أحبها و انتهي الأمر

البارت السادس و العشرون

لينا تليفونها رن
لينا : علي معادنا بكرة يا مينا هبعتلك عربية تجيبك
تاني يوم الصبح لينا كانت في الشركة
طارق خبط
لينا : ادخل
طارق : واحد مستني حضرتك برا و مش راضي يقول اسمه
لينا : دخله و مش عايزة اي تليفونات يا طارق و مش عايزة اي حد يدخل
لينا : ازيك يا مينا عامل ايه
مينا : الحمد لله يا رياسة كله تمام
لينا : تشرب ايه يا مينا ولا انت فطرت الاول
مينا : تسلمي يا رياسة انا عايز شاي كشري
لينا طلبت طارق
طارق دخل
لينا : هاتله شاي و كشري
مينا ضحك : لا يا رياسة انا عايز شاي كشري دا نوع شاي
لينا : طيب هاتله اللي طلبه يا طارق و هاتلي قهوة، و طارق خرج
مينا : خير يا رياسة في حاجة ولا ايه
لينا : بص يا مينا انا عايزاك في شغلانة ،في واحد هبعتلك صورته و عنوان الشركة
مينا : اؤمريني عايزة تعرفي ايه عنه
لينا : عايزة اعرف كل حاجة يا مينا عايزاك زي ضله صفقات بيقابل مين كدا
مينا : تحبي اروقهولك
لينا بضحك : لا سيبه انا هروقه بمعرفتي ، مينا مش عايزة حد ياخد باله من حاجة
مينا : أوامر يا رياسة هبدأ امتي
لينا : ياريت من النهاردة
مينا : اتفقنا يا رياسة اول ما اعرف معلومات مهمة هجيلك
لينا : خد دا مفتاح العربية اللي هتحتاجها .
و بعد ما مينا مشي
طارق خبط و دخل
طارق : استاذة في خبرين واحد حلو و التاني لأ
لينا : طارق هو انا مبصعبش عليك خالص هو انت مش بتعرف تكمل جميلك للآخر ابدا
طارق : و الله بتصعبي عليا بس اعمل ايه مش ذنبي والله
لينا : قول يا طارق
طارق : الشركة بتاعت انجلترا عايزة تجدد العقد معانا
لينا : طيب انا هتصرف
طارق : لسه الخبر الوحش
لينا : هااا
طارق : فرنك اللي جاي يمضي معاكي
لينا بانزعاج : لا كدا كتير ملقوش غير الراجل دا يبعتوه
طارق : انا شايف احمد بيه هو اللي يجيي يتعامل معاه زي كل مرة أو كلمي البشمهندس يحيي
لينا : في ايه يا طارق هو انا هخاف ولا ايه خليه بس يفكر يتجاوز حدوده معايا ، و هات بقي الملفات اراجعها
و بلغ رؤساء الأقسام أن في ميتنج كمان ربع ساعة عشان انتم عايزين تتظبطوا
طارق : حاضر اي حاجة تانية
لينا : لا روح انت و ابعت اكبر فنجان قهوة عشان انا بنام منكوا
و بعد يوم طويل لينا لسه في الشركة و يحيي قرر أنه يروح يمكن تحتاج مساعدة
يحيي وصل لمكتب لينا
طارق : دي عاشر مرة تطلب قهوة النهاردة احنا مش هنروح ولا ايه
يحيي باستغراب : في ايه يا طارق ، هي لينا لسه جوا
طارق : ايوة بتراجع الحسابات و قالت محدش ماشي الا لما تخلص
يحيي : طيب انا هدخل اخليها تخلص
يحيي دخل لقي لينا نايمة عالمكتب و بتتكلم
لينا : البند الرابع ب مليون و نص و 251 جنيه
يحيي باستغراب و هو بيحاول ميضحكش طب و البند التاني
لينا و هي نايمة ب تلاتة مليون و 750 الف و 482 جنيه
يحيي ضحك عليها و وقع كوباية عالأرض من كوبيات القهوة اللي جنبها
لينا قامت مفزوعة : انا صاحية انا جاهزة و بعدين بصت علي يحيي اللي كان بيحاول يكتم ضحكه
لينا بتعب : اضحك يا يحيي لتموت مخنوق
يحيي ضحك عليها انا مش قصدي
لينا : هو انا شتمت و أنا نايمة ولا ايه
يحيي : لا مشتمتيش دا انتي كنتي بتراجعي الارقام و انتي نايمة
لينا : متهزرش يا يحيي
يحيي : و الله ما بهزر دا انا راجعتهم مع الورق و كمل بضحك ماشاء الله دا كومبيوتر مش مخ ، المهم مروحتيش ليه لحد دلوقتي
لينا : في شغل كتير اوي و انا لسه مخلصتش انت ايه اللي جابك
يحيي بصدمة : هااا
لينا : مش قصدي اللي فهمته يعني حصل حاجة في الشغل
يحيي : كنت جاي عشان لو محتاجة حاجة في الشغل
لينا : مش عايزة اتعبك انا عارفة انك مش مضطر تسيب شغلك و تيجي هنا انا مش عارفة اشكرك ازاي يا يحيي
يحيي : اي حد مكاني كان هيعمل كدا ها مش هتروحي ولا ايه
لينا : هي الساعة كام
يحيي : داخلة علي عشرة اهي
لينا : لا لسه شوية
طارق باندفاع فتح الباب : هو ايه اللي لسه شوية يا استاذة حرام كل دا انتي مبتتعبيش
لينا : انت واقف بتتصنت عليا يا طارق ، طب ايه رأيك مفيش مرواح قبل الساعة 11 و لو جيت بكرة متأخر دقيقة هخصم منك تلات ايام عشان تتأدب ،و يلا علي مكتبك و هاتلي قهوة
طارق كان لسه هيعترض
لينا : هاااا .. شكلك عايز تبات النهاردة في الشركة
يحيي بجدية بعد ما طارق خرج : لينا كدا كتير تلات ارباع الشركة نايمة كفاية عليهم كدا
طارق دخل بالقهوة
لينا : روح يا طارق و مشي الكل
طارق : انا كنت عارف انك قلبك كبير و هتروحينا
لينا : بس دا ميمنعش انك لو اتأخرت دقيقة بكرة هخصم منك تلات ايام
و بعد مرور عدة أيام
لينا كانت بتشغل
طارق خبط
لينا : ادخل
طارق : الراجل الغريب اللي كان هنا من كام يوم دا طالب يقابل حضرتك
لينا : دخله و متدخلش حد خالص يا طارق
مينا دخل
مينا : صباح الخير يا رياسة
لينا : صباح النور يا مينا ، تشرب ايه شاي مش كدا ولا اخلي حد يجيب فطار انا لسه مفطرتش نفطر سوا
طلبت من طارق فطار
لينا : ها يا مينا في حاجة مهمة ولا ايه
مينا : بصي يا رياسة الراجل دا اشتري اربع اراضي جنب بعض و لما سألت عرفت أنه عايز يبني فندق كبير
لينا : وايه المهم في كدا يا مينا
مينا : ما انا جايلك في الكلام اهو يا رياسة عشان يعرف يبني الفندق في ارض خامسة بتربط الأراضي ببعض و صاحب الأرض دي مش عايز يبيعها لسليم عشان يعني مقلل في السعر و بيستغل أن الأراضي الأربعة اللي حواليها بتوعه
لينا : اهااا .. فهمت بقولك يا مينا ليك سكة مع الراجل دا
مينا : و دي حاجة تفوتني اخدتلك معاه معاد يا رياسه
لينا بضحك : الله ينور عليك يا مينا ، بص خليك مراقبه زي ما انت لحد ما اقولك هتعمل ايه
طارق خبط و دخل
لينا : في ايه يا طارق
طارق : حضرتك فاضل عشر دقايق علي معاد الاجتماع مع الناس بتاعت الدعايا
لينا : طب جهز الميتنج روم و أنا هاجي وراك
مينا : طب استأذن انا يا رياسة
لينا : كمل أكلك و بعدين امشي
طارق (بعد ما خرجوا من المكتب): ازاي تسيبي الراجل دا في المكتب يا استاذة
لينا : طارق الراجل اللي بتقول عليه شغال معايا من زمان كمان المكتب مفيش فيه ورق مهم ، حتي لو انا واثقة فيه ، كفاية كلام يا طارق خلينا نشوف الناس اللي جايه
طارق : هو حضرتك مش بتثقي فيا
لينا باستغراب : ليه يا طارق
طارق : حضرتك مش عايزة تقوليلي مين الراجل اللي في المكتب دا
لينا : طارق انا لو مش واثقة فيك مكنش زماني واقفة بتكلم معاك دلوقتي ، و عالعموم هتعرف كل حاجة قريب جدا
مينا خرج في اللحظة دي
مينا : في حاجة نسيت اقولك عليها يا رياسة
طارق : طب انا هروح الميتنج روم اتأكد أن كله تمام
لينا : في ايه يا مينا
مينا : في حد بيراقبك يا رياسة بس انا مش عارف هو تبع مين
لينا : ......
ياتري لينا بتخطط لايه ؟؟؟
و مين اللي بيراقبها ؟؟؟
يارب البارت يعجبكم 💜