السلام عليكم انا حبيت واحد من يوم مكان عمري ١٦سنه من يوم وانا كنت في اول ثانوي زي الشباب والبنات تعرفنا على بعض من العالم إلكتروني بس الصدفه طلع من نفس المدينه ونفس المنطقه الي انا فيها كان يبعد عني وعنه حوالي ٢٥كيلو فقط وكنت انا ادرس في المنطقه الي هو عايشه فيها ومن الصدفه انه كان بيته جنب المدرسه!!!! كان فيه اساله براسي كثير كيف كذا وكيف احنا لقينا بعض وش ذي الصدفه ولو اقولكم الصدفه الثالثه مرا ما تصدقون طلع صديق ولد خالتييي!!! مليون سوال في بالكم كيف كلمته وكملت معاه اختي الي اكبر مني كان اكثر وحده تقولي لا تكلمينه واذا كلمتيه راح اعلم امي طبعن مافكرت فيها وكملت معاه كان يتقرب مني يوم بعد يوم ويقولي كلام حلو بس لين جا يوم وقال لي انتي تخلصين من المدرسه بدري واهلك مايجون لك الا متاخر اشرايك تجين عندي لين يجون وبعدين ارجعك المدرسه للامانه كنت رافضه الفكره بس يوم اصر علي وافقت مدري كيف وافقت! المهم جاء اليوم الثاني وتجهزت ورحت المدرسه وبعد ماكملت رحت عنده المشكله مو هنا المشكله يوم اني رحت جلسنا ننظر في بعض حق ربع ساعه وساكتين مانتكلم وانا من داخل اقول ليتني ماجيت ونظراته ماطمن وبعدين بدا هو يتكلم ونسولف وجاب لي مويا ونضحك وكذا وبعدين تاخر الوقت ورجعت المدرسه وجو اهلي اخذوني وعدا اليوم الحمدالله على خير ومن بعدها بدت علاقتنا تزيد في بعض كثير ويوم بعد يوم نكلم بعض ومرا نحب بعض لين عدت سنه على علاقتنا وقال انه اخوه بيتزوج يدور بنت الحلال قلت له ب بنت خالتي الي هي اخو صاحبه وراح كلم امه وامه وافقت وراحو شافو البنت وكمل وتزوج اخوه وبنت خالتي وبعدها فتح الموضوع مع اهله انه يبني واني بنت خالت زوجت اخوه وكذا وهو واخوي صارو اصحاب واعز من اخويا بعد ماتزوج اخوه عند خالتي والعايله تعرفو على بعض وكملنا مع بعض لين صارت على علاقتنا ٣سنوات ومن هنا بدات الخيانه فيه وبدا يميل لغيري وانا كل ماقوله تعال واخطبني يقول انه باقي يدرس ومايقدر يجي وانا مكنت اشد عليه لين مرا اختي اصرت علي نروح ونختبره نشوفه يكلم بنات ورحنا وطلع صدق اللي ترسل له يرد عليها ويسولف معاها وانا كنت اكلمه على اني بنت ماعرفه وتعرفنا على بعض ويوم بعد يوم بدا يحبني ويبغى يقابلني واصر وافقت وانا كنت من حسابي الاساسي مكلمته اني تعبانه وبنام وهو قال تمام حتى انا بنام ورجعت اكلمه من حسابي الوهمي وهو يحسبني بنت ثانيه وطلع وانا طلعت ورحنا كوفي نشوف بعض دخلت الكوفي وجلست وطلبت قهوه على بال ماوصل ودخل جلس وانا جيت جلست عنده وانا وقهوتي وعيني في عينه وهو مصدوم وانا مصدومه وفيني قهر وحرقه على السنوات اللي راحت من عمري وقلت له ها كيف حلوه؟ يوم يقول اي والله حلوه ويضحك وانا من القهر معاد اشوف وعيوني مليانه دموع وقمت من عنده ورحت البيت وانا كلي ندم وقهر على الي صار وبلكته من كل حساباتي وجلست حق اسبوعين كذا وفتحت عنه البلوك وكلمته ونسولف مع بعض ونسيت الي صار وسامحته وكملنا مع بعض الا يشتغل فيني عرق الفضول وارجع واكلمه من حساب ثاني ويرد علي ويسولف معي وانا ولا هامه وارجع ونتخاصم وابلكه وجلسنا كذا كل فتره تصير مشكله ونبلك بعض ونرجع لبعض وكان يخاصم على اي شي ويجلس يتحكم ويقهر لين جاء اليوم بروح نحتفل انا وصديقاتي في كوفي لاننا خريجين من الثانوي وكلمته اني طالعه معاهم واهلي موافقين وكذا فجاء قال لا ومافي طلعه تبغين تحتفلين تعالي عندي واحنا نحتفل سوا وانا ابغاك ومحتاجك ومن ذا الكلام وانا من اول اقوله لا منا جايه عندك ومابغا نسوي شي بالحرام يكفي انو احنا نكلم بعض خلاص اذا انت معاد تقدر وتبغاني كلم امك وتعالو يرد علي بكل برود انا مو قلت لك اني ماقدر اجي الحين امي مو موافقه لين اكمل دراسه جتني بكيه بلعتها وانفجرت فيه ٣سنوات صابره عليك والله يشيخ لو انك ايش وخير ماطلع كوفي واهلك يطلعون وماتقول لهم شي وانا اجي بطلع مكان تقول لا قام يقولي انتي تخصيني هم مايخصوني ومالي دخل فيهم ؟؟؟؟؟؟؟ جحد اهله ذا من كثر القهر قلت له لو تبغاني تعال وخلاص قال انتي كل مقمتي وجلستي قلتي كذا قلت ايوه لان مايسويها الا الرجال! وبلكته وانا كلي قهر ونار ودموع الله لا يوريكم ٣سنوات وداخلين في الرابعه ولا فكر فيني ف دايما حبو نفوسكم يبنات ونصيحه لا تيضيعون وقتكم في شي فاضي 🫶
