ظلام عُمر

( 60 ) الـنهـايـة

ظـلام عـمـر

لِكُل قُصه نهاية ،
لِهنا ونتخم قُصتنا الحلوه بأخر بارت بـ ظلام عُمر ..
اتمنى تكون نالت اعجابكم ولتنسون تعلقون وتتفاعلون  لُطفاً .
اترككم ويه البارت..
______

زينه: تركت هاي السنة المفروض مرحله ثانيه بس ماگدرت جنت اتعب كلش بس سرور داومت

-اليوم على اساس نروح للدكتوره اني وعمر نشوف وضع البيبيات  عمر بعده مثگل وجهه عليه بس يضطر يحچي وياي غصباً عليه ويضحك رغم يحاول يبقى زعلان بس ميگدر..

واگفه وحايره شلبس يا صايه صرت البس صايات ارتاح بييها بطني كل ما جالها تكبر اخذت ثنين ورحتله..

زينه:- حبيبيي

عمر:- نعم

زينه:- شلبس ياهيَ

عمر:- بكيفج

زينه:- ادري بـكيفي بس جاي اخذ رأيك تره

هز راسه ما جاوب عطت ضايجه منا هرمونات الحمل ومنا هوَ..

زينه:-ـ عمررر لتسوي هيج من تسوي هيج ما احبك بهل حاله

عمر:- بلا هل حچي هوَ انتِ تحبيني بكل حالاتي

عفست وجهي واعيب عليه
زينه:- نننه بكل حالاته هوَ وواثق هم

عفته ورحت لبست تراك و فوگا الصايه وشمرت الشال حتى مكياج ما خليت بس واقي ومرطب وكبست رموشي ووگفت گباله..

زينه:- يلاا

عمر:- تفضلي يابه

فتحلي الباب ونزلنه طلعنه رحنه للدكتوره مالتي تصير صديقة عمر تفاجأت من گالت السكرتيره مموجوده بس موجوده وحده ثانية گلت خل افوت بعد اجيت..

دخلت عمر بقى بره ، فحصتني واخذت السونرات وهاي السوالف والتفتتلي على وجهه ملامح الحزن

الدكتوره:- طبعاً حبيبي ماعرف شگلج والله

انخمش گلبي وحچيت بخوف

زينه:- شكو دكتوره شصاير

الدكتوره:- انتِ تدرين حامل بتوأم ثلاثي!

زينه:- ها يعني قصدج تلاثه؟

الدكتوره:- اي حبيبتي ، انتِ صح حامل بثلاثه بس عندج توأم ملتصق

زينه:- شنو يعني دكتوره شلون ملتصق

الدكتوره:- يعني شخصين بجسم واحد

حسيت راح اوگع بالگاع من گالت هيج الگاع تاخذني يمنى ويسرى..

زينه:- شنو شهل حچي انتِ متأكده الدكتورات الي اروحلهن محد مثلج حچت