I'm a Chef in the Modern Era [Myanmar Translation]
Cuprins

    CITEȘTI

    I'm a Chef in the Modern Era [Myanmar Translation]

    Fantezie

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 103

    2.2K 407 2 
                                        
    
                                              
    Unicode 
    Fruit and Veggie Teething Treats
    ___________________ 
    သေချာပေါက်ပါပင်၊ ရှန်မိသားစုမှာ ဒုက္ခအသူတရာချောက်နက်ထဲကျရောက်နေခဲ့ပြီဖြစ်၏။ 
    ရှန်ဖူပြန်ရောက်လာချိန်မှာ မေမေရှန်က သူ့ကို အခန်းတစ်ခန်းထဲဆွဲခေါ်သွားတာမို့ သူ့ခမျာ ဖိုးဖိုးရှန်နဲ့ရှန်ယန့်ကိုပင်မတွေ့လိုက်နိုင်ချေ။ 
    "ရှောင်ဖူ၊ အမေ့ကို အမှန်အတိုင်းပြောစမ်း။ မင်းအစ်ကိုနဲ့ကျန်းချန်အကြောင်း မင်း ဘယ်တုန်းကသိတာလဲ? မင်း ဘယ်လောက်အထိသိထားလဲ?" 
    မေမေရှန်က တစ်ခါမှဒီလောက်အထိမဖြစ်ဖူးတာမို့ ရှန်ဖူကလည်း သူမကို တစ်ခုခုဖုံးကွယ်တာမျိုး၊ လိမ်ညာတာမျိုးမလုပ်ရဲချေ။ ပထမဆုံးအကြောင်းပြချက်က သူ့အမေကိုမလိမ်ချင်လို့ဖြစ်ပြီး ဒုတိယအကြောင်းပြချက်က ဒီအခြေအနေမျိုးမှာ သူဆက်ဖုံးကွယ်ထားဦးမယ်ဆို ဒါက သူ့အစ်ကိုကိုကူညီရာ မကျဘဲ မီးထဲလောင်စာထပ်ထည့်သလိုဖြစ်နေမှာမို့ပင်။ 
    ရှန်ဖူက အမှန်အတိုင်း‌ဖြေ၏။ 
    "ကျွန်တော်Sမြို့ကိုပြန်မသွားခင် အရင်တစ်ရက်ကမှသိတာ။" 
    ဒီစကားကိုမေမေရှန်ကြားတဲ့အခါ သူမကမျက်မှောင်ကုတ်သည်။ 
    ရှန်ဖူက ပါးစပ်ဟကာစကားပြောရန်ပြင်သော်ငြား မေမေရှန်ဖြတ်ပြောတာခံလိုက်ရသည်။ 
    "ဘာမှမပြောနဲ့။ ဒီကိစ္စကို ငါကောင်းကောင်းသိတယ်။" 
    ရှန်ဖူတစ်ယောက် ပါးစပ်ပိတ်ထားဖို့ကလွဲပြီး ရွေးချယ်စရာမရှိတော့ချေ။ အရင်က သူ့အစ်ကိုနဲ့ကျန်းချန်တို့ကြား ဘာဖြစ်ခဲ့တယ်ဆိုတာသူမသိပေမယ့် ‌သူ့အမေလျှို့ဝှက်ထားတဲ့အထိဆိုတော့ သေချာပေါက်ကိစ္စသေးသေးလေးမဟုတ်ဘူး။ သူနဲ့လင်ရှုယီကအရင်မို့ သူ့မေက ဒီကိစ္စကိုဆန့်ကျင်ရင်တောင် ဒါက သူ့အစ်ကိုကြိုက်တဲ့သူက ယောက်ျားတစ်ယောက်ဖြစ်နေတာကြောင့်မဖြစ်နိုင်ဘူး။ ဒါဆို ပြဿနာက ကျန်းချန်ပဲဖြစ်နိုင်တယ်။ 
    ရှန်ဖူ့အတွေးတွေက အလျင်အမြန်ထွက်ပေါ်လာသော်ငြား ရှန်ယန့်ကိုကူညီနိုင်မယ့်နည်းလမ်းကောင်းကို သူတကယ်မစဉ်းစားနိုင်ချေ။ ဒါ့အပြင် ကျန်းချန်က သူ့အစ်ကို ဒီလောက်ကြီးကြီးမားမားပေးဆပ်နေတာနဲ့ထိုက်တန်တဲ့သူလားဆိုတာကို သူ အရင်သိရဖို့လိုတယ်။
    I'm a Chef in the Modern Era [Myanmar Translation]Unde poveștirile trăiesc. Descoperă acum