*ثاني يوم كعد اسد من الساعه (٦)و راح لشغل و كمل كل الشغل العلي و اخذ اجازه اسبوع حته يتفرغ لسالفت مهره رجع للبيت ب(١) لكه اهله منتضرينه سلم عله ابو و باس راس امه و صعد لغرفته و لحكته نور جهزت ملابسه و جانت تحاول تحجي ويا بس هوه جان صاده سبح و صلاه و نزل لكاهم مكملين كعد وياهم علغده و من "طبعه والكل يعرف اذا كعد عل اكل ما يحجي و لايحب احد يحجي" خلصو اكل و غسلو و كعد بل استقبال هوه و ابو و امه ونور جابت الجاي
.اسد
يابه بعد ساعتين نروح ناملك شويه و نطلع
.ابو اسد
تمام وليدي
راح اسد لغرفته و نام و ب٣ كعد غسل وبدل
و لبس دشداشه سوده و لبس عليه حزام السلاح بلون جوزي و خله السلاح يي و لبس الجماغ و العكال و لبس ساعه فضي و خله عطر و لبس البشت
و جان متحمس راح ترجع بنيته بعد كل هل سنين
طلع و لكه ابو مكمل طلعو وراحو لديوان ينتضرون الناس تجي التمت الناس و تحركو وراحو لبيت علي وصلوو
رحبو بيهم و حجه ابو اسد
. الله بلخير يربع
رد الكل
الله بلخير و لعافيه
.ابو اسد
ابو علي انته رجال ونعم منك و كله تعرفك وحنه النه يمك امانه و جينه ناخذه
ابو علي
ونعم منك و من اصلك شيخنه واليوم مشرفينه بجيتكم هاي بس شنو الامانه
اسد
عمي النه حرمه ضاعت من سنين و دورنه عنه هواي وامس عرفت هيه يمكم
ابو علي
قصدك عله بنتي الاخذناها من الميتم
اسد
بلضبط عمي هاي البت تصير بت عمي و اليوم جينه ناخذه و مشكورين عله كلشي سوتو وياها و شطلبون احنه حاضرين بس اهم شي ترجعلنه
ابو علي سكت ما عرف شيكول و علي لان يعرف اسد شكد يحبه ومستحيل يعوفه قنع ابو انو ترجع و ياهم
اجت مكالمه لاسد وطلع يرد عليه بره وره ما سد الاتصال التف راجع بس شف
مهره تلعب عل مرجيحه و صفن بيه و رجليه خذته اله ومن وصل كله
اشلونج
مهره اول مشافته كمزت حضنته و كالت
شلونك بابا اشتاقيتله
بادله الحضن
يا روح ابوج و انه هم شتاقيتلج موت
و بهاي الاثناء طلعو الزلم بساع اخذه بحضنه و لف عله البشت صار راسها عله صدره نزل راسه يشم بشعره و نسه همه وين رجع لوعيه لمن راحت الناس اله وخر
اسد
بابا يله حترجعين و ياي للبيت
مهره
لا لا اسدي مما ارجع
.ليش
..اخاف
.من منو وانه وياج احميج بروحي
..توعدني تضل وياي و متعوف توعدني تحميني و متخليهم يئذوني
.منو يئذي بنيتي اله مارايد روحه وعد تضلين وياي لاخر يوم بعمري وحميج من كل شي
..بابا احبك
.موت بعيونج ما تدرين شكد مشتاق لحجياتج يله بعد ابوج روحي سلمي عليهم و خل نتيسر
راح مهره و سلمت عله علي و ابو و امه و اخته و اخذت كم غرض و رجعت للبيت...........................
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شلون حتعيش مهره بلبيت و شنو حتسوي نور
₩₩₩₩₩₩₩₩₩₩₩₩₩₩₩₩₩
بايييي😘
