الدكتورة أسيرة الزعيم 🔫👩‍⚕️

الحلقة 52

تفتح الباب و قلبها و لا يرفرف معرفتش واش دير اما الحاجة الوحيدة لي تعرفها انها عمرها ما تضعف قدامو
ماكس: نقدر تدخل؟
جوري مهدرتش
دخل ماكس و راح عندها قعد قدامها: علابالي بلي ماراكيش حابة تشوفيني ولا تهدري معايا عندك الحق مي....
جوري: المفيد؟
ماكس: اه !
جوري: المفيد علاه جيت إذا جيت باش تستشفى نقولك راني مليحة الحمد لله و راح نكون مليحة كي نبعد عليك و على كلش يربطني بيك خلاص ؟
ماكس شاف فيها بشوفة لخصت كل التعابير من حب و حزن و غضب و شفقة تنهد و خرج اما هي فدخلت فدوامة تخمام و قررت تخلي كلش على الايام
تسريع الأحداث :
جاز شهر بعدما  خرجت جوري من الصبيطار و راحت لدارها ريحت مليح و رجعت لخدمتها .
ماكس لي  ولات متغيبش عليه دقيقة ركبلها جهاز تعقب في الطونوبيل و دارلها كاميرة قدام الدار و حتى في البيرو تاعها في الخدمة يعني ولات تحت عينو24 ساعة

قاعد في غرفة المكتب متكي راسو و يهدر مع سام : راح تكون غدوة المهمة و لازم غلطة متكون منسحق حتى خطأ القوات العسكرية راح تكون معانا لازم نمشو خطوة بخطوة
سام: وي متقلقش روحك.....و جوري
ماكس: الدكتورة... واشبيها
سام: كي تغير عليها و راك رايح لمهمة سرية و صعيبة علاجالها علاه طلقتها؟
ماكس: مهمة سرية صعبة و علاجالها تانيك! كيفاش هادي؟
سام : 90 % رايح تنتقم من الهدرة لي هدرهالك عليها مالقري معلاباليش واش قال لانو محبيتش تقولي لانو انت عمرك ما تجري و لا تحوس على العدو يا لوكان يبعتلك قنبلة لدار دايمن تسناه هو لي يجيك و هذا هو المبدأ تاعك في هاد العالم المظلم و فوق هذا تغير و طلقتها مفهمتكش
ماكس: ماكاش لي يهدرلي على مرتي و نسكتلو
سام خبط راسو بيدو: مازااالو يقول مرتي ياو طلقتها مايش مرتك خلاااص افهم راهي عازبة مايش مقيدة يعني يقدر لي يجي يديها افهممم
شاف فيه ماكس بشوفة لوكان جات تحرق راهو حرقو؛ مرتي و راح تقعد مرتي حبت ولا كرهت ولي يخمم يدنالها نمحيه من الدنيا لانو رجعتها لعصمتي يا الشاطر ما ماكس لي يخلي مرتو بالساهل...
كانت راقدة ناضت تجري للصالدوبان تتقيا و قلبها داير نهار كامل تغاضات الامر و راحت لبست سروال عريض كحل مع شوميز بيضا و باسكات بيضا طلقت شعرها و راحت عند ميار الورشة...
ماكس كان قاعد حتى صونا للتليفون تاعو بينلو بلي جوري خرجت من الدار و راهي في الورشة تاع ميار..
ماكس: هاي الدكتورة عند مرتك
سام: اه
ماكس: والو ... و كملو يناقشو القضية..
لحقت جوري عند ميار دخلت عندها و راحت تقعد: اااااي راني عيااانة
ميار: علاه واش درتي؟
جوري: والو 🙂نضت جيت
ميار: ايه لالا تنوض على 12 هيا نروحو نفطرو ولا نكمونديو
جوري: جيبي جيبي
كمونداو و حطو ياكلو جوري غير شمت الماكلة راحت تجري لتوالات تقيات و خرجت
ميار: واشبيك صفرا هكا؟
جوري: معلاباليش نضت نتقيا ماكليت والو بصح
ميار ضحكت و قالتها: وقتاش جاوك ليغاقل؟
جوري: معلاباليش صاح
ميار: تتقيا و عيانة و ماكاش ليغاقل
جوري يبست في بلاصتها فكرة انها تكون حامل سكتت و شافت ميار تلبس
جوري: ويين؟
ميار؛ نوضي نوضي
جوري: ويين
ميار : نوضي برك. نوضتها و رفدت مفاتح تاعها و راحت هي تصوق و جوري ساكتة
لحقو الصبيطار و جرت ميار جوري حتى لحقو لطبيبة تاع النسا
الطبيبة: الف مبروك جوري انت حامل في الأسبوع السابع
سمعت جوري واش قالت فرحت من جيهة انها راح تولي ام و الفرحة تاعها ما تمت كي تفكرت انها راح تربي وليدها وحدها خرجت و راحت عند ميار و ترمات عندها: راح نولي ام و بدأت تبكي من الفرحة
ميار: اوووووه راح نولي خالة شحال عندو ؟
جوري : 7اسابيع
عنقتها و راحت وصلتها للدار و هي توصي فيها دير بالها على روحها اما شافتها غايسة و عرفت انها تخمم في ماكس لوكان كان معاها ...
وصلت لدارها طلعت دخلت للبيتها نحات حوايجها و تكسلت و بدأت الدموع تحبط وحدها حتى ولاو شهقات متقطعة تقطع القلب : علاااه يا ربي علاه واش درتلك يا مااكس واش درتلك باش ديرلي هكذاااا واش  و بكات بكات حتى اغمى عليها.....
ميار كانت حابة ماكس يعرف لانو من حقو مي خافت من ردة فعل جوري حارت واش دير و قررت تحكي مع سام
كان مع ماكس كي عيطتلو ميار رفد عليها : الو
ميار: حبيبي وين راك ؟
سام: في القصر
ميار: لازم نهدرو في موضوع مهم بزاف
سام: راني جاي .كوبا و ناض راح عندها الورشة  غير وصل راحت قعد قدامو : اليوم جات عندي جوري و كانت صفرة و عيانة رحنا الصبيطار و ......
سكتت و شافت فيه
سام: و...
ميار: راهي اونسانت...
سام شاف فيها و شاف في الفراغ هي صارحاتو لازم يقوللها
شاف فيها: ميار ماكس مطلقهاش
ميار: كيفاش و هي حكاتلي كلش
سام : ايه طلقها بالهدرة مي كي راح ليها الصبيطار و شافها هكاك عاود رجعها لعصمتو و هاد الحاجة تجوز في الدين.
ميار: يعني مازالهم متزوجين و الحل دوك؟؟
سام: ماكس لازم يعرف لانو وليدو محال نخبو عليه حاجة كيما هادي ميار
ميار: علابالي و علا هادي جيت قتلك انا
عنقها و سلم على رأسها: لعقوبة ليك يا اجمل زوجة راح تكوني اجمل ام
حطت رأسها في صدرو و سكتت تخمم في جوري... و سام محبش يقوللها على المهمة...
لحق نهار المهمة وجد سام و ماكس كلش و قررو يراجعو الخطة مليح مع قوات الدرك في المركز...
ناضت صباح لقات روحها فوق الفراش كيما كانت البارح : ماليوم عندي وليدي برك لي راح نخدم و نضحي بروحي علاجالو ناضت دوشت لبست روب قصيرة في الفيولي مع طالون كحل كاري و دارت شعرها كعكة مع خصلات متمردين رفدت فيستتها تاع الكوير كي كانت خارجة سمعت الحس برا فتحت الباب شافت 2 رجال مقنعين راحت تصوغ حتى طاحت بين يديهم رفدوها و حطوها داخل الطونوبيل و راح واحد فيهم جهة الكاميرا لي ركبها ماكس قدام دارها دار باي باي و راحو بسرعة قصوى...
كانو في المركز  حتى صونا للتليفون تاع ماكس
مجهول: أيها الزعيم نحن في انتظارك
ماكس: سوف تندم لأنك عبثت معي
مجهول : هناك هدية جميلة جدا لي لك تعال بسرعة...
ماكس قلبو خبط و فتح التليفون تاعو و حل الكاميرة ة شاف جوري و الزوج رجال مخرجينها ناض يجري : ***** لقد خطف زوجتي
القائد: سوف نسير على حسب الخطة بعد ساعة سوف نتحرك هيا لننطلق
سام شاف في ماكس و قرر يفصح الحقيقة حبسو : ماكس لازم نهدرو
ماكس: اي حاجة راح تقولهالي اجلها هيا .....
خرجو و انطلقو المنطقة و تستف كل واحد في بلاصتو حتى حساب الخطة تاع القوات العسكرية....
                  حماااااس 🔥🔥❤ نسحق الماكس تاع الفوت و الكومنت هناااا هيا