فتاة العالم السفلى "مكتمله"

الفصل الاول (تم التعديل)

صلى على رسول الله

____________________

فى شقه كبيره نسبيا كانت هناك فتاة فى عمر ٢١ عام
وكانت تتسطح على سريرها بطريقه مهمله، وهناك سيده فى المطبخ تعد الفطور .

السيده بصوت عالى افزع زوجها :

"روووووووان يا بنت المقشفه قومى ياللى هتجبيلي المراره وانا لسه صغيره حرام عليكى"

روان وهى تقوم مفزوعه من النوم :

"اااااااههه فى ايه سرعتيني"

الام وهى تدخل غرفة ابنتها :

"اه يا جزمه يعنى انا بقالى ساعه عماله اصحى فيكى، وانت دلوقتى جاى تقولى انى انا سرعتك، قومى ياختي الضهر هيأذن كمان شويه"

روان وهى تتطلع فى ساعة هاتفها :

"ايه ده ياماما الساعه ٧ الصبح"

روان بنبره اشبه بالبكاء :

"يعنى يا مفتريه مصحياني في يوم الاجازه الوحيد اللى عاندى و تقوليلى قومى، حرام عليكِ ده انا على ما بيجيلي نوم بيكون الفجر اذن"

الام بنبره حنونه ولكن بها بعض العتاب :

"مهو انتِ ياحبيبتي اللى بتسهرى اعملك ايه دلوقتى؟!، قولتلك ميت مره متسهريش لوقت متأخر"

روان وهى تقوم :

"يا ماما اعمل ايه؟! انتِ عارفه انى انا بحب الروايات قوى وبحب اقراء فيها كل ليله قبل ما انام، اعمل ايه يعنى؟!، وبعدين انا ببقى نايمه على السرير بس بقراء فى التليفون اعمل ايه اكتر من كده؟؟"

الام وهى تراضى ابنتها :

"خلاص يا حبيبتى انا اسفه قوى بجد انا مكنتش اعرف ان انت متأخره فى النوم، خلاص اصحى كده و فوقى عقبال ما اصحي بباكي"

روان بحب :

"ماشى يا ماما"

ذهبت الام الى غرفة زوجها واستغربت من نومته التى تشبه نومة ابنتها :

"هو ايه اصله ده؟! دى نفس النومه السوده، بجد انا مش عارفه بيناموا كده ازاى ؟!!"

الام وهى تصحى زوجها :

"أحمممممد قوم يا أخ كل ده نوم، قوم الضهر هيفوتك قوم الضهر اذن"

قام احمد من النوم مفزوعا وهو يبحث عن هاتفه :

"يا نهار ابيض يا منال طب ليه مش صحتيني كده ينفع ؟؟!"

انهى حديثه وهو يتطلع فى هاتفه فجأه صرخ فى وجه منال :

"يا لهوى انتِ مصحيانى الساعه ٧ فى الاجازه؟! دى النهارده الجمعه يا منال حرام عليكِ ده ان مش بتهني بالنومه تقومى تصحينى، ليه كده بس ؟!"

منال وهى تضع يدها على قلبها من الخضه :

"فى ايه يا أخى فزعتني حرام عليك فى حد يصرخ فى وش حد كده؟!، وبعدين هو انت وبنتك نفس العبط كده سبحان الله، جرا ايه يا أحمد ده انا بصحي من بدرى ولا محلل ليكم ومحرم عليا مثلا، قوم يلا عشان تفطر وبعد كده تروح تصلى الجمعه"