنت اكرهم وبكل صلاة ادعي الله يهلك جدي وهيج طلع گلبه حنين على ابوي الي ماكلف نفسه واجه اعتذر منه نزلت دمعتي ومسحتها بسرعة ..
فاطمة .. اي وهسه المطلوب مني اني واختي شنو ؟
الشيخ سلطان .. اريدجن ترجعن وياي واعيشجن حياة كريمة ان شَاء الله وماقصر وياجن .. وها خاف دكولن نثگل عليكم لو عليك لا تخافن حصة ابوجن كل حصاد ان شَاء الله انطيها الجن ..
ضحى .. بس اني ماريد اطلع من بيت ابوي ..
الشيخ سلطان .. عاذرج ياجدي والله بس شوفة عينج كاعدات وحدجن وما عندجن محرم وكلام الناس مايرحم بحگجن بنات وحلوات قابل ارضاها على حفيداتي ينگال عليهن هيج كلام لا والله الي بس اسمعه ينطق بيجن سوء اگص لسانه ..
سكتت وبقيت بحيرة لا اكدر اعوف بيت ابوي وبنفس الوقت صحيح كلام جدي واني اخاف ابات وحدي بهذا البيت .. تنطينا مهلة وانفكر ..
الشيخ سلطان .. الجن مهلة منا الباجر ..
ضحى هزيت راسي بأوام وكمت صبيت جاي الهم وقدمته الهم ..
اليوم كالو يباتون عندنا واني لو بس جدي عادي بس ذولي الزلم صح رزنين وثگال بس خايفة .. مشايفه احد بيتنا غير ابوي وخوالي اني ..
راحو مرتضى ومحمد جابو ريوگ خير من الله ..
جنت اني واكفه بالمطبخ واطلع بالأستكاين .. اجه مرتضى وكالي ..
مرتضى .. هاج بويه الله يرضى عليج ..
ضحى ابتسمت ودنگت راسي اخذت منه العلاگة واتلامست اصابعنا بسرعة هو حس وعاف العلاگة فد استحيت وبسرعة رحت ..
هو هم مگال شيء وراح ..
بقيت واكفه صافنة اجتني فاطمة ..
فاطمة .. ها ضحى شگلتي
ضحى .. مادري عقلي واكف ..
فاطمة .. اني الأكول نطردهم احسن النا
ضحى .. انجبي انت عندج هنا عقل لو شنو ..
فاطمة .. ضحى مادري وين اروح اعيش وياهم هناڪ بالعرب ..
ضحى .. وشبيهم اهل العرب دگو بابنا وراح ياخذونا وياهم مو احسن من اهل المدينة خوالج من ثاني يوم الفاتحة هذا السافر وهذا الراح زيارة وكلها شردت منه عبالهم راح نطلب نكعد يمهم ..
فاطمة .. مادري مادري بس ماريد اروح ..
ضحى .. خلي نسوي الريوك وساعديني بعدين نگعد ونفكر ..
صارت تساعدني بالريوگ وخلينا السفرة وطلب مني جدي نگعد على سفرة وحده صح استحيت بس ماردت احرجه وكعدنا ..
طول الگعدة جدي يسولف عن سوالفهم الهناك ومو بس احنه احفاده لا اكو بعد ٣ بنات ..
عن كلامه عنهم اتشوقت اعيش هناك واشوفهن ..
المهم كملنا الريوك واجو الزلم ذوله اخذو المواعين خلوهن ع السنگ وراحو يغسلون وغسلت فاطمة المواعين واني نضفت وياها ..
اني سبحت و رحت لبست دشداشة عريضة حيل وياها حجاب خنگت بيه نفسي وفاطمة كذلك ..
صار وقت اذان الظهر كامو يتوضون ويصلون واني هم ..
الشيخ سلطان .. جدي بيش الساعة يصير غداكم
ضحى .. مادري انتم بيش الساعة متعودين ..
الشيخ سلطان يضحك .. والله احنه هناك يأذن الظهر نفرش السفرة ..
ضحى بأحراج .. ها والله مادري بس لان احنه هنا عندنا ب 2 عبالنا البصرة همينا ..
الشيخ سلطان .. لا جدي لا ولا تعبن نفسجن هسه واحد من ولد عمجن يجيب غدة ..
ضحى .. لا والله لا تعب ولا شيء عادي اصلآ اني اطبخ ..
الشيخ سلطان .. ليش ياجدي تعبين نفسج بعدج صغيرة
ضحى .. مو امي اتمرضت وصار يعني طبخ البيت عليه وفاطمة تساعدني بالبيت ..
مرتضى .. والله ياجدي ماعليجن قصور
ضحى .. الله يخليك
ورفعت راسي صارت عيني بعين مرتضى بسرعة درت وجهي واستحيت فد نوب ماعرف ليش ..
وصدك جابو غدة سمك شوي واني سويت زلاطة طماطة وطرشي وبصل وكعدنا هم على السفرة .. واول ماخلصو غدة غسلو واني عزلت البيت ..
رادو يرتاحون ينامون من الطريق الطويل ..
رحت وسويت مثل مايردون فرشت الهم الفراش ونامو .. سديت الباب عليهم ورحت الفاطمة لگيتها نايمة ابتسمت .. ممتعودة تكعد من الصبح ادري بيها .. بستها ومسدت على راسها واخذت حسرة افكر بكلام جدي اني اقتنعت اي بس هاي فاطمة منو يقنعها ؟ ..
خليتها على الله وغفيت وياها ..

ويتبع ..