صحيت من النوم بحماس طفولي غريب لبست هدومي وفطرت ورايح عند الشيخ طاهر
بس وانا ماشي لقيت ستات كتير قاعدين بيصوتو
رحت اشوف في اي لقيت ان حد من اهل القريه مات والدفنه النهرضه علي المغرب وطبعا زي ما انتو ما اتوقعتو انا هروح معاهم الدفنه مع اني معرفش حد هناك بس لازم اروح مش هفوت حاجه مجنونه زي كدا
رجعت علي بيتي ولقيت واحده جايه لامي بتقولها علي العزا وقعدو يتكلمو
وسالتها اذا هتروح تعزي ولا لا امي كانت متردده بس قالتلها
"خلاص انا هشوف الحج لو هروح ولا لا "
والتانيه ردت قالت
"خلاص ماشي انا هروح البس وهعدي عليكي لو وافق اخدك ونروح "
بعدها سألت امي عن المتوفي وقالت
" دا ابو صاحبك عزام بتاع التوابل انت عارفو اكيد "
"لا حول ولاقوة الابالله وهو مات ازاي "
"معرفش ولله يا ولدي بيقولو انو وهو معدي من الترعه الحمارة اتجننت ونطت وهو الراجل ملحجش نفسو وراح عند رب كريم"
هزيت راسي شويه وطلعت رحت علي المكان اللي قالتلي عليه ووقفت قدام الترعه وانا واقف سمعت صوت بيقول
"العروسه .... العروسه"
وانا بتلفت حوليا بشوف اي الصوت دا لمحت المقابر
كانت مقابر القريه وجنبها مقابر الصدقه
وعرفت ان دي اشاره اني لازم ادخل مع اللي دخلين بس الاول لازم اخلي امي تروح العزا عشان تتلهي عني شويه
فجريت علي البيت ورحت عندها وقولت
"ياما ياما انتي لازم تروحي"
" الله يخرب بيتك يابني خضتني اي كل دا عشان اروح اعض شويه فلعزا "
"ايوا ياما لازم تروحي يعني هتسيبي الناس فلعزا وانتي تعضي هنا علفكره مش حلوه ابدا لازم تروحي تعزي"
وامي قالت
"بس يبني اختك اصغيره ومينفعش اسيبها لوحديها "
قولتلها
"انا هعض معاها ياما"
امي فكرت شويه ووافقت وفعلا راحت العزا وانا وديت اختي عند خالتي
ورحت المقابر كان المغرب هيأذن
دخلت الترب وانا هناك لقيت نفس المقبره اللي شوفتها فلحلم كانت هي هي وفنفس المكان
قربت منها ولقيت من ورايا صوت بيقول
"انت مين ياض انت مينفعش حد يجي هناك بليل"
بصيت ورا لقيت راجل فلستينات من عمره معاه عكاز ولابس جلابيه قديمه واللي عرفت علطول انو حارس المقابر
قعدت ساكت شويه وقولتلو
"يا حج في حاجه جوا "
قالي بنبره كلها سخريه
"ماهو اكيد في حاجه او ....ممكن تقول حد جوا"
عرفت انو عاوز يخوفني بس بعدها اتصدمت لما قال
" وانت جاي هنا عشان العروسه يا نادر مش كدا"
هنا انا اتخشبت فمكاني ازاي عرف اني جاي عشان كدا وازاي عرف بلعروسه واساسا ازاي عرف اسمي ، قالي بعدها
" انا هنا يبني من عشر سنين فاكيد ليا تعاملات معاهم وهما قالولي ان في مُتطفل جاي يزعجهم"
انا هنا خفت وخفت جدا بس بعدها اتنفست وقولتلو بصوت كان واضح انو مهزوز بس الحمدلله انو طلع مفهوم وقولت
"هما قالولي اجي عشان العروسه"
صمت شويه .....ودحك ....ايوا دحك جامد كمان وانا واقف مستغرب اي اللي يدحك كدا لقيتو بيقول
"تعال يبني تعال مينفعش وقفتنا دي كدا"
ودخل القبر وطلع منو عروسه قماش كانت متربه وقالي
" مش هي دي برضو اللي انت بتضور عليها "
هزيت راسي بنعم وكمل وهو ماشي
" طب تعالي معايا"
رحنا مكان اشبه بلبيت جمب باب المقبره
بس ازاي ملحظتهوش من الاول
معرفش بس اللي اعرفو انو كان بيت او كوخ
_ان صح التعبير _
مبني من الطوب الاخضر
دخلنا وقعد علي كرسي وانا قعدت علي واحد تاني
وجاب العروسه دي وبدا يقرا عليها قرأن
انا مش فاكر ايات اي او بشكل عام مش مركز
كل اللي كنت مركز عليه هي الحته الضلمه في الكوخ
الكوخ اينعم فيه لمبه ضوئها خافت بس مش لدرجه تخلي زاويه بلحجم دا ضلمه كدا
انا لما بصيت كويس حسيت ان حاجه بتسحبني ناحيه الضلمه دي حاسس اني عاوز اروح
بس اللي صحاني وفوقني من خيالي دا هو التربي وهو بيقول بصوت عالي
"اهو خلصت والحمد لله دلوقتي قولي يابني مين اللي قلك علي العروسه ديي "
لو اقسمت اني خفت من نبره صوتو هتسدقوني ؟؟
كان بيقولها باسلوب سخريه كأن دي حاجه عاديه بعدها انا قولتو
"زي ما قولتلك يا حج انا جيت عشان هما اللي قالولي علي موضوع العروسه دي"
سكت شويه وقالي
" انت لازم تمشي من هنا يبني المكان دا مش للعيال الصغيره ومهما حصل اياك تيجي هنا تاني"
وممكن تقولو انو طردني بس وانا ماشي في الشارع حسيت اني دايخ اني مش قادر امشي ووقعت .....
وبس كدا خلصنا الفصل وطبعا اسفي علي التاخير وبس سلام
أنت تقرأ
نقطه الصفر (عالم مجهول ١)
Horrorالبعض يؤمن بوجود الخوارق ....و البعض لا حسنا ...انا مؤمن بها لانني شاهدت هذه الخوارق بنفسي ستشهدون كيف اننا لا نعيش وحدنا في هذا العالم (عالم مجهول)
